سوناتا 2018

وعليكم السلام ورحمة الله وبركاته
السيارة جديدة وفحصها سهل
شوف بس فيه تهريبات زيوت أو سوائل

تشييكات عادية
ماظن على هالممشى تحتاج شي الا زيت وفلتر
وبيترومين علية شكاوي ومنتجاتهم لك عليها واسعارهم نار
على شي مايستاهل

اولا الله يعطيك خيرها ويكفيك شرها..

ثانياً نصيحة ابتعد عن بترومين..اسعارهم اغلى من الوكاله وزيوتهم في ناس تشتكي منها

بالنسبة لـ وش تغير على ممشى ١٠ آلاف..
عند حلين.. ياتاخذ جدول الصيانة من الوكالة او تفتح كتاب دليل المالك وفيه جدول الصيانة في القسم رقم ٧


طبعا انصحك بشدة تستخدم لزوجة 5W30 زيت صناعي بالكامل وحاصل على شعاى Dexos وارشح لك زيت فوكس D1

وابتعد عن الزيوت المعدنية اللي تمشي ٥ الاف لأنها تكون رواسب وثقيله على طرمبة الزيت

بالعكس جدا رخيص بترومين بالنسبة للسوناتا
ثانيا مافي غيره الا هو و الثاني ناسي اسمه زيه برضوا مثل بترومين
بس لازلت ابغا اعرف للي عنده سوناتا فقط يعرفون من الكتيب حق السيارة انا م حصَّلته 

عزيزي

في فروع صيانة هونداي منتشره بكل مكان وتدخل عليها عن طريق برنامج الخرائط

او محطات ادريس

وصيانتهم نفس الوكاله ولي رحت حقهم خلهم يغيرون لك زيت وسيفون واذا محتاج فلتر هوا
او مكيف

وضمان وفاتورة ومختمه من الوعلان هذا بالنسبه للرياض

بترومين ما احـد ينصح فيه حتى فلتر الزيت مغشوش لاتقربه

اولا اسأل الله ان يعطيك خير سيارتك ويكفيك شرها
بداية كنت مخدوع مثلك ياغالي ولا اصدق كل مايقال عن بترومين
والله ثم والله اني لك من الناصحين
ابتعد عن بتروميييين قدر الامكان وروح الوكالة صور جدول الصيانه 
الموضح فيه وش راح يتم التشييك عليه في كل صيانه وترتاح
او اتبع دليل السيارة ( الكتالوج )
ولودخلت على اسمي وقرأت موضوعي راح تكون مطلع اكثر
وخاصه التعليقات 
بالتوفيق ،،