أضف سؤال أو موضوع جديد          

حرارة سوناتا

up 0 down 0
ابو عبدالعزيز3888
قبل 4 شهر و 3 أسبوع



السلام عليكم 
قبل شهر شريت سوناتا 2012
ومرة وقفت عند البنك والمكيف شغال وترتفع الحرارة تعدت النص واشتغلت علامة البطارية
وطفيت المكيف وقعد فترة طويلة مارتفعة الحراره 
وبعدين كنت جاي من السفر وبثواني ارتفعت الحراره فوق النص بثلاث حبات ووقف ع اليمين وشوف قربة الرديتر تتغلي
وقعدت تقريبآ ربع ساعه لين نزلت الحرارة ومشيت تقريبآ 15كيلو وتترفع الحرارة وحصل نفس مصار
والمهم فكيت ماء الرديتر لين خلص كله وعبيته ومشيت لين وصلت البيت وهديت البنزين وطفت السياره !وخليتها
وامس كنت مسافر وامشيء 110 ولاحظت الحراره نزلت فجاء لين صارت الحرارة نقطتين !
وش السبب للمشكله هاذي رحت الصناعيه ومحد عطاني علم
تكفون الحل مع العلم توني شلت دبة التلوث قلت يمكن هي اللي تكتم ع الموتر لان العزم بعض الاحيان سيء







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا نزلت الحرارة وانت ماشي بسفر يعني بلف الحراره مشيول

او يحتاج تغيير.

سيارتي التيما وصارلي مثل موضوعك قبل اقل من شهر

مرات تطق الحراره ثلاث ارباع واشغل المكيف الحار قبل تطق الاتش

وبعد دقايق ترجع طبيعي وطلع الخلل بلف حرآره وغطا رديتر

وغيربطريقك موية رديتر اصلي


up 2 down 0
abdullah.ags 358
قبل 4 شهر و 3 أسبوع



كلامي عن بلف الحراره مايمنع ان فيه مشكله ثانيه بالمراوح او الدينمو

خاصه ان لمبة الدينمو تشتغل مرات..هذي تحتاج تشيك لحالها


up 1 down 0
abdullah.ags 358
قبل 4 شهر و 3 أسبوع



شغل السيارة وهي باردة وافتح الكبوت وشغل المؤقت, خلال 3 دقايق المفروض توصل الحرارة للمستوى الطبيعي, تقريبا الثلث. بعدها انتظر لين تشتغل المراوح بدون ماتشغل المكيف.
اذا ما اشتغلت يمكن يكون هذا السبب لان الجو كان بارد وفي امطار وانت في خط سريع اذا توقفت المروحة تنزل الحرارة بسبب ضغط الهواء البارد الخارجي. وانت واقف ترتفع بسبب عطل المروحة او عدم كفائتها, ما تشتغل بالقوة المطلوبة. المروحة بسيطة يكون عطل كهربائي يعني فيوز وكتاوت و اسلاك, او مكانيكي يعني قلب المروحة.

اذا الحرارة ماوصلت للمستوى الطبيعي في 3 دقايق, احتمال كبير ان البلف خربان يعني فاتح على طول.




up 0 down 0
dell2012 689
قبل 4 شهر و 3 أسبوع



اي سياره تشتريها مستعمله اهم شيء تغير
مويتها لانك ماتدري صاحبها متى مغيرها هذا اذا كان مغيرها ويمكن يعبيها مويه عاديه
الاسلم انك تغيرها كامله وغير البلف مره وحده سعره رخيص مايتجاوز ٧٠ريال بالكثير
والغطاء مايتجاوز ال٥٠ريال غيره مره وحده بكذا بردت على قليب المكينه


up 2 down 0
d7ooom777 454
قبل 4 شهر و 3 أسبوع



ديل٢٠١٢
المروحه مالها دخل
لان مراوحها كهربائيه بعد٧٠تطفي ماتشتغل ولا لها اي فايده
المروحه المكانيكيه هي الي تدور مع السير لو تمشي٢٠٠شغاله ماتطفي


up 1 down 0
d7ooom777 454
قبل 4 شهر و 3 أسبوع



طبعا اقصد الجزئيه هذي اما باقي ردك صحيح
))ما اشتغلت يمكن يكون هذا السبب لان الجو كان بارد وفي امطار وانت في خط سريع اذا توقفت المروحة تنزل الحرارة بسبب ضغط الهواء البارد الخارجي((


up 0 down 0
d7ooom777 454
قبل 4 شهر و 3 أسبوع



^^^ لكن تغير سائل التبريد والغطاء و البلف ما اعتقد انه له علاقة بنزول الحرارة في الخط! ويمكن تتغير بدون الحاجة للتغير وتكون بس خسارة فلوس, هذه قصدك من باب الاحتياط يعني كصيانة دورية. كان عندي سيارة قديمة وبعد حادث صار فيها مروحة وحدة بس موقتا ولاحظت نزول الحرارة في الخط خصوصا في الليل لأن في فراغ المروحة الثانية. مو محصل تفسير لنزول الحرارة!


up 0 down 0
dell2012 689
قبل 4 شهر و 3 أسبوع



واضح انك شاري الموتر مستعمل وشكلها ملفقه ولا فيها بلا



لمبة البطارية ولعت معناها عندك مشكلة في الدينمو والاغلب فحمات الدينمو وضعف الكهرب وما اشتغلت المراوح او اشتغلت بسرعة خفيفة ولذلك ارتفعت حرارتها عند البنك


لكن السؤال الاهم الحين هل يوم سوت هالحركة وديتها ورشة شيكت ولا درعمت وبس ؟


لأني ما اشوف في حوارك كتبت اني وديتها ولا شيكت وقالوا سليم


ترى مهب معناها ان الموتر رجع طبيعي امشي واخليه لين يخرب ثانية ولا يجيب بي العيد ثمن اصفق جنبه


وماسك به خط تولعت البطارية يعني دينمو يعني كهرب يعني بدونه السيارة ما تتحرك شبر تخيل قطعت بك الفحمات في نص الخط اول شي ما تسوى تعطيلتك وبتتكي ساعتين لين يجيك امن طرق ولا سطحة وخسارة فلوس المفروض تدفعها في تصليح السيارة بدال ما تحطها في سطحة



لذلك اول شي شيك على الدينمو وعلى كهرب السيارة بشكل عام دام ولعت لمبة البطارية


الحرارة شيك على الدورة بشكل كامل شف البلف فيه مهب فيه خربان صاحي


موفق


up 0 down 2
a.ibrahem 3086
قبل 4 شهر و 3 أسبوع



السلام عليكم ورحمة الله ....

قبل لا تلعب بالسياره ياخوي وتوديها ورش وتخسر تاخد انك تفرغ الهواء من الراديتر يمكن داخله هواء


up 0 down 0
modi841 21
قبل 4 شهر و 3 أسبوع



انا يوم اشتغلت لمبة البطارية كانت السيارة واقفه وطفت
ايه وديتها للصناعيه والله محد عطاني العلم الاكيد المكانيكي يقول رح عند
الرديتر والرديتر يقول رح للكهربائي 


up 0 down 0
ابو عبدالعزيز3888
قبل 4 شهر و 3 أسبوع



^^ طيب وشلون شغلتها وش غيرت ؟


up 0 down 0
a.ibrahem 3086
قبل 4 شهر و 3 أسبوع



طفيت المكيف وشغلتها 


up 0 down 0
ابو عبدالعزيز3888
قبل 4 شهر و 3 أسبوع




شيك على كوع غطاء الرديتر خفف من الوجه مويه تلقا سنه داخليه اذا موجوده شيك عليها اذا متكسر منها شي من الحراره


up 0 down 0
for sale123 -1
قبل 4 شهر