أضف سؤال أو موضوع جديد          

استفسار عن النترا 2017؟

up 4 down 1
khaled9191 10
قبل 7 شهر و 2 أسبوع



السلام عليكم ورحمة الله وبركاته

يا جماعة الخير انا ناوي على النترا 2017 مستعمله ان شاء الله

كيف السياره من ناحية العمليه والرساوه وهل هي خدومه او لا
السيارة معجبتني ومواصفاتها وسعرها مناسبه

لكن اشوف كثير اللي يبيعون السياره موديل 2017 في موقع حراج
هل فيها مشاكل؟

جزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مافيها مشاكل. موتر خدوم واقتصادي جدا.


up 2 down 0
ابومزعل 338
قبل 7 شهر و 2 أسبوع



بالعكس موتر جبار وخدمه وخاصه مكينة 2000 سيسي

والبعض يبيع محتاج سيوله

لكن انت اذا ودك خذ لك وحده استعمال حشمه ومو ماشيه كثير

وافحصها عند مركز طيب

وفالك التوفيق


up 0 down 0
aboahmed2014 700
قبل 7 شهر و 2 أسبوع





انا شريت كرايسلر ٢٠١٤ فل الفل تعتبر جديدة من نظافتها
ثم بعتها وشريت النترا ٢٠١٧ 

اقسم بالله العظيم اني ارتحت في الالنترا اكثر من الكرايسلر
بعضكم يستغرب ؟ 
اولا : بنزين اقل 
ثانيا : قطع ارخص 
ثالثا : اسلوب المداراة والمحافظة والدعس الخفيف والتحمية كان ايام الكرايسلر لكن الان مع الالنترا دق سلف وامش ماني احميها الا دقيقة فقط وأكدها 
رابعا : مع المطبات المفاجئة كانت تحسرني الكرايسلر وأزعل وأتألم .. بس مع الالنترا ما فكرت 
خامسا : ما صرت اسرع بعدما اخذت الالنترا .. لاني عارف ان البودي عبارة عن كرتون مقوى

سيارة عملية جدا 
خدومة جدا 
.....

وفيه مشكلة عند بعض الناس 
يشتري السيارة عشان لفت النظر 
لذلك الالنترا نفس السيكل .. ما تلفت النظر ولا احد درى عنك

عيوبها : 
العزل الارضي .. مش ولابد لكن عادي تتأقلم معه
صوت المكينة .. لكن ايضا عادي تتأقلم 

الرساوة كويسة لا باس .. لكن في حدود لا تقارنها مع فئات اعلى منها 

فيها نظام مانع انغلاق الفرامل ABS ممتاز جدا جدا جدا

وشكرا 


up 2 down 0
1035
قبل 7 شهر و 2 أسبوع