أضف سؤال أو موضوع جديد          

عندك اي استفسارات عن جينيسس 2015-2018؟ انا جاهز

up 11 down 3
abo9aly7 502
قبل سنه و 8 شهر



السلام عليكم ورحمة الله وبركاته

كما في العنوان.. سواء مواصفات او اعطال او استخدام او ضمان او صيانه
باذن سأكون قادر على الاجابه عليها.. لكن اسعار السياره حاليا ماعندي خلفيه عنها

انا الآن معي موديل 2016 فل كامل (رويال) 8 سلندر.. لها 3 سنوات معي وان شاء الله قريب بنزل موضوع مفصل عن تجربتي للسياره








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اسال الله ان يعطيك من خيرها ويكفيك شرها

بانتظار موضوعك يا بطل


up 4 down 2
aboahmed2014 1094
قبل سنه و 8 شهر



تكلم عن جودة الديكورات


up 2 down 5
محمد الوايلي 711 196
قبل سنه و 8 شهر



[محمد الوايلي 711]

بالنسبة لجودة الديكورات

من استخدامي اشوف انها لابأس فيها

صوت الديكورات يطلع بسبب الشوارع المكسره والشمس الحاره والاصوات ماراح تسمعها الا بعد فترة استخدام

بالمختصر المفيد:
اذا السياره دائما تمشي بشوارع مكسره ومطبات على سرعه وتوقفها في الشمس.. بتطلع لك اصوات الديكور سريع

اما اذا انت تحاول دائما تتجنب الشوارع المكسره وتوقفها بعيد عن الشمس مستحيل تطلع. لك اصوات


up 3 down 1
abo9aly7 502
قبل سنه و 8 شهر



هل صحيح ان الكبوت على سرعة ١٤٠ الى ١٦٠ يهتز؟


up 2 down 1
MR.AHMED 60
قبل سنه و 8 شهر



هل صحيح ان الكبوت على سرعة ١٤٠ الى ١٦٠ يهتز؟


up 1 down 1
MR.AHMED 60
قبل سنه و 8 شهر



هي من ٢٠١٣ مكينة GDI وهذه بنزينها ٩٥.  ايش نوع البنزين اللي تعبيه؟ 
وكيف صرفية السيارة. هل فيها نظام ذكي للتوفير مثلآ فصل ٢-٤ سلندر وهي واقفة او سرعة تحت ال ٨٠ ثابتة؟ 
هل اهتزاز الكبوت هو نظام حماية وقت الحوادث؟ ولا كلام فاضي؟
هل زاويا السيارة سيئة في الزحمة؟ 
كيف اسعار قطع الغيار؟ ومعاملة الوكالة لل VIP؟
وشكر :)


up 0 down 2
dell2012 908
قبل سنه و 8 شهر



[MR.AHMED]

نعم يهتز
بسبب نظام الأمان اسمه Active Hood System
هذا النظام وضع لسلامة المشاة ، ابحث عنه في قوقل او اليوتيوب بتحصل مقاطع عنه

واذا الاهتزاز يزعجك.. الوكاله تقدر تلغيه لك ويصير بدون اهتزاز


up 4 down 0
abo9aly7 502
قبل سنه و 8 شهر



[dell2012]

بالنسبة لنوع البنزين:
كتلوج جينيسس 2015 - 2017 يقولك استخدم بنزين اوكتان 91 او اعلى
كتلوج جينيسس جي 80 ، 2017 - 2018 يقولك استخدم بنزين اوكتان 95 او اعلى
وتستطيع استخدام بنزين 91-94 ولكن قد يأثر بشكل طفيف على أداء السياره ، واذا سيارتك 8 سلندر او 3.3 تيربو اذا عبيت بنزين اقل من 95 قد يأثر يزيد استهلاك الوقود

طبعا هذا كلام الكتلوج.. الآن كلام المجربين هههه
اللي سياراتهم 6 سلندر 3.8 وغيروا الى بنزين 91 اكثرهم يقولك ماتغير شي.. السياره هي هي
واللي معهم 8 سلندر وغيروا 91 اكثرهم لاخظ صرفية البنزين زادت وعزم السياره ضعف
بالنسبه لي انا مستمر على بنزين 95 ولا غيرته

بالنسبه لتوفير البنزين:
سالفة فصل 4-2 سلندر غير موجوده
اذا حطيت وضعية الاقتصادي بتلاحظ ان عزم السياره ضعيف بالاضافه الى تبديل نمر القير بيصير سريع عشان يريح المكينه بسرعه
وكتلوج السياره يقولك احتمال صوت المكينه يتغير او المكيف يضعف شوي.. لكن من تجربتي مالاحظت الشي

بالنسبه نظام اهتزاز الكبوت
هو حماية المشاة مهو حماية لك كـ سائق.. ولكن ماشفت احد معه جينيسس وصدم آدمي عشان نعرف صحيح ولاكلام

زواي السياره ليست سيئه.. واذا كانت معك فئة نص فل (بلاتنيوم) بيكون عندك 4 كاميرات 360° بالاضافه الى الحسسات الاماميه والخلفيه تساعدك جدا في الزحمه او المواقف الضيقه

وبالنسبة للقطع الغيار والVIP
قطع الغيار الاستهلاكيه: معقوله وماهي غاليه
قطع غيار البودي: ايضا ماهي ذاك الغلى مثل الصدامات او الرفارف.. لكن القطع الكهربائيه غاليه مره مثل سعر الشمعات الوحده تقريبا 7 الاف

الـVIP تسويقيه لا اكثر.. يعني بعض الفروع الرئيسيه للوكاله يكون لك قسم خاص تجلس فيه ولكن كـ تعامل ماتفرق انت وراعي الاكسنت واحد
لكن يفرق الضمان حقك 5 سنوات مفتوح الكيلومترات وصيانه مجانيه الى ممشى 100 الف.. ولكن فيه بعض القطع ينتهي ضمانها قبل وهذه خدعنا فيها
مثل البطاريه ضمانها سنتين او 40 الف
الشاشه ومضخم الصوت 3 سنوات او 60 الف
تنظيف فتحة البانوراما ينظفوها مجانا الى ممشى 20 الف وبعدها تدفع حق التنظيف والتشحيم
الفحمات لك تغييرتين فقط خلال الـ100 الف مجانا اكثر من كذا تبدا تدفع حقها

بالعربي سالفة الصيانه المجانيه الى 100 الف وماتدفع الا حق البنزين طلع نصب وتسويق
لأن فيه اشياء مابين السطور ماتدري عنها وتنصدم فيها وقت الصيانه مثل اللي ذكرتهم لك



up 7 down 0
abo9aly7 502
قبل سنه و 8 شهر



خدعة تسويقية لاتعليق صراحة

وين وزارة التجارة عنهم؟

ليش بدول الغرب بالرغم من أنهم غير مسلمين إعلاناتهم أصدق من إعلانات الوكالات عندنا

عندهم إحترام ومصداقية مع العميل واللي يدلس أو يروج شي غير صحيح يغرم ويعاقب بأشد العقوبات

طبعا عندنا سو اللي تبي وتجني من اللف والدوران ملايين وتغرم بعدة ألاف إذا حصل وغرموه

لهذا السبب لازم تدقق على العقد زين وتقراه وتفحصه بدقة


up 1 down 3
دكتوراه في الحب 160
قبل سنه و 8 شهر



ما يعرفو من الاسلام الا الاسم فقط


up 1 down 1
mfh2009 303
قبل سنه و 8 شهر



بعد اذن المعلن ، اخواني الي يعرف حل او مرة عليه هالمشكله 
عندي السيارة طفت كان فاصل عنها الكهرباء وشوي رجعت اشتغلت ورجع كل شيء من جديد كانها تفرمتت 
يعني رجع الكيف على الاوتو ، اتصفرت عداد الكيلوات الصغير حق الزيت 




ابي حل تكفون ي اخوان من مرت عليه هالمشكله 


up 0 down 0
rakan-alharbi
قبل سنه و 5 شهر



البطارية ماهي ثابته عندك شيك اصابع البطاريه
صارت معايا وطلعت الاصابع فيها مشكله جنسس ٢٠١٥


up 0 down 0
ebraheempro 28
قبل سنه و 4 شهر



عندي استفسار بخصوص المكيف في الصيف والسياره واقفة
احس تبريده تعبان احد واجهه المشكله هاذي
لقيت حلول كثيره في النت بس مابغا اجربها
رحت الوكاله ٣ مرات كل مرره يقول فريون ويزيدوه عالضمان واخر مرره تنظيف وبرمجة
وبصراحه ماحسيت فرق وعندي موعد حاجزه قريب باروح واشوف


up 0 down 0
ebraheempro 28
قبل سنه و 4 شهر



لو سمحت يالغالي هل تنصح بتعبيه بنزين ٩١ جينيسس ٢٠١٦ ٣.٨ وهل لو عبيت بتتاثر المكينه بيقل عمرها الافتراضي او بتخري ؟ 


up 0 down 0
ofays
قبل 11 شهر



السلام عليكم اخوي عندي مشكله فا سيارتي هي ان الطاره ماتلف يعني كنها قافله مستحيل تتحرك وفيه علامة فا الطبلون الي هي علامة طاره وجنبها علامة تعجب وفحصت كمبيوتر يطلع لي كود U0109 بس الكود ماله علاقه بالمشكله 


up 0 down 0
mohmmedalotibi
قبل 6 شهر و 3 أسبوع



كم تسوى المستعمل النضيف حاليا


up 0 down 0
mohammed al juaid -10
قبل 6 شهر و أسبوع



فئة الاستاندر والنص فل


up 0 down 0
mohammed al juaid -10
قبل 6 شهر و أسبوع



انا عندي جينسس كوبيه بعرف على كم يتغير زيت القير.؟


up 0 down 0
odai_amer 13
قبل 6 شهر