أضف سؤال أو موضوع جديد          

السيارات التالف يتم اعادة اصلاحها و بيعها

up 14 down 21
ابراهيم 78 -97
قبل 8 شهر و 3 أسبوع



السلام عليكم ورحمة الله و بركاته

اذكر بعام 2007 أحد الزملاء كان ماخذ سيارة عن طريق البنك الاهلي هوندا اكورد

بعد فترة بسيطه اقل من سنه ضرب فيها رصيف ضربه بسيطه ما طلعت السيارة فوق الرصيف

و الاثار كانت بسيطه حتى الكفرات سليمه ووقفت السيارة سليمه

الضرر على ما اذكر كان صدام و اعتقد حتى الرديترات سلمت

لكن الاكورد تطلع ايرباقاتها بسرعه و طلعت الايرباقات و حسبها البنك تالف

و سحبوها منه و بعد فترة بسيطه لقاها واقفه بمعرض سيارات معروضه للبيع

و راعي المعرض يقول السيارة سليمه ما فيها شيء

فعلا فعليا البودي سليم ما جاه شيء لكن طلعت الايرباقات و الضرر من الاسفل

ولكن كيف كانت تالف و رجعت سليمه و تباع

المفروض تالف تسقط من المرور برقم الهيكل وليس رقم اللوحه و يتغير

المفروض برقم الهيكل تسقط نهائيا ولا يقدر احد يطلع لها لوحات بعد كذا

ولكن اعتقد الوضع الحاصل حتى اليوم هو لعبه بين شركات التأمين و الوكالة فقط

حتى المرور ما يجيه خبر انها تالف و هذي مقاطع فيديو تثبت هالكلام و التلاعب

طبعا المقاطع لسيارات غير الاكورد اللي اتكلم عنها

https://www.youtube.com/watch?v=MkOQMMQCHxk

هذا مقطع واحد و لو تبحث باليوتيوب تحصل غيره اكيد

و الرابط الثاني للترفيه فقط

https://www.youtube.com/watch?v=boZ8cH1MbWE&t=0s&index=35&list=LLBrLpiuNphtZckgQDoYGrRg







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


و خلال عملي بالمحكمه قبل فترة بسيطه بالمحكمة العامه بجده

جاء مصري بيرفع دعوى ضد وكالة كيا

اشترى سيارة مستعمله من عندهم من قسم المستعمل و اخذها كاش كيا سيراتو

اشتراها بمبلغ 26 الف ريال

و بعد فترة راح بيجدد الاستمارة و لازم فحص راح الفحص الدوري رسبت السيارة

طلعت السيارة متضرره بحادث قوي و الشاص معدل كثير

و الرفرف الخلفي كامل مقصوص و مغير وهو ماخذها من عندهم طبعا على اساس انها سليمه

و لكن بوضعها كذا تعتبر تالف هالدعوى اطلعت عليها بنفسي ما نقلتها من احد


up 7 down 8
ابراهيم 78 -97
قبل 8 شهر و 3 أسبوع



وعليكم السلام للاسف موضوع السيارات سهل التلاعب فيه والنظام ضعيف فيه جدا

مثل الفحص الدوري تروح والممشى 200 الف بعده تجيهم ومنزل العداد ل100الف عادي تعدي
يعني نظام شكلي فقط وسالفة الموتر تالف المفروض خروج الايرباقات ماتتسجل تالف لان فيه صدمات بسيطه جدآ

وتطلع الايرباقات والسياره بشكل عام ممتازه ولاتشكي شيء وشركات التأمين والوكاله والله لو احلف انهم مايتعرضون
لخساره ابدآ ماكون بالغت شفط واكل على الطالع والنازل وفوائد عاليه وشروط ظالمه




up 10 down 2
المنطق يقول 679
قبل 8 شهر و 3 أسبوع



المنطق يقول

الخلل بالنظام كامل المفترض يكون نظام مترابط مع بعض

سيارة تسجل تالف بالتأمين او شركات التقسيط او البنوك تسقط عن طريق المرور دايركت برقم الشاص

ولا يمكن بيعها الا قطع بالتشليح فقط

ولكن الحاصل انه عادي تالف قدام العميل و يشتريها احد الموظفين بالبنك او شركة التأمين

بسعر جدا رخيص و يرجع يصلحها و يبيعها على اساس انها سليمه


up 3 down 6
ابراهيم 78 -97
قبل 8 شهر و 3 أسبوع



والله هذا المفروض بوقت تطور وتكنولوجيا وانظمة معلومات يعني مافيه عذر لو كنا بزمن الملفات نقول معذورين
حتى لو تجي بتشتري المفروض برقم الشاص تطلع برنت او بيانات السياره كامله

واي حادث مهما كان بسيط يكون متسجل على السياره بكذا ينتهي اللعب والغش ببيع السيارات





up 4 down 1
المنطق يقول 679
قبل 8 شهر و 3 أسبوع



معك حق
والله لو تروح الورش تشوف العجب ، سيارات مقصوص نصها واريباقات طالعه ويعاد بيعها من جديد - وفي عضويات كثيره في موقع حراج زي ابو حاتم والله يرزقني ويرزق غيري
عندهم ومثل هذه السيارات ولكن يبعها بحالتها
انا معك انا التالفه لا يتم اعاده بيعها من جديد وتذهب الي التشاليح


up 5 down 2
عمده33 1627
قبل 8 شهر و 3 أسبوع



يارجال التالف ماعرفناه الا من صار نظام التأجير المنتهي بالتمليك والمرور بيني وبينك مخلي الدعوة هايمه لشركات التأمين والوكالات يلعبون لك لعب على كيفهم يتلفون اللي يبون ويقولون هذي خسارة كلية على كيفهم



المفترض مافيه موتر يتلف ولا يسجل خسارة كلية الا يكون عرض على المرور هو من يقرر مهب الوكالة ولا شركة التأمين اللي تقول



والله لعب عندنا ، والوكالات تتهرب من اصلاح السيارات اللي حوادثها فيها ارباقات وعضلات ودنيا لانه داري انها بتاخذ منه جهد ووقت وهو مايبي كذا يبي واحد صدم وبيغير شمعة وكبوت يرشها في كم يوم ويصلخ جلدك بالتسعيرات وعلى حس التأمين


اذكر على طعم هالسالفة واحد من زملانا معه كادينزا 2015 صدم ركن يمين خفيفة مهيب قوية مرة يوم جاء التقديرات وكذا جلس عاد يشوفها تخيلوا كم مسجلين سعر الشمعة 6000 وشوي عاد هو كان داقش برضوه بالشمعة اليسار من زمان وماعنده تقرير عليها ولا شي قال بغيرها انا بشتري واعطيهم اياه يركبونها طبعاً الموتر فل اللي نظام زنون وخاصية التفاف الانوار كم خذيناها وكالة ب 3500 شوفوا الفرق في شمعة بس غير الجنط كم حسبوه هالحرامية يعني ماخذين قرابة 100% من السعر الاساسي 2500 على الشمعة بس ويوم قالهم ليش كذا قالوا والله حنا ما نشتري الا من المورد حقنا مانقدر نغيره ونتعامل معه طبعاً مهب وكالة ورشة برا تابعه للوكالة او متعاقدة مع الجبر شي زي كذا ما اعرف عاد نظام التأجير المنتهي بالتمليك



ويوم دخلنا الورشة والله بلاوي سيارات مافيه الا طقوق خفيفة تشوف التسعيرات خيالية وهي ما تكلف في اطلق ورشة ربع المبلغ بالقطع وكل شي


المرور لازم يصحى للعب الحاصل

موفقين


up 3 down 9
a.ibrahem 3240
قبل 8 شهر و 3 أسبوع



شين وقوي عين الله لايعطيك عافيه تنزل موضوع جديد علشان نقاط وانت تسبسب بمنتدى امس


up 10 down 9
نواف الحربي4 334
قبل 8 شهر و 3 أسبوع



ههههههههه

النقاط ما تهم عضوية بدالها عضويه

المهم اني كاسر عينك


up 5 down 9
ابراهيم 78 -97
قبل 8 شهر و 3 أسبوع



و ماهمتك النقاط مانزلت موضوع ي التنكه تبي الناس مايعطونك ديس لايك العب غيرها غيرك اشطر


up 2 down 7
نواف الحربي4 334
قبل 8 شهر و 3 أسبوع



ارجع عض العظم اللي طاح من فمك عشان تسكت يا كلب


up 2 down 6
ابراهيم 78 -97
قبل 8 شهر و 3 أسبوع



يعطيك العافية يابو خليل على الموضوع الطيب
وفائدة للجميع وجزاك الله خير
وسبحان الله موضوعك هذا قبل 4 أيام صديق لي يسولف لي انه معه جينسس وصارت تالف ولونها عنابي ,, وشافها بمعارض النسيم ما دقها الشاكوش ههههههههههههه

مشكور يابو خليل


up 4 down 9
الاحترافي 1202
قبل 8 شهر و 3 أسبوع