مشكلة كمبروسر السوناتا.. هل هناك حل نهائي؟
3
0
إضغط هنا للإخفاء
السلام عليكم ورحمة الله وبركاته..
عندي سوناتا 2011..
سابقاً في فترة ضمان السياره ، الوكاله غيروا الكمبروسر 3 مرات على الضمان
المشكله ان الكمبروسر الجديد ( الوكاله ) يجلس سنة تقريبا ثم يبدا يضعف وبعدين يصير يفصل عند الوقوف
اخر كمبروسر غيروه لي الوكاله جلس معي نفس المده (سنه ) ثم بدا يضعف.. فـ غيرت الحساس (البلف) سعره 300 ريال و120 فريون اصلي و70 ريال شغل يد. وبعد تغيير الحساس.. تحسن المكيف نوعا ما.
وبعد 4 شهور بالضبط اللي هو الآن صار يفصل والهوا حار .. وصوت الكمبروسر اعلى من السابق ثم يختفي الصوت كأنه طفى طبعا هذا والسياره واقفه
الزبده في كذا كهربائي يقول رهم كمبروسر موديل قديم. 2009 اللي يجي بدون حساس (كلتش)
بس انا متخوف من تأثيره على السياره سواء صرفيه بنزين او عزم او رجه
فاللي جرب يرهم كمبروسر.. كيفه معه؟
وهل لاحظ سلبيات كثير؟
وهل فعلا ان المكيف يثلج ويبدا مايطلع هواء بسبب الكمبروسر مايفصل؟
اما اذا بركب ابو حساس مثل حق الوكاله او كوري ، مو معقوله كل سنه لازم اغير كمبروسر
إبلاغ
الردود
بعض السيارات اتوقع تزبط واتوقع بعضها لا شوف كمبروسر اعتقد اوبتيما اعتقد يرهمونه الله يعينك وتتسير باذن الله
4
1
هل عانيت من مشاكل ثانية غير الكلتش؟ مثلا صرفية بنزين.. رجه.. .. يثلج ومايطلع هواء او ضعف في عزم السياره؟
لأن حسب علمي ان كمبروسر الكلتش يحتاج كهرباء اكثر ١٢ فولت والحساس ٦ فولت
ويعطيك العافية
0
0
كمبروسر كيا اوبتيما هو نفسه حق السوناتا ويجي نوعين حساس للموديلات الحديثة وكلتش للموديلات القديمه مثل ٢٠٠٩
شاكر لك مرورك ،
1
0
11
21
ولكن بالمقابل كثير رهموا كمبروسر كلتش ولا حصل معهم مشاكل و خدم معهم فترة طويله بدون أعطال
ولكن انا شخصيا اللي فرق معي كالتالي
الكمبروسر الحساس اذا شغلته ما يتغير شيء بالسيارة لا عزم ولا شيء
الكلتش تحس بالتشغيله حتى لو كنت تمشي مثلا على سرعه 60 او 80 اذا اشتغل تحس بتشغيلته
يعني فيه ثقل شيء بسيط يحصل لكن البنزين ما لاحظت فرق ممكن يفرق شيء غير ملاحظ بالنسبة لي
بالنسبة للتبريد كان بارد و السيارة واقفه او تمشي برودته ممتازة
طبعا الرجه فيه ناس يعانون منها عند الترهيم و هذا وجهة نظري يرجع لنوع كراسي المكينه على السيارة
ما اقصد اصلي او تجاري اقصد طريقة تثبيت كراسي المكينه
مثل الكامري و الافالون و بعض السيارات اللي يجي الكرسي الجانبي فيها دائري تشوف الجلده بداخله
و مثبت بالرفرف الداخلي هذا حتى لو الكرسي مكسور السيارة ما يحصل فيها رجه ابدا
لكن الكرسي مثل حق الهوندا الاكورد و المازدا مثلا
يجيك الكرسي حقها مثل الكوب كبير هذا حتى بدون مكيف لو الكرسي قديم يعتبر مستهلك خلاص له عمر معين
و يسبب رجه و السيارة واقفه و اذا كنت ماشي تسمع حنة المكينه ولو رهمت كمبروسر تزيد الرجه
هذي وجهة نظري
ما ادري السوناتا اي نوع الكرسي الموجود فيها
لكن الكامري اعتقد كان يتعطل لان شغلته معقده له كتاوت خارجي لحاله و اسلاك كثيرة و شغلتها شغله
لكن اعتقد بعض السيارات تركيبها اسهل
3
2
التبريد ممتاز (ماشاء الله ) ولكن عزم السياره طاح والسياره تبي تطفي - راجع موضوعي
7
1
لارجه ولا تفتفة ولاشيء الحمدلله
بالنسبة للصرفية أكون صادق معك ماني ملاحظ عليها أبداً
0
0
ماشاء الله تبارك الله
بتعبك بالأسئلة شوي
كم كلف ؟
وهل غيرت كمبروسر جديد ولا تشليح؟
اذا جديد اصلي وكاله ولا كوري؟
وركبته بكتاوت ولا بدون؟
وتل غيرت معه رديترالمكيف؟
0
0
0
0
شريت الموتر مستعمل ع حالته ف ماعرف اي شي عن الشغل لكن واضح انه تمام ماشاء الله
الكمبرسر نفسه اتوقع سعره جديد ٧٥٠ او اقل كوري طبعا
كان ودك بمحل قطع بدلك كلمني ٠٥٥١٠٢٤٥٠١
مالي نسبة ولا شي بس دايم اشتري من المحل وسعره تمام
2
0
تخلي قزاز السالم ع يمينك وتطول بس لاتطلع الكبري بتجيك اشارة تطلع معها سيدا أول لفة يمين
هنا محلات الجملة اسمها دويرة الخرج
طبعاً مو بس هونداي
وبالتوفيق للجميع .
1
0
0
0
انا جربت بكامري 2007 غيرت من حساس الى كلتش حق الموديلات القديمه
كل 3 او 4 شهور يحترق الكلتش و اغير الكلتش لحاله يكلف مع شغل اليد و الفريون اقل شيء 650 ريال
و كل 3 او 4 شهور على هالحاله يعني ما كان يخدم معي
رغم اني ما كنت ادعس على السيارة اذا المكيف شغال ما اخلي الضغط يوصل 4 حتى
قبل 6 سنه