أضف سؤال أو موضوع جديد          

سواها وخرب الكمبروسر

up 7 down 0
ms3al 1441
قبل شهر و أسبوع



سلام عليكم ورحمة الله وبركاته
صبحكم/مساكم الله بكل خير
يا جماعة الخير بستشيركم

اليوم انا ماشي من ينبع بتجاه المدينة
بعد ما وصلت المدينة وعديت المركز سمعت صوت غريب في المكينة جنبت
اشيك الامور طيبه وصوت المكينة تمام
رجعت ركبت وعشقت وكملت طريقي
لاحظت ان التبريد بدأ يخف يخف حتى صار هواء حار
عرفت انه الصوت يخص دائرة التبريد طفيت المكيف وكملت
وصلت البيت اشغل المكيف ما يشتغل تأكد انه الكلام عن الالنترا صحيح بما يخص المكيف
مع انه في قبل ما احرك من ينبع شغال زي اللوز سواء واقف ولا ماشي بارد
رحت شيكت عن اكثر من مهندس كلهم قالوا الكمبروسر ضرب
اتجهت لمكانيكي
وشرحت له الوضع قال لي روح جيب القطع هذي
بلف ثلاجة
ورديتر مكيف
وكمبروسر

لفيت المحلات
ولقيت التالي
كمبروسر هينون كوري
بلف ثلاجة اصلي
رديتر مكيف اصلي ب1260
ولقيت
برضه كمبروسر هينون
ورديتر مكيف كوري
وبلف ثلاجة كوري ب 1000 ريال
ولقيت
كمبروسر هينون
ورديتر مكيف كوري
وبلف اصلي
ب 1140
ولقيت واحد يقول لي انا ابيع طقم
كمبروسر كوري hcc
ورديتر كوري
وبلف كوري
ب 1200 ريال

اغلب المحلات قالوا انه hcc الشركة قفلت فمدري وش السالفة

رديتر الوكالة اخليه ولا اغيره
والنوع الكوري يجي منه
ولا بيأثر على جودة التبريد













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الرديتر اذا انت طفيت المكيف اول ماخرب وماقمت تحوس فيه
ممكن تنظفه وترجعه على حسب شف وش يقولك الكهربائي
يوم طق علي الكمبروسر طفيت المكيف ووديتها للكهربائي
شراء كمبروسر ورديتر من الوكاله
اخر شيء شاف الرديتر نظيف
ماجاه شيء من الكمبروسر ورجعه للوكاله
وماشاءاالله الى الان الامور طيبه
وانا لو مكانك ابغير الرديتر واجدد دورة التبريد مره وحده دامه رخيص
حول ال200ريال
اما حق سيارتي كان غالي عشان كذا ماغيرته
ونفسه الكهربائي نصحني مااغيره وانت شف الكهربائي وش يقول بعد مايفكه


up 3 down 1
d7ooom777 459
قبل شهر و أسبوع



اذا بدك مهندس فنان بينبع ادلك عليه انا الاسبوع الماضي
نفسك معي انترا ضرب كمبروسر غيره وغير اديتر وبلف
انا البلف أنسد وضرب لي كمبروسر


up 0 down 0
معاندجرح 54
قبل شهر و أسبوع



عليكم السلام اذا الاديتر مافيه تنسيم لاتغيره سو له تنظيف يكفي اهم شي القطع غير اصلي والفريون ابعد عن التجاري


up 0 down 1
نواف الحربي4 345
قبل شهر و أسبوع



ليش ماغيرت السياره مره وحده ماخلى شي العامل في دائره التبريد ماقالك غيره خل عندك عقل شوي غير الخربان فقط وللمعلوميه كل القطع القديمه راح يبيعها العامل لغيرك وبالنهايه أنت الخسران


up 5 down 5
aliexendr_8 84
قبل شهر و أسبوع



معاند الجرح دلني على محل الورشة
وايش نوع الكمبروسر الي غيره لك اخذته اصلي ولا كوري درجة اولى
نواف الحربي
الرديتر مافيه تنسيم
بالنسبة للقطع
الكمبروسر ماني ماخذ غير الكوري
الاصلي سعره غالي
Aliexendr_8
الاربع ورش الي رحتها كلهم قالوا لي نفس الكلام الكمبروسر والرديتر والبلف
وفي واحد معروف في المدينة رحت له وقال لي نفس الكلام
قال لي انه الرديتر والبلف راح يكون مجمع وصخ وراح يعدم لك الكمبروسر الجديد
وانا ما اترك اي قطع قديمة حتى لو عارف انها خربانه اخذها معي



up 1 down 0
ms3al 1441
قبل شهر و أسبوع



اول شي تاكد انه مافيه تنسيم


up 1 down 1
mfh2009 162
قبل شهر و أسبوع



اذا ممكن ابدا بالارخص


up 0 down 2
abo3edh 297
قبل شهر و أسبوع



صاحبي عنده ٢٠١٢ مكيفها بارد جدا
ورحيمي عنده ٢٠١٧ مكيفها مايجمل  يمشي حاله بس الظهر زفت
حظوظ طبعا النترا  


up 1 down 1
55thary 5
قبل شهر و أسبوع



لو سعره بسيط الرديتر غيره لان التركيب هيكون مكلف لان فيه فك التابلوه على ما اظن
كم موديل السياره؟


up 1 down 1
abo-ahmed-cad 32
قبل شهر و أسبوع



ماله شغل الطبلون
الشغل كله برى
الرديتر برى
ثلاجة المكيف هي الي تحت الطبلون



up 1 down 0
ms3al 1441
قبل شهر و أسبوع



الرادياتر ماله علاقه بالمكيف. الرادياتر دوره تبريد الماكينه.
اكيد الكهربائي عاوز يغير ثلاجه المكيف واحيانا يسموها رادياتر المكيف لانه شكلها يشبه الرادياتر العادي


up 0 down 0
abo-ahmed-cad 32
قبل شهر و أسبوع



اشكر كل من رد في هذا الموضوع
واليوم اشتريت كمبروسر هينون
وبلف ثلاجة ب 870 والتركيب بكره ان شاء الله
اما بخصوص رديتر المكيف اخذت لي فريون تنظيف
اوفر وافضل

بالنسبة لأبو احمد
الرديتر فيه واحد للمكيف وواحد للمكينة



up 0 down 0
ms3al 1441
قبل شهر و أسبوع



الا يقولك HCC قفلت هذا مو داري عن شي

هونداي تستخدم كمبرسور من شركة هانون سيستم

ويجي الكمبرسور بعدة اسماء منها HAC ومنها هانون ومنها HVCC ومنها HCC كل هذي الأسماء لنفس الشركة
عني بسيارتي جاي بأسم HVCC واخوي جاي بأسم هانون


up 2 down 0
amjd22558 431
قبل شهر و أسبوع



amjd22558
الله يبيض وجهك
ويجزاك خير كنت متخوف من الشركة هذي
وان باقي لي تكة واولف كمبروسر الي نظام الكلتش
ونقول ان شاء الله يجمل الكمبروسر الجديد



up 1 down 0
ms3al 1441
قبل شهر و أسبوع



ابشركم تم تركيب الكمبروسر فقط
طلع الرديتر نظيف والبلف نظيف
والمكيف ما شاء الله تبارك الله
رجع بارد وعساه دوم ان شاء الله يكون بارد



up 1 down 0
ms3al 1441
قبل شهر



الله يسهل امورك و لايك


ي غالي بعطيك معلومه اكيده 100%

الكهربائي يقولك غير اديتر المكيف وتجي انت ي السعودي المسكين تغيره ولاتفكر بحكم ان سعره رخيص نوعا ما .. بينما هو مايحتاج تغيير ابدا كل اللي يحتاجه تغيير فلتر الفريون اللي بداخله مع شويه تنظيف فقطط

فلتر الفريون ذا جايك بشكل اسطواني داخل اديتر المكيف وسعره 50 ريال وهو يعتبر من اهم اجزاء المكيف بعد الكمبروسر والثلاجه وكثير من الناس مايعرفه للاسف .. الشاهد من الكلام لو انك سمعت كلام الكهربائي وجبت رديتر جديد بياخذ رديترك القديم ويغير فلتره ويرجع يبيعه على واحد غيرك ؟؟؟

طبعا فايده الفلتر انك يمسك براده ونشاره الحديد اللي تطلع من بساتم الكمبروسر بسبب الاحتكاك ومثلك عارف ان دائره التبريد تعتبر دائره مغلقه يعني مستحيل مستححححيل تجي براده الحديد ذي من مؤثر خارجي .. طبعا اذا الكهربائي اللي عندك غسل دائره التبريد بماده تشبه البنزين الاحمر 95 بتشوف يطلع من المواصير سواد اقشر ماتدري من وين جاي !!! هذي هي براده الحديد وعلى فكره هي تمشي داخل المواصير وتجتمع داخل فلتر الفريون واذا زادت قفلت الصفايه اللي تجي ببلف الكمبروسر علشان كذا يقلب كمبروسرك حار .. وفيه بعض الشباب يغير بلف الكمبروسر ويكتشف بعد فجأة انه رجعله الخراب من جديد لان الرايش سدد صفايه البلف الجديد مرة ثانيه

المهم شغلك ممتاز لكن ياليتك غيرت فلتر الفريون فقط ونظفت دائره التبربد .. ومبروك عليك الكمبروسر الجديد الله يعطيك خيره ويكفيك شره وجعلها اخر المصايب


up 5 down 0



الله يسعدك يابو هيثم وليت ردك كان بدري
انا شفته الفلتر الي تقول عليه انت
يصدفة قلت له فلتر رديتر بالغلط قلت له
وجابه لي
شكله زي القطنه اسطوانيه او مخروطيه وبالفعل سعرها زي ما قلت انت 50 ريال مدري 60 ريال
وابشرك انا من الناس الي ما اترك اي قطعة لي عند الميكانيكي او الكهربائي حتى لو عارف انه ما يصلح مرره
الخربان افك فيه واشوف يمكن القى شي استفيد منه


up 1 down 0
ms3al 1441
قبل شهر