نقص الزيت في السياره يعتبر شي طبيعي ؟

على حسب الزيت المستخدم ، بعض الزيوت تتبخر بسرعه

لكن بشكل عام معي سوناتا 2011 واستخدم زيت 10 الاف وماتنقص الا شي بسيط لايذكر

وبما ان سيارتك جديده راجع الوكاله افضل لك

طبيعي ينقص ربع علبه اذا الزيت حفيف ومشيت عليه فوق 7 الاف

ارجع لكتالوج السيارة قسم الزيوت وشف اذا النقص طبيعي او لا 

لان بعض السيارات يكون النقص طبيعي بسبب الحرارة ولزوجة الزيت 

انت ايش نوع الزيت اللي تحط؟؟؟؟

يمكن نوع الزيت سيئ فيتبخر بسرعة جرب تغير الزيت حط فوكس 5w30 ولما تفحص الزيت خلي السيارة واقفة على ارض مستوية وقيس مستوى الزيت في الصباح قبل تشغيل السيارة عشان يكون الزيت بالكارتير

شيك  على محرك قد يكون عندك تهريب او تندية 

تأكد إنك تغير زيت وسيفون أصلي ولاحظ هل فيه تهريب دخان أبيض أو أزرق عند تشغيل الموتر.
موترك غير طبيعي هالإستهلاك بالزيت يدل على خلل بالمكينة يتطلب توظيبها.

اذ زيت بترومين اي ون الي علبته ذهبيه ٥ -٣٠ يتبخر بسرعه

انا استخدم
بالكادينزا
واغير كل 10 الالف ما ينقص a1 5w30

الله يجزاكم خير جميعاً وممكن تشييكي كان غلط انا بوقف السياره بالقراج ان شاء الله وبكره بفحص الكميه عشان يصير الزيت كامل بالكارتير

لا توسوس
تأكد من كمية الزيت ممكن وقت التغيير ما وضع الكمية المناسبة للمكينة
كم علبة تاخذ مكينة الأزيرا
ووقت تغيير الزيت غيرت السيفون !!
غير الزيت المناسب 5/30 أو 10/30 وتأكد من العيار بعد التغيير إن الزيت فل
وبعد 2000/1000 شيك على عيار الزيت اذا فيه نقص

لفحص كميه الزيت لازم توقف السياره باارض مستويه و يفضل القياس ب الصباح لان الزيت كله يكون نازل للكارتير

ابو محمد بالنسبه لكمية الزيت وقت التغيير كانت فل والتغيير تم في بترومين زيت A1 والفلتر تغير
انا كنت قاعد على راس العامل بس مثل ما قلت ممكن طريقة فحصي له كانت غلط فانا بنتظر لين ينزل الزيت كامل للكارتير وافحص الصبح ووقتها يبان باذن الله

بترومين فلاترهم ماتسوى ريال خد من الوكيل الفلتر
و الزيت من الجمله و ريح راسك و اوفر لك

شوف انا موتري زي موترك وابيك تجاوب على اسألتي علشان اقدر افيدك

اول حاجه دامك تغير عند بترومين الله يستر عليك وعلى موترك (( والمعذره على هالكلمه )) بكرا اذا خبط موترك لاقدر الله لاتجي تبكبك وتقول الله يلعن الكوري ومدري وش .. ابعد عن بترومين مثل بعد المشرق عن المغرب اذا انت تبي موترك يعيش معك .. وعندك بديل ممتاز لهم وهي بناشر ون ستوب وفاست لوب ومعتمده من وزاره التجاره لانها تعطيك فاتورة مطبوعه بالكمبيوتر

ثانيا السياره افضل زيت لها هو لزوجه 5w30 وابعد عن زيوت كاسترول حتى لو كانت 5w30 برضه ي رجل هالزيت ذا قليل خاتمه واعرف ازيرتين خبطت بسببه وعلى فكره فيه راعي سوناتا حمار نصحته عن هالزيت وجلس يهايط ويقول لي فتره استخدمه ولاشفت شي ؟؟ اجل تنتظر المصبيه تجيك علشان تغيره اوم التفكير الغبي ههههههههههههه على فكرة تراه بيجي ويعطيني دس لايك بس اصبر

ثالثا وش نوع المكينه هل هي 3.0 او 3.3 !!! اذا المكينه الاولى ف تاخذ 6 علب الا ربع بالتمام والكمال سواء بالسيفون او بدون لان الفلتر فوق ماياخذ من الزيت شي

اخر حاجه اضغط على اسمي تحصل موضوع اسمه (( خبرة 5 سنوات ف استخدام الازيرا والكادينزا )) وبرضه فيه مواضيع اخرى عن مشاكل المكيف وتحبيل الكفرات .. شوفها وان شاء الله تفيدك

عاير الزيت في الصباح والسياره واقفه في مكان مستوي اذا
هناك نقص راجع الوكاله 

الزيت اذا كان خفيف واستخدامك في وقت الشمس والحر ينقص الزيت هذا طبيعي السيارات الجديده اصلا فيها بلف تبخير عشان اذا
ارتفع ضغط الزيت يطلع بخار وزيت علي الخفيف وهذا الشي كثير ناس ما تعرفه رح الورش واسئل عن بلف التبخير وش دوره

ابو هيثم انت ماشاء الله خبرتك في الازيرا لا يعلى عليها وكذا مره اشوف لك مواضيع تتعلق بذي السياره ناتجه عن خبره طويله
بالنسبه لجودة زيت بترومين هي المره الاولى والاخيره الي اغير عندهم زيت وببطل اصلا غيرته عندهم على اساس ان الضمان ما يروح بس طلع زيتهم هو الي بيخلي مكينتي تخبط مع الوقت !

وفعلا قعدت ادور بالنت على محلات معتمده وزيوتها ممتازه وانت ما قصرت وبتاكد من رقم الزيت والفتلر بنفسي قبل لا اغير
منها اوفر نص المبلغ ومنها اضمن جودة الشغل

وفيه شغله ترفع الضغط تكلفة الصيانه بالوكاله 1200 ريال وتكلفة الصيانة ببترومين 450 بدون تغيير فلتر الهوا حتى

وبالنسبة لكمية الزيت بالمكينه تبين انها ما نقصت بعد ما وقفتها يوم كامل بالقراج وشيكت على معيار الزيت قبل لا اشغلها طلع الزيت فل ماشاء الله