كم صيانة السيارة الجديدة وكمان فيها تاريخين مختلفة للصناعة

نعم صحيح سياره ماشيه 1000 وش تصين فيها لن غيار زيت سياره جديده 5000 يوصل 

بس في وكالات تقول لازم تسوي صيانة ١٠٠٠ كيلو
يعني بالفعل صيانتهم ٥٠٠٠؟؟

مافي صيانه الالف خمسه وعشره وخمس عشر الف فقط وبعد كذا مادري وش يسير 

العمده بالوقت هذا موجود سيارات 2013 وحنا لازلنا ب 2012 كيف صارت ذي 

وهذا هو الجواب وبالتوفيق

لا بس السيارة مكتوب عليها ٢٠١٢
وربعنا في الاستماره كاتبين ٢٠١٣
يعني مستعجلين

أخوي العمده أذكر عندنا سياره موديلها 1987 بالإستماره ومكتوب بالإستكر عند الباب الباب صنعت عام 1986 

وسيارتك موديلها 2013 وهي بالأساس مصنوعه عام 2012 اللي حنا لازلنا فيه ومافيها مشكله 

2012 سنة الصنع و2013 سنة نزوله للسوق ؛ ونزول كل موديل جديد يبدأ من شهر 9 ميلادي من كل سنة عند أغلب الشركات 

مثل ماذكر اخوي mcmanamanالسيارات اصلاً جميعها ينتجوها مثلاً سنة 2012 ينتجوها سنة 2011 عشان يوصلو السيارات في الوقت المناسب والسيارات توصل عندنا شهر 9 موديل السنه الي ما اتا ,
اجل تبيهم يصنعوها نفس السنه على كذا 2013 ما يخلص الا شهر 2 من سنة 2013 وهذا شي طبيعي حبيبي, الحين خالصين من سيارات سنة 2014 اتمنا وضحت المعلومه

تسلمون يالحبايب
ماقصرتوا

طبعا من المعروف أن أول دفعة في السنة الجديدة يكون تاريخ تصنيعا السنة السابقة على سبيل 2013  الدفعة الاولى الاستكر مكتوب عليه 2012