أضف سؤال أو موضوع جديد          

تجربتي لامتلاك النترا 2017

up 14 down 8
1035
قبل 6 شهر و 2 أسبوع




السلام عليكم ورحمة الله 
مساءكم سعااادة 

قبل ٤ شهور تقريبا 
قررت اشتري النترا ٢٠١٧ جديد 

وقعدت اراقب الموقع اشوف العروضات وكذا
وفريت المعارض
ولقيت خليجيات بدون ايرباقات بغيت اتوهق واشتريها ما انتبهت ان ما فيها ارباق

المهم 
وبالصدف لقيت ذاك الشخص اللي يعرض سيارته للتنازل
من بنك الراجحي ماشية اربعه الاف فقط ( مجدوعي ) 
قلت له باشتريها منك ب ٤٥ الف وانت زد عليها وسدد البنك سداد مبكر تقريبا كان ٥١ الف
وانقلها من البنك على اسمي طوالي
وبالفعل ضبطت الشغله 

طبعا ماشية قليل واكياسها باقي عليها تعتبر جديدة
ومن نظافتها ما فحصتها 
خذيت فيها لفة وشريت طوالي 

--------
مميزات السيارة : من وجهة نظري ..
١- صرفية البنزين تعتبر مناسبة جدا 
٢- مكينتها قوية وتعطيك العزم المناسب والمطلوب 
٣- طريقة تصنيعها وتركيبها بسيطة ما فيها تكلف وضخامة وثقل وكذا
٤- الدركسون خفيف .. ومع المشي ومسكت خط يثقل شوي نوع من الثبات
٥- النور العالي ممتاز 
٦- فراملها لا باس وخاصة مع نظام ABS 
٧ - مكيف مضبوط وبارد رغم اني اشغله والسيارة تمشي 
٨- فيها ثبات معقول يعني اذا انت انسان سواقتك عاقلة .. ثبات الالنترا يعجبك مو على اسمها
لكن اذا انت متهور .. لا في ذمتي ما يخارج معك ثبات الالنترا مره مره 
٩- فيها سهولة قيادة غير عن الموديل اللي قبله .. 
يعني طريقة المقعدة مع الدركسون صارت افضل .. مدري اش الفرق لكن الاحظ الشكل الجيد افضل اثناء القيادة 
١٠- ما تتعرف الصناعية .. تبي بنزين وزيت فقط 
١١- فيها حساسات خلفية واشوفها مفيدة جدا وبلوتوث 
يعني فيها الاشياء الاساسية 


السلبيات : 
١- حديدها ضعيف .. والله يستر من الحوادث 
٢- العزل الارض كويس بس ماهو المطلوب .. لكن كويس لان ماهي لكزس او يخت هي النترا بالاول والاخير
٣- احيانا المكيف بالظهر ما يعطيك البرودة المناسبة .. واحيانا تثلج من قوة التبريد 
٤- اذا انت مسافر والهواء قوي جدا .. بتحس السيارة تلعب 
لكن اذا الاجواء مستقرة .. السيارة ثابته حتى لو توصل ٢٠٠ .. رغم ان السرعة = وفاة او اعاقة حمانا الله واياكم


لكن بشكل عام 
الالنترا ٢٠٠٠ سي سي اللي فيها الاشياء الاساسية 
حساسات وبلوتوث وايرباقات وكذا 
رووووعة .. انا حبيتها .. وما اتوقع بابيعها او افرط فيها


ملاحظات : 
١- نويت تشتري النترا .. خذ جديد زيرو .. او ماشية قليل 
٢- لا تتوقع انها ملفته للانظار .. لان بعض الناس يشتري عشان يكشخ .. احب اعلمك من البداية .. الالنترا مثلك مثل واحد راكب سيكل 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت متاكد ان اللي راكب النترا مثل اللي راكب سيكل ؟؟؟؟؟؟






up 7 down 9
abdulaziz al-malki 964
قبل 6 شهر و 2 أسبوع



يعني من كثرتها بالشوارع صارت عادية 
هذا المقصود 


up 8 down 2
1035
قبل 6 شهر و 2 أسبوع



هههههههه الله يباركلك فيها و يعطيك من خيرها ويكفيك شرها


up 3 down 0
ain501 100
قبل 6 شهر و 2 أسبوع



السياره كشكل وتصميم حلو لدرجه الاكنست الجديده تشبه لها 

بالنسبه لسواقتها على قولتك متهور ماتناسب لاني احسها كثيره المرواغه

تنفع للي يدرس جامعه ويدوام يوميا ماتستهلك بنزين مع ان حجم مكاينتها مناسب

يعطيك العافيه كفيت ووفيت  


up 1 down 0
al-shrif 31
قبل 6 شهر و 2 أسبوع



كلام سليم يا حرف الالف والله يبارك لك فيها والحقيقة انا شدني في كم موضوع قريت فيه تعليق لك وبرضوه موضوعك هذي طريقة تفكيرك وتحليلك للأمور ف الله يوفقنا وياك


رغم اختلافي معك في أخر جملة كتبتها اللي راكب الالنترا كنه راكب سيكل انا معك ان مقصودك انها سيارة عادية جداً متوسطة تقضي اللزوم واقتصادية ومن كثرتها وانها سيارة بسيطة سواءً هي او اللي في فئتها مستحيل تكون ملفته للانظار بس بوصلك فكرة ترى الراحة النفسية بحد ذاتها هي اطلق من الاحساس بالفخامة وطقتها يعني لما اركب الالنترا جديدة ريحت مخباي هذا اولاً في صرف البنزين وفي الصيانات والورش لأن ماعندي شي قير ومكينة وعضلات احافظ تعيش سنين ان شاء الله وماتكلفني شي لو بصينها عقب كم سنة من الاستخدام وصبورة وخفيفة نفس ومابخاف عليها مثل مابخاف على سيارة شاريها بفوق 100 الف ليساً قلاً منها وانما سيارة عادية شريتها لتأدية الواجب وبسيطة لكني من داخلي مرتاح بعكس سيارة بمبلغ وقدره مكلفه في الصيانة لو بجي اسوي لها صيانة وفي بنزينها واستهلاكه وحتى في غيار زيتها وفلاترها يعني انظر لحالي اول وما اظغط نفسي عشان كومة حديد اركبها وادعس بنزين توديني وتجيبني





up 6 down 1
a.ibrahem 3230
قبل 6 شهر و 2 أسبوع



الالنترا دخلت الاسواق عشان تنافس الكورولا وغيرها وفعلا نجحت ومبروك السيارة ومشكور على التجربة


up 0 down 0
abofarah 956
قبل 6 شهر و 2 أسبوع



وعليكم السلام

على البركه والله يعطيك من خيرها ويكفيك شرها

بالنسبه لنقطة 10 ماتعرف الصناعيه ياخوي الموتر موديل حديث ومالها معك غير 4 شهور
يعني ماتقدر تحكم الحكم على الاقل سنه كامله مع الاستخدام القاسي وبعد مايعتبر فتره طويله عشان تحكم عليها

طبعآ كلامي مو سب للانترا بالعكس النترا اثبتت وجودها وتحملها وكل مجربين الموديلات السابقه يمدحونها
النترا بطله الا بموضوع المكيف وهذا عيب الكوري
واخيرآ تقول مثل السيكل بالعكس تصميمها جميل خصوصآ الفل جنوط والالوان كلها جميله عليها


up 2 down 2
المنطق يقول 679
قبل 6 شهر و 2 أسبوع



النترا اثبتت انها سياره عملية جدا جدا
صحيح انها تفتقر للقليل من الراحة بس يشفع لها صبرها وخدمتها
الموديل الجديد تحسن فيه الشكل والحديد المستخدم فيها صار امتن واخف وزن
المكيف تبريده جميل وقوي خاصة للمكينة الكبيره في اليل اضطر اني اقلل برودة الفريون
مكينتها ما تغيرت من 2012 ومع ذالك موفره للوقود القير تحسن عن السابق وصار سلس جدأ مع 6 نمرات



up 1 down 0
mrssol 14
قبل 6 شهر و 2 أسبوع



....
مشالله تبارك الله أفكر فيها ودي في النص فل مكينة 2.0
....
عندي كامري بقس أكل عليها الدهر


up 2 down 1
علي باطرفي -37
قبل 6 شهر و 2 أسبوع



الله يبارك لك فيها ويعطيك خيرها ويكفيك شرها

عندي النترا ٢٠١٧ ماشيه الحين ١٢٠ الف مغيرت الا زيت القير
يوم وصلت ١٠٠ الف والفلاتر وغيره مغيرته فقط الي غيرته
البطارية بعد ٣ اشهر بس مدري وش المشكلة لاني ما وديتها
للوكالة بالمرة
سياره عمليه جدا واثببت وجودها
لكن بخصوص البواجي وغيره وش الي لازم اغيره
لاني ما اعترف بصيانه الوكالة الي عنده معلومة لايبخل علي



up 0 down 0
naser.sg
قبل 6 شهر و أسبوع



عندي النترا ماخذها وكالة ٢٠١٧ الفل حقها يمشيني ٥٠٠ كيلو بينما العداد يكتبلي ٦٤٠ كيلو
الرجاء من اصحاب الالنترا مشاركتنا صرفية البنزين للسيارة لاني افللها كل ٥ ايام


up 0 down 0
eng.msallam -1
قبل 5 شهر و 2 أسبوع