أضف سؤال أو موضوع جديد          

اللي عندهم خبرة بالبرمجة وخصوصا قفل شنطة السيارة

up 1 down 1
صنيدان
قبل 6 شهر و 2 أسبوع



عندي سيارة سنتافي

بالعادة من شريتها من الوكالة

المهم قدّر الله علي
ووديتها للسمكرة عشان شوية تلقيطات من عند باب الشنطة والصدام
لأنه قد تعرض للصدم

بعد ما استلمت السيارة
لاحظت اني كل ما جيت انزل من سيارتي و افتح الشنطة من زر فتح باب الخارجي للشنطة
يرفض ومايفتح

الحين صرت لازم اعلق على رز ريموت فتح الشنطة
يعني صارت الشنطة الحين ما تفتح الا بالريموت

وصارت الشنطة بالناااادر تفتح من اليد بدون ريموت اذا الابواب مو مقفله

وش حل هالمشكلة؟
-------

الشي الثاني
لو سويت برمجة كاملة للسيارة
وش بتفيد ببرمجة السيارة بالضبط؟

فيه مبرمج سيارات باليوتيوب اسمه (مبرمج الرياض)
وش رايكم فيه؟
احد سمع عنه..؟؟

الله لا يهينكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فيه واحد بالشرقيه اسمه محمد الشبيبي كلمه بالواتس قوله المشكله بسيطه بس ماحد عرف لها ويسويها لك معاه قناة باليوتيوب وانصحك به
وغالبا فيه فيش مفصول أو تحتاج برمجه الله واعلم


up 1 down 2
صاحب الاوريون 2017 112
قبل 6 شهر و 2 أسبوع



اعتقد ان فيش زر الشنطة ما شبكة 
شيك عليها 


up 1 down 1
محمد قاسم 1410 -33
قبل 6 شهر و 2 أسبوع



عزيزي ليش تروح تبحث عن حل برا وتخسر نفسك فلوس ارجع للورشة اللي سمكر وقله شيك الله لايهينك وش فصلت وش سويت وببلاش


هو عارف وش فك وش خلى


up 2 down 1
a.ibrahem 3231
قبل 6 شهر و 2 أسبوع



هلا اخوي ابراهيم

اصلا يوم السيارة عندهم
اختبرتها عندهم
وقالوا "ماندري يمكن هذا من قبل لا تدخل السيارة عندنا"
جحدوني بالعربي
وش تبيني اسوي

عاد سمكريين هنودارخص تكلفه الله يلعنهم


up 1 down 2
صنيدان
قبل 6 شهر و 2 أسبوع



مافيه كلمة مايدري ويمكنها كانت قبل اذا انت واثق من موترك انه كان سليم قبل تدخله عندهم ارجع له والعن جدفه قل ماتدري هذي مهيب عندي


حنا مشكلتنا نتعاطف معهم ونمشي الامور مانبي مشاكل وهذي شي طيب لكن هذا اللي خلاهم يستقوون وينفخ بعد بعض الاحيان عليك لكن لو تجيب له شرطة ولا تتصل بكفيلهم عقلوا


القرار عموماً بيدك اذا انت واقف من نفسك انه كان كويس قبل يدخل الموتر عندهم مثل ماقلتلك ارجعلهم وانشب لهم منتاب واثق لا تحط اجل في ذمتك شي ومر كهربائي كويس وخله يفك الديكور ويشيك يمكنه فيش انفصل ولا شي


موفق


up 0 down 0
a.ibrahem 3231
قبل 6 شهر و 2 أسبوع



أو تأكد من زر تقفيل الشنطة اللي في الدرج اذا كان موجود عندك لا يكون منه مع اني مادري اذا تقفل من الدرج هل يفتح بالريموت ولا لا بس جرب شفه شيك عليه اضعف الايمان


up 0 down 0
a.ibrahem 3231
قبل 6 شهر و 2 أسبوع