ماهي الاشياء الاستهلاكيه التي تتغير بعد 100 الف

غير زيت القير فقط ونظف بوابة الهواء

وعليكم السلام جنوبي .. غالباً ماراح تحتاج الا لتغيير البواجي وسير المكينة
والبطارية ، وشيك عليهم اذا أدائهم تمام ماهو بالضرورة تغيرهم . فقط امهلهم الى ممشى 150
أما البطارية لازم تغيير بحكم عمر السيارة عشان لا تتوهق لو انتهت وانت ف مكان بعيد عن المدينة .

بالنسبة للسوائل والفلاتر اشوفك مهتم فيها ما شاء الله ف ماعليك خوف .. والله يبارك لك بحلالك

#ويكند_سعيد_للجميع

شيك على فلتر البنزين متى يتم تغييره؟ عندي في السيراتو 2014 غيرته على صيانة ال 60 الف حسب جدول الصيانه
في الوكاله.

بواجي -فلتر بنزين-زيت القير مع الفلتر 

alsamaer3600
تبيه يغير البطاريه و هي سليمه ما خربت باقي
عشان ياخذ احتياط لو خربت عليه وهو بعيد عن المدينه
لو خربت و هو بعيد عن المدينه بتمشي معاه السيارة طبيعي و يسافر فيها على الدينمو حتى يوصل ماهو خوف

كلامي فيه غلط
يعني السيارة ما تقدر تمشي عليها على الدينمو حتى توصل مكانك اللي تبيه
او فلسفه بس و ديسلايك

^
ههههههههه معليش انت ماتعرف تشرح
انت تقصد
البطاريه لو انتهت تشحنها وخلاص تشتغل السياره
وتلف الدنيا علدي لكن لو تطفي السياره خلاص ماتشتغل الا بشتراك
وفي حالات تشتغل طبيعي بس بشرط تكون توك مطفيها السياره

لكن شرحك صياغته
كان تقول البطاريه شغاله والدينمو خربان عشان الناس
تحط دسلايك بدون ماتعيد القرايه اكثر من مره عشان تستوعب ردك
لان معليش ردك ماهو واضح من اول ماتقراه

بالنسبه الي يقول غير البطاريه الصراحه لاتعليق!!

وللمعلوميه البطاريه مالها دخل بممشى السياره
لو تمشي بالسنه ألف كيلو حدها سنه ونص وتنتهي
ولو تمشي ١٠٠كيلو بالسنه نفس الشيء عمره سنه ونص
اتكلم عن بطاريات السوق
اما الي تجي على السياره من وكالتها عمرها طويل
٢الى٤سنوات حسب نوعية البطاريه
لكن حقت السوق بالغالب سنه ونص
تمشي ١٠٠الف او ألف فقط عمرها واحد
لو ممشاها له دخل كان كتبوا بالضمان حق البطاريه
ممشى موترك والضمان الى ممشى الفلاني

ماعطيت احد دسلايك يا صالح وربي

عموماً الموتر موديله 15 يعني لها سنتين ما تغيرت البطارية !
كم عمرها الافتراضي من وجهة نظرك ؟

ومضه!!

قلت له " شيك عليهم اذا امورهم تمام امهلهم الى 150 " يعني ما اجبرته .

طيب ليش تعطيني؟
ماعطيتك والله

ياسيدي واذا ضايقكم موضوع تغيير البطارية انا اسف واسحب هالجزئية
خل البطارية ف حضن الكبوت يالجنوبي لين يطيب خاطرك ههههههههه

من وجهة نظري لا تغير شي الا اذا طلعت علامات خرابه

مثل البواجي عمرها اكثر من 100 الف
البطارية هي ما تتعد السنتين بس دامها ماشية لا تغيرها الا اذا خربت
مو كل شي تغيره بحكم انك تعديت 100 الف

الاشياء الي تغيرها //

صفاية البنزين مهمة اذا ما غيرتها
زيت القير واذا كان مسود غيره بالتدرج
زيت الدفرنس بس مو ضروري
موية الرديتر تشيك فقط
السير اذا مهترئ



وباقي الاشياء تشيك عليها مثل المكينة والكهرباء و بطن الموتر

و واضح عليك انك محافظ يعني ماراح تحصل خرابات انشاء الله بس تشيكات

مااشوفك حلفت شكلك صدق معطيني ههههههه
المهم عادي واخر همي واتقبل كل شيء منك
كلنا اخوان
بالسبه تتأسف مااشوف كلامك غلط
هذا نقاش وكل واحد له وجهت نظر
ونصحح لبعض المعلومات
وعن نفسي اتقبل كل شيء ان شاءالله
محد خبره وكامل الكمال لله سبحانه
وللمعلوميه موديل٢٠١٥ له ٣سنوات
وليس سنتين مثل ماتقول
واتوقع الرجال غير البطاريه بهذي المده
بس ماذكرها لانها ماتنذكر

بعد راسي يا دحوم لاخلا ولا عدم
لا حشى ما عطيتك دسلايك ولا عمري سويتها معك ولو ترجع لتعليقي للأخ صالح ..

قلت له : ماعطيت احد دسلايك يا صالح .

انا دايم أليّك للناس واذا خلص رصيد اللايك ماعاد اشارك الا بعد فترة عشان يسمح النظام .

هذا من طيب اصلك
اذا وقف اللايك عندك حط دسلايك
وارجع حوله لايك بسرعه
يفتح معك اللايكات مره ثانيه

بالنسبه لصاحب الموضوع
غير زيت القير والباقي لاتغير شيء
توها جديده فقط شيك على السير
والبواجي اذا رديوم تمشيك ١٥٠الى٢٠٠الف
واتوقع مكينتك٢٠٠٠سي سي
لان البواجي الى الان ماغيرتهم الي اعرفه بواجيها رديوم
المكينه الصغيره بواجي عاديه

اضيف فقط مويه البطاريه مع دخول الصيف
الشباب كفو ووفو تحياتي للجميع
تحيه خاصه للسامر ردود راقيه من انسان راقي

تصحيح مويه الرديتر...اسف

تحتاج :
تغيير زيت قير ، تنزل الزيت القديم وتضع 4 علب
السير عادة يكون جديد يمشي فوق ال 200 بالراحة
ماء الرديتر انتبه تراه ينقص في الالنترا املأ القربة البيضاء ماء مقطر حتى كلمة max أو ماء مخلوط جاهز بإيثيلين جليكول
البطارية ينقص ماءها فجأة املأه ماء مقطر
البواجي إذا قيادتك هادئه تعطيك عمر حتى فوق ال 150 ألف بالراحة
فلتز البنزين ممكن يمشي معك حتى ال 200 ألف دون مشاكل لو بتغيره غيره
الأنوار الأمامية والخلفية شيك عليها باستمرار لأنها تحترق

غير كذا تغير فلتر المكيف والمكينة كل 25 ألف تقريبا وتنظفهم هواء مضغوط
الفرامل أول ما تسمع صوت غيرهم ما تحتاج تخرج هوبات

بالاضافه لكلام الاخوان، ضروري تغير زيت الجير لانك وصلت لنهايته، فيه وكيل يقول يتغير زيت الجير على 70 الف والبعض الاخر يقول 100 الف.
طريقه تغييره تجيب اربع علب من الزيت الاصلي ATF-SP IV وتغيره عند اي بنشري بقيمه 50 ريال اجره يد. وممكن تحصل فيديو على اليوتيوب عن الطريقه.

اقرأ كتيب الصيانة وراح تعرف كل تفاصيل القطع والسوائل الواجب تغييرها او تنظيفها كل شيء بوقته 
حفاظاً على مالك و وقتك ... لكن اهم شيء جميع قطع الغيار والسوائل لابد تكون (( أصلية وكالة )) 
التجاري مهما اغروك وسووا دعاية وتطبيل لا تاخذه لو ببلاش .