صيانه سنتافي2015

ول ول ول ول
وش الاسعار ذي
يا عمي السير قيمته ان ضربته الحمى ب 150 ريال
البواجي ان كثرت ما توصل لل200 ريال
فحمات هيونداي اصلي على 170 واي محل يغيرها لك الكفر يحسبه لك من 10 الى25 ريال للكفر الواحد
خرط الهوبات مالها داعي اذا الاقمشة ما انتهت وان حاب تسوي صيانه ليش تخرط الهوبات
انا قيد انتهت الاقمشة عندي ومسكت خط والاقمشة منتهية ورحت غيرت اقمشة بعد ما وصلت قال لي الي يغير الاقمشة
امشي يومين بالسيارة راح تلاقي الهوب صار ناعم من حاله الاقمشة الجديدة تزبط لك الهوب
وبالفعل يومين الهوب رجع زي الفل
انت اصعب شي عندك البواجي لانه اغلب سيارات ال6 سلندر لازم تفك الثلاجة
فهذي دور لك ورشة شغلهم نظيف وحاول تكاسرهم في شغل اليد
صدقني التكلفة عندك ان حاولت تقتصد راح توصل اقصى شي ل 800 ريال

نقاطي قليلة ما يهمني ديسلايك ولا غير
امهم روح قطع غيار في صناعيه العاصمة مخرج ٢٨ 
مشتري بواجي ٦  ب ١٧٠ ريال وركبتها ب ٨٠ ريال شغل يد 
فحمات امامي ب ١٨٠ خلفي ب ١٥٠ شغل يد ومخرطة  ١٢٠ 
سير ما قد غيرت قد يكون اقل من سعر اللي وضعته 
اسعار هذا اسعار وكالة وغاااااالين 
الله يوفقك 

^
دسلايكين بنص ساعه!!
الرجال نقاطه بالسالب
وكلامه وتسعيرته اشوفها قريبه من سعر السوق على حسب المكان والسياره
وين الغلط بكلامه ممكن الخرط مع تغيير الفحمات بالغ بسعرهم120
لكن توصل الى هذا السعر بالراحه اذا كان مغيرهم عند العضيب وطقته
و80ريال تغير البواجي اذا كانت قدامك وتشوفها حتى 80كثير بالغالب من40الى50ريال تغير البواجي
لكن العضيب وطقته توصل الى هذا السعر
اما اذا تحت الثلاجه البواجي ماعندي علم بالسعر بس توصل 200وعليها بالراحه
المهم افادوك الاخوان وخصوصا مشعل

واذا كان تبي نصيحتي لاتغير شيء
معليش وشو ذي الاشياء الي تخرب بنفس الوقت كلها!!
الفحمات الاماميه تغيرها مرتين الى ثلاث مرات
والخلفيه باقي مانتهت
وخرط الهوبات اول مره اسمع وكاله تسويها
العاده صنفره فقط
الا ذا تطورا وصاروا يخرطون هذا شيء ثاني
انت لاتخرط اذا بتغير فحماتك بدري مايحتاج
البواجي عمرها150الى200الف اذا ليز
واتوقع الي عندك ليز رديوم
السير باقي جديد سيارتك2015مامداه يخرب
الا اذا ماشي كثير على سيارتك هذا شيء ثاني
لكن السير بعد عمره طويل لكن الاحتياط واجب
اذا فوق ال100الف ممشاك غيره اقل لاتغير وشف حالته

وللمعلوميه الوكاله تمشي على العداد حق السياره
مثلا تجيهم صيانة ال50الف ومن ضمنها تغيير فلتر هواء.مكيف
غيرونه لك حتى لو انك مغيره قبل لاتجيهم
مايهتمون لانهم يعتمدون على السستم ولايهمهم القطعه جديده او خربانه

بالنسبة للقطع حق الغيار مالي علم باسعارها للهونداي 

ولكن خرط هوبات للامامي فقط ب٢٢٠ !!!!!!!

حتى لو خرطتها كلها مستحيل تطلع بهاالمبلغ 

الخرط على كل هوب بالكثير ٢٥-٣٠ ريال يعني ١٠٠ تقريبا 

+١ لجميع من شارك
سؤالي الله يحفظكم
ابغي ميكانيكي مضبوط يصلح لي الشغلات الاستهلاكيه انا راح اشتري له الاغراض وهو يركب
يعني مايضيع لي مسامير او يكسر كلبسات او افياش او يفك ولا يعرف يركب والا يفك المسمار بزراديه هذا هو المطلوب
ولو كان متخصص هونداي او فلبيني ممتاز

اذا انت بشرق الرياض شف هذا الهندي كويس, نحسبه والله حسيبه انه امين

عبدالعظيم 0509469295


https://goo.gl/maps/dt5E8PSo8fM2

جزاك الله خير
ابشوفه بإذن الله ماقصرت

خلونا من القطع كيف صرفيه البنزين معكم