حراج جده والوضع المؤلم وتجربه اخيره
23
0
إضغط هنا للإخفاء
سلام عليكم ورحمة الله وبركاته
زميلي يبحث من فترة عن سوناتا وخاصة في موقع حراج ولكن العائق في اسعار السيارات من ملاكها والحد العالي خاصه النظيفه وهذا حق ما نختلف عليه ..!
وشجعته على النزول للحراج (جده) لانه نسمع الاسعار ارخص من الموقع بفارق تقريبا 5000 ريال او المبالغه في الحد والسوم والشاهد من مشاركتي والي شفته شي صعب اولا الغش والتدليس بالسيارات ومن نظره تعرف السياره مصدومه دمرانه وكل البلا فيها ولمن تساله يقلك اندفع فيها وما بعت والشريطية كثروووا وماتعرف الشريطي من المالك من البائع وصار منهم بجنسيات مختلفه وان بغيت تشتري يتلمو حولينك كذا شخص توكل خذ والله نظيفه والغشيم يروح فيها والعذر الجديد في البيع بسبب الخروج النهائي وحقين المعاارض عارض السياره بقيمة فلكيه وتهون كل دا قدام الغش الي حصلنا الي هوا شفنا سياره واتفقنا معاه بشرط الفحص ونا عرفت فيها رش باب السائق مع صدام الامامي ودقه بسيطة بالشنطه مع تعديل ونبهت المالك بهذا الشي انكر وحلف ان السياره مشروطه ودام عين زميلي عليها ورغبان قلنا ما نختلف نكشف وركبنا وجربنا ودايركت دخل محل فحص كمبيوتروشكيت للامانه وبعد الكشف طلعت السياره مشروطه وزي ماذكر العيب الوحيد وزن اذرعه وشد فرملة اليد ونا متاكد الباب مرشوش وواضح مرره مسكت الي فحص على الجنب وقلتله شوف بيني وبينك ربي نعطيك الان قيمة الفحص ولكن ان طلعت من هنا وروحت محل تاني وفحصت وطلع عكس المذكور راح يوصل اني اقطع رزقك عشان الغش وقال مرره احنا واحنا وكلام من دا ورجعت كررت عليه وبرضه مصمم .. قلت حلو وابغا اثبت لزميلي قلتله ادفع دحين ونروح محل تاني والفحص عليا ولمن خرجنا ونا اسوق البائع يكلمني ننهي ونخلص ونروح المبايعه قلتله لا بفحص تاني واتحجج بالوقت ومو فاضي قلتله معليش بتاكد واخدت السياره لمحل ثاني وبعد الفحص طلع فيها البلاوي لدرجه صدر المكينه مفكوك وفيها لحام بقاعدة الباب يعني ماكله دقه قويه من جهة السائق وبالفعل كان في اتفاق بينه وبين الي فحص والغبنه راكبه في خووي قلنا مايفكك الا الحكومه وزميلك حق الفحص لازم يتحاسب ومن هنا ومن هناك يحلف ويمين ويسار قلت وصلني لصاحب المحل الي فحصت عنده وافكك او ابلغ عنك وتعطيني حق الفحص الي فحصناه وهذا من حقنا ورجعنا والاخ مختفي من المحل وانتظرنا صاحب المحل وجاء وشرحنا كل شي وكان متفاهم وما حب انه نكبر الموضوع وقال بيدي ان جيت وحصلته بعد كذا بحق وسوي الي تبغا وسلمناه بذمته ونصيحه كاخ محب لكم انتبهوا وافحصوا مره ومرتين ولا تثق باي شي تسمعه من المالك او من حولينه ومن التجربه دي لو لقيت بموقع حراج من شخص مستخدم بإحتشام اتوكل حتى لو غالي شويه بس ما تخسر مالك وتندم على خردة الشريطية وقليل الي يخاف ربه بالاماكن دي لانه كل همهم النصب والمكاسب بعيد عن الحلال
إبلاغ
الردود
ف معارض المدينة وهي شراء السيارات التالفة وتصليحها وبيعها
ب تعاون بين أصحاب الورش والشريطيه
3
0
صدقني راح تختفي ظاهرة الغش والتدليس ف مراكز الفحص
7
0
ويناظر في السيارات الموديلات الحديثه
يعني بالعقل سياره قيمتها 70 الف جديده تقريبا وتشوفها بالمعارض معروضه ب25 الف ريال ويقول رخيصه وحصلت بهل السعر حصلت بس ماهو نظيف النظيف دايم يفرض سعره فلازم الواحد يتعلم ان القناعه بالشراء وحسب المبلغ اللي معك وش يجيب من سياره
فيه سيارات بالمعارض مايحتاج تفحصها بمجرد ماتعرف انها موديل السنه وسعرها رخيص جدا اكيد فيها بلا ولاما انباعت بهل السعر
والبعض الاخر معه مبلغ بسيط وتجيب له سياره موديل قديم شوي ونظيفه يقول لا لازم موديل جديد ولاشراء جديد بسعر رخيص وطلعت فيها خرابات قال المعارض غشاشين ومن هل الكلام
اكيد الغش موجود في كل مكان وليس بالسيارات فقط لاكن الواحد لازم ينظر نظره مناسبه وينظر مابيده من مبلغ مع العلم اني ارشح اللي مايفهم بالسيارات يشتري لو سياره صغيره جديده افضل من يبحث عن مستعمل بفئات اعلى اذا تنقصه الخبره
واسف على الاطاله لاكن واقع اشوفه
7
1
كنت بأبيع سيارة جاني واحد مسوي ذكي ومدرك التكنولوجيا معاه جهاز كشف البودي ( واحيانا يطلع نتائج خطأ ) تقله وكالة يكذبك ويقلك الجهاز طلع السيارة مرشوشة عشان يطيح سعرها وانا متأكد لان السيارة على يدي وكالة
واتعوذت من الشيطان وحركت ولانو كنت حأرتكب جريمة دهس شريطي وقتله عمداً مع سبق الاصرار والترصد <<<<<< دعابة
8
1
يعني اذا انت عندك 60 الف تلاقي هو رصيده مليونين وطماع وغشاش ويحلف مليون مره ما عنده مانع
حسابهم عسير بيوم الحساب
7
1
2
0
3
1
3
0
وانا اشور على كل مقدم على الشراء ياخذ
معه شخص من اقاربه او معارفه له خبره في السيارات
كلها ساعتين ثلاث وهو مخلص .....مواقع الفحص
فيها تلاعب........ مهو الكل .......الاغلب ويخربون على الامين
قبل 5 سنه و 11 شهر