وش سالفة مكيف السوناتا

شيك على فلتر المكيف

اذا كان تعبان بدله بواحد جديد وان شاء الله امورك طيبه باذن الله

اذا المكيف عندك فريونه كويس واموره

طيبه

دفع ضعيف او برودة ضعيفه؟
اذا ضعيف غير فلتر
اذا بروده ضعيفه شيك عالفريون اذا فيه ريحه له داخل السياره
يعني الثلاجه تنسم واذا مافي ريحه شيك عالكمبروسر مع دورة التبريد

الاراقام هاذي لقوه دفع الهواء مالها دخل بالبروده

ضعف المروحه او اتساخ فلتر المكيف و هدا الاقرب

صار معي بالاكورد حطيت المكيف اخر درجه ولا فيه هواء فكيت الدرج وطلعت الفلتر حق المكيف حصلت 20 كليو تراب مليان تراب نظفته وبعدها المكيف ماشاء الله بارد

وشي طيب ذا السوناتا قديمة جديدة وكالة وهل دفع الهواء هو اللي ضعيف او الدفع كويس بس المكيف مايبرد تفرق ترا


والسؤال الاهم كم لك عن فلتر المكيف ماغيرته او نظفته او حتى شيكت عليه ؟

الله يعطيكم العافية

السيارة ٢٠١٥ الدفعة الثانية على يدي وكالة
وللأمانة مافكيت فيها ولا شي حدي غيرت زيوت و بس

الاخ الكريم وضح استفساراتك لستثنى للخبراء افادت 
هل عند تشغيل المكيف على الدرجه ٨ كاف فيه هواء ام انه لا يوجد هواء 
ام ان الهواء قوي بس البروده ضعيفه ؟

فلتر المكسف يتغير كل 20 الف كيلو لان اجواءنا أوروبية - _-

الأخ الكريم مخزن السيارات

موضح في الموضوع ان المشكلة في قوة دفع الهواء

غير الفلتر واذا ماعندك وقت فكه ونظفه مليان رمل اتوقع

حرام عليك اكثر من سنتين ما لمست الفلتر وتبي مكيفك صاحي غيره لا تتراكم الاتربة وتعدم عليك الثلاجة ثمن عاد تدخل في متاهة ثانية روايح وقلت حيا


الفلتر تفك الدرج اللي قدام المعاون وفك كلبساته تلقاه ولا رح لبنشري يغير لك وانت واقف وعقبها شف الفرق

موفق

وللعلم كل تغييرت زيت نظف الفلتر بالهواء ثلاث الى اربع مرات شفته بعد يتوسخ انطله وجديد وعلى هالموال عشان تحافظ على مكيفك وعلى برودته

حتى انا معي نفس الشي ، الظاهر بعد العجاج اللي جانا قفل الفلتر من التراب 

الحمدلله تم تغيير الفلتر و انتهت المشكلة
الله يكثر خيركم