أضف سؤال أو موضوع جديد          

مشكلة جت فجأة في السوناتا

up 0 down 0
أسطورة قديمة 8979 31
قبل 4 شهر و أسبوع



السلام عليكم

طلع لي صوت وزززززز قبل سنة ورا الكفر الخلفي كنت افكر انه من الشكمان المهم ما كان فيه اثر على السيارة الا اذا كان التانكي في الربع الاخير ودعست للسيارة فجأة تنتع السيارة ثم ترجع تشبك وايضا عدم استقرار rpm المهم سافرت ورحت وجيت عليها خلال ذي السنة واخر سفره قلت بشيك عليها واروح للصناعية وكنت افكر البلا من الشكمان قال الشكمان سليم قلت اجل الصوت ذا من وين قال من طرمبة البنزين عندك تعبانه وهي سبب الصوت وتحتاج قلب فقط ورحت الوكالة واسألهم عن قلب الطرمبة طبعا هي سوناتا تيربو فتختلف على كلامه عن العاديه وقال سعرها ٨٩٥ قلت قلب فقط قال ايه المهم رحت ومسكت خط بدون ما اصلحها في نص السفر السياره تغيرت دعستها صرت ادعس زيادة ما كأن فيها بنزين ووقفت الا واشوف شغط السيارة خلاص كأنها بتنطفي وفيها رجه قوية السيارة والشكمان يهتز وفيه صوت كأني مركب كت باك واذا دعست وانا واقف السياره عزمها ضعيييييف جدا واول مره تصير لي وصوت الطرمبة نغير مو زي قبل فبغيت اتأكد هل هذي اعراض الطرمبة لاني بشتري من موقع هيونداي الطرمبة كامله ١٠٠٠ ريال اوفر لي من القلب بس عند الوكالة وسلامتكم واسف على الاطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله 

اعتقد انها الطرمبة مثل ماقال لك بس تأكد اختبر ضغط الطرمبة بساعة الضغط


up 0 down 1
ابو حسين.......... 762
قبل 4 شهر و أسبوع



كيف اختبرها السيارة 2016 وانا في الديرة هنا تعرف الورش على قدهم 


up 1 down 0
أسطورة قديمة 8979 31
قبل 4 شهر و أسبوع



دخلت اقولك اذا بتغير طرمبة البنزين غير الفلتر مرة وحدة


up 0 down 0
caprice-ss 177
قبل 4 شهر و أسبوع



فلتر وش يا اخوي


up 0 down 0
أسطورة قديمة 8979 31
قبل 4 شهر و أسبوع



فلتر طرمبة البنزين لازم يتغير وغالبا هو سبب المشكله الاساسيه




up 0 down 0
abdullah.ags 364
قبل 4 شهر و أسبوع



هذي المشاكل حوسه توهمك انه شي ويطلع شيء ثاني ماله علاقه 
بس نصيحه اترك هالورشه ورح كهربائي خل يشيك لك البواجي والكويلات 

لو تراجع موضوعي حق الكامري كان تقريباً نفس الشيء عموما كنت مغير بواجي جدد وظهرت لي المشكله وعجزت منها 
اخر شيء طلع البوجي الي ركبه كسره وكانت المشكله منه 

ف مو خسران شيء شيكهم ببلاش التشييك 
واذا من زمان مو مغيرهم غيرهم 

وبعد فتره رجعت نفس المشكله التقطيع وووو 
اخرتها طلع زيت عالبواجي من القازقيت 



up 0 down 0
m7md 33 567
قبل 4 شهر و أسبوع



فلتر البنزين يجي داخل الطرمبة ويتغير كل 100الف
عاد انت مدري تحتاج تغير فلتر فقط او طرمبة كاملة
لكن روح لورشه ثانيه وتاكد قبل ماتخسر قيمة طرمبة كاملة


up 1 down 1
bmw z4 1427
قبل 4 شهر و أسبوع



يمكن التيربو تحتاج تنظيف ابدا بالاسهل وانصحك تفحص كمبيوتر او فحص في الوكالة وصلح برى تخسر 200 او 300 ولاتخسر بالآلاف


up 1 down 0
بريق الرياض 260
قبل 4 شهر و أسبوع



شف ياخوي اذا صارت معاك السيارة شغاله وتدعس بانزين
ولاتستجيب بس شغاله وتقطع شوي وتطفي ومرات تطفي 
هذي صفاية البانزين عندك مقفله وبسبب هالشي 
سوت ضغط على طرمبة البانزين وصار فيها ضعف 
ولو غيرت صفاية بانزين بسس تمشيك فتره قصيره
وبعدها تخرب الطرمبه وتوقف عليك اي لحظة 
بس انت افحص كمبيوتر وتأكد اذا طرمبة 
وجيت تغيرها  غير معاها صفاية البانزين 
لان لو ركبت طرمبة بدون ماتغير الصفاية 
ماستفدت شي فتره وتخرب عليك الطرمبة نفس اللي قبلها ..


up 1 down 0
w.asa 2064
قبل 4 شهر و أسبوع



يا جماعة الخير فيه صوت مزعج من الطرمبة هو اللي خلاني اصدق الورشة صوت مره مزعج


up 0 down 0
أسطورة قديمة 8979 31
قبل 4 شهر و أسبوع



مادامك متأكد الصوت منها توكل على الله وغيرها واشرط عليهم انهم يتحملون قيمتها اذا ماجات هي 


up 0 down 0
ابو حسين.......... 762
قبل 4 شهر و أسبوع



سيارتك 16 ودها على الضمان وريح مخك


up 0 down 0
رصيد سوا 000 4
قبل 4 شهر و أسبوع