أضف سؤال أو موضوع جديد          

سوال بخصوص العكوس والطقطقه..

up 1 down 1
sodoku 64
قبل 6 شهر و 3 أسبوع



تحديث ١
غيرت الركب والاذرعه الخارجيه وكانت بحاله يرثى لها..
ايضا غيرت جلد المقصات السفليه وجلد عمود التوازن سليمه هي ومسامير التوازن...

النتيجه القرقعه خفت بشكل ملحوض .. لاكن لازالت باقي بس خفيف..

مصدر الصوت كانه من الكفره اليمنى تبع الراكب..
اعتقد والله العالم انه رمان كفر...






السلام عليكم..


ي اخوان عندي مشكله لها اكثر من ٧ شهور معقدتني...

الموتر النترا ٢٠١٥ ..
عندي مشكله اذا جيت على الخطوط الخشنه او المكسره شوي
تجي طقطقه من بطن الموتر ...

شكيت بالعكوس وديتها حفره ونزلتها وشيكت عليها طلعت سليمه كلها الداخلية والخارجيه..
لاتشققات ولا قطوع ولا زيت ابدا.. حتى باقي فيها عمر لينه...

الشي الوحيد الي لقيته ان الركب متفقعه وطالع الشحم..
الاذرعه سليمه شكليا.. لاكن ماحركتها صراحه..

فيه بقع زيت موجوده على مسامير الكفر من برا تحديدا بالنص(على الحديده تبع العكس الخارجيه)
طبعا للجهتين الاماميه..


رحت لاكثر من ورشه كلهم قالو عكوس....
اقول العكوس سليمه يقولون لا عكوس..


رحت للمحلات اسعر العكوس طلعت حول الفين ريال كلها...
مبلغ قوي بالنسبه لي...


والى الان المشكله موجوده...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الي اعرفه ان اعراض العكوس هي ثنتين رجه مع المشي وطقطقه اذا لفيت الدركسون وانت تمشي 
بس طقطقه مع شارع مكسر ماظن عكوس 
والي قالك عكوس ممكن قصده الزيت تبع العكوس الي من الربلات يعني تكون ربله تحتاج تغير وقيمتها رخيصه تحت ١٠٠ 
وبالنسبه للطقطقه مع الشوارع المكسره شيك ع ربلات المقصات والاذرعه ووو 

والله يوفقك 


up 1 down 0
m7md 33 670
قبل 6 شهر و 3 أسبوع



اهلين m7md..
فاهم عليك
بالنسبه للرجه تجي من سرعه ٨٠ ل ١١٠ وتختفي بعدها.. واعتقد تبي ترصيص
ربلات العكوس شيكت عليها سليمه ولاتهرب ولافيها شي ابدا..
مدري شوضعهم يبوني اغير عكس كامل والربلات سليمه...

بالنسبه للربلات حتى ما حصلت... كل قطع الغيار والوكاله يقولون العكي كامل.. سلامات
بشيك على جلد المقصات ان شاء الله


up 0 down 1
sodoku 64
قبل 6 شهر و 3 أسبوع



رجة العكوس تكون مع الدعسة
يعني إذا رفعت رجلك عن دواسة البنزين تختفي الرجة
إذا ماعندك رجة مع الدعسة أو صوت طقطقة مع اللفات معناته العكوس سليمة

شيك على الأذرعة - جلد المقصات - كراسي المساعدات


up 1 down 0
أبو العنود 564
قبل 6 شهر و 3 أسبوع



السلام عليكم
روح ميزان زي العضيب ، يكون افضل
لو في طقطقه ممكن من جلد عمود التوازن
وتعرفها - لو المطب جهه اليسار تسمع صوته طقه في اليمين والعكس
والطقه تحت رجلك


up 1 down 0
عمده33 1629
قبل 6 شهر و 3 أسبوع



رجه من ٨٠ احتمال كبير عكوس 
لكن مثل ماقال بو عنود اذا فكيت رجلك وراحت الرجه يعني العكوس خريانه
اما اذا فكيت رجلك وباقي الرجه ترصيص 

وعلى فكره انا توني مغير عكوس موتري 
قيمته جديد ٣ الاف وشوي 
قمت خذت نوع ياباني ممتاز ب ٨٠٠ الاثنين ماركة nkn 
واتوقع نفس المحل عنده حق موترك بعطيك رقمه ودق اساله والله يوفقك 

0138374060
طبعاً بالدمام وعندهم فروع بالرياض وغيره 
دق وبيعلمك 



up 1 down 0
m7md 33 670
قبل 6 شهر و 2 أسبوع



أتوقع المشكلة عند من
الركب اليمين واليسار
وجلد المقصات
ومسامير التوازن
وممكن المساعدات
و جلد عمود التوازن

هذه تخرب في الإلنترا بعد استخدام 4 سنوات تقريبا

شيك عليها عند مكانيكي وعطنا النتيجة



up 0 down 0
anosi 1184
قبل 6 شهر و 2 أسبوع



يعطيكم العافيه .بالنسبه للرجه ااي تبدا من ٨٠ ماتختفي اذا رفعت رجلي عن البنزين.. شبهه متاكد ترصيص...
ببدا بالارخص بغير الركب والاذرعه وجلد المقصات و مسامير التوازن وجلد العمود...

٧٠% مشتبهه العله فيها... واذا مانفع امري لله بغير العكوس والله يعيننا..


يعطيكم العافيه جميع


up 0 down 1
sodoku 64
قبل 6 شهر و 2 أسبوع



ممكن مسامير التوازن او جلد مقصات والركب

بالنسبه للعكوس غاليه لاكن لاقدر الله واحتجت تغيرها
فيه انواع رخيصه فيه كوري درجه ثانيه وفيه صيني
انا جربت الصيني على اكسنت مشتني تقريباً سنه ونص
واخوي ركب صيني على كرولا وباقي ممتازه للحين لها
سنتين وكم شهر الحمدلله مشكلتها تسبب رجعه على ١٦٠
رجه خفيف والله يوفقك


up 0 down 0
سبحان الرازق سبحانه 2476
قبل 6 شهر و 2 أسبوع



صراحه مدري وس تقصد بالركب ؟ لان الموتر دفع امامي ولافيه ركب او اللي يسمونها جوزة

اما اذا انت تقصد جلد المقصات ؟ ي رجل تحصل الجلد بالوكاله او الموزعين المعتمدين مثل منيف النهدي والصيعري والمديميغ والاصلي ونجم الشفا ... الخ وسعرها 50 ريال وتحتاج مخرطه علشان تكبس ب 30 ريال

وبالنسبه للرجه ترى حصلتلي مشكله مشابهه بالازيرا وكنت اتوقعها من الجنوط ورصصت 10 مرات ولا افاد .. اخر شي طلعت من مسامير التوازن الواحد سعره ب 120 وتركيبه ب 50


up 0 down 0
ابو هيثم 7 2065
قبل 6 شهر و 2 أسبوع



او انك تقصد مسمار المقص !! لان بعض الناس يسميه ركبه

على العموم شوف المقطع ذا نفس موترك ونفس موديلك ونفس المشاكل تقريبا :

https://youtu.be/s9CIcnZFZQI


up 1 down 0
ابو هيثم 7 2065
قبل 6 شهر و 2 أسبوع



تاكد من رمان الهوب ضروري


up 0 down 0
ماجد صالح 82
قبل 6 شهر و 2 أسبوع