أفضل مكان للصيانة الدورية للإلنترا؟

سيارة جديدة تعمل لها صيانة أنت الخسران ، عندي ماشية فوق 180 ألف ، ما دخلت وكالة نهائيا
خذ فلتر زيت من الوكالة من 10-15 ريال
وغير زيت عند أقرب بنشري ب 70 ريال شامل الزيت

اذا ماتبيها تطلع من الضمان سوي الصيانه عند محلات معتمده تعطيك فاتورة تغيير الزيت مثل بترومين ، ون ستوب، مايز

زيت مع فلتر كل 5000

تنظيف فلتر الهواء وفلتر المكيف كل 5000 بهواء البنشري وتغييرها كل 25-30 ألف كيلومتر

الفرامل الأمامية أول ما تسمع صوت غيرها مباشرة بدون خرط هوبات ، غيرتها حوالي 6 مرات الأمامي بدون خرط للهوب وبدون مشاكل

الفرامل الخلفية تتأخر عادة تمشي معك فترة أطول من الأمامية بمرتين

زيت الفرامل لا تزيده إذا نقص نهائيا لأنه ينقص بسبب تآكل الفحمات وأول ما تغير الفحمات يرتفع مستوى الزيت

زيت القير غيره كل 60 ألف حسب أجوائنا يتطلب التغيير ويكون زيت متوافق مع السيارة بالنسبة لهيونداي النترا 2.0 تآخذ 4 علب زيت هيونداي ATF SP IV

شيك على ماء الرديتر شهريا والسيارة باردة ولابد أن يكون بين F و L في القربة ولا تزيد فوق F لأن بعد التشغيل يرتفع قليلا ، وإذا نقص ماء الرديتر أضف ماء مخلوط بإيثيلين جليكول ما هيونداي ، أو غيره عادة المصنع يضع لون أخضر ، أو يمكنك إضافة ماء مقطر في حال النقص

حاول تنقل الكفرات كل فترة حسب ما يوضح الكتالوج مثلا كل 15000 كم أو كما يوضح الكتالوج ، والأمامية تنقلها للخلف بنفس اتجاهها والخلف تنقلها للأمام بس تضعها عكس اتجاهها هذا لو بتنقل ال 4 كفرات فقط ، لكن لو بتستخدم الكفر الإحياطي لها طريقة أخرى موضحة في الكتالوج

البطارية كل فترة حوالي 3 أشهر شيك على مستوى ماء البطارية واملأها ماء مقطر لحرف F وقد تحتاج تغييرها كل 14 شهر تقريبا

عند 100 ألف برأيي غير فلتر البنزين وغير البواجي وضع سائل تنظيف دورة الوقود يفضل ميتسوبيشي أو cyclo

بين فترة وفترة شيك على على لمبات الفرامل الخلفية وغيرها

بعد 200 ألف أو أكثر قد تحتاج تغير سير المكينة إذا فيه تشققات ظاهرة


بعد 200 ألف تقريبا أو حدوث أصوات واهتزازات شيك على جلب المقصات ومسامير التوازن وجلد عمود التوازن والركب والرمانات والمساعدات وكراسي المساعدات وكراسي المكينة والقير

راجع موضوعي لسجل الصيانة للإلنترا ممكن تستفيد وما تخسر فلوس لدى الوكالة لأنك مهما خسرت خسارتك تكون وسيارتك جديدة بعد ال 100 ألف تحتاج صيانات بالفعل وتكون وقتها طلعت من الضمان

حبيبي اذا ربي مقدرك سويها عند الوكالة
شغلهم نظيف وبالملي وهم يعرفون السيارة برغي برغي وغير انهم يسون لك تشيكات على الاقفال وحزام الامان واشياء ضرورية كثير
واذا اسعار صيانتهم ماتخارجك شوف ايش صيانة العشرة الالف عندهم ايش يسون فيها وا واديها مركز معتمد يسويها لك وخذ فاتورة لاتنسى وحافظ عليها
وترا مو كل الصيانات زيت وفلتر ركز لازم تشوف جدول الصيانه الكثير من الصيانات تتضمن سيور وفلاتر وكذا
مادري عن الالنترا وصيانتها بس زي ماقلت شيك على جدول الصيانة

anosi
كل الي قلته صحيح ما عدى شغلتين الي هي زيت القير وزيت المكينه

1_ زيت المكينه لازم يكون تخليقي بالكامل ويمشي 10 الاف على الاقل في اجواءنا وبرا يمشي 30 الف بالراحه
2_ زيت القير ما يتغير على الممشى يتغير على حالته ولونه (اذا كان احمر مثل الجديد م يحتاج تغيير احمر غامق او بني يفضل انه يتغير اسود وفيه حرق كلتشات يتغير علطول بدون نقاش) والمفروض ان صاحب السياره يشيك كل 10 الاف ويغير كل 40 الف بغض النظر عن حالة الزيت .

hazem1233
اسوا صيانة ممكن تحصلها هي صيانة الوكاله بالذات وكالات هيونداي الي عندنا
اول شي يحطون زيت تصنيفه قديم جدا SL الي هو من اساسه مخصص لمكاين الحديد ! يعني انسى ان سيارتك تمشي اكثر من 100 الف لو بتمشي على صيامة الوكاله
ثاني شي يطلبون اسعار فلكيه على تغيير زيت وفلتر واذا سالتهم ليه يقولون لك بنفحص السياره كمبيوتر! على سبيل المثال انا معي ازيرا صيانة ال10 الاف كيلو 700 ال20 900 ال30 1100 !
مع اني فتحت الكتلوج وقعدت اشوف وش غيرو عشان يرفعون السعر بس الموضوع عباره عن تغيير زيت وفلتر !

عموما يا صاحب الموضوع سيارتك جديده الله يعطيك خيرها ويكفيك شرها
بس انت افتح كتيب المالك وشوف وش يتطلب تغييره على كل صيانه وسوها بنفسك يكون افضل مثل ما انا اسوي بسيارتي طلعتها من الضمان وهي ماشيه 30 الف من صيانة الوكاله التعبانه
واذا مصر انك ما تطلع من الضمان شوف مركز معتمد غير بترومين

عزيزي بخصوص الانترا

اذا انت بالرياض في فروع لشركة الوعلان بمحطات ادريس وااوقات تكون قريبه من الصناعيه

وهو معتمد لدى الوكاله لتغير زيت المكينه وزيت القير وموية البطاريه ووزن اذرعه وتغير اقمشه وخرط هوبات

وعندهم قطع غيار اصليه وفوق هذا ضمان وفاتورة مختومه

وفقك الله

اعملها عند أقرب بنشري كلها 75 ريال يغير لك 4 علب زيت

عندي النترا من 2015 ماشية 200 ألف والله ما دفعت للوكيل ريال واحد

ولا عمرها دخلت مركز صيانة ، ولا تعطل فيها فيها إلا البطارية وأغير فلاتر المكيف والمكينة كل 25 ألف كيلو