مشكلة محيرتني في السوناتا

حبيبي نصيحة اخ صرف سيارتك 
والله دوبي بايع سيارتي نفس موديل سيارتك
بعد ماتمشي ١٠٠ االف تخبط المكينة 
وهذي علامات التخبيط اهرب وانفذ بجلدك

يا رجال العن الشيطان وش علامات تخبيط الموتر تيربو سعره بيكون طايح وانا خاسر فيه 

بعدين يا شباب هل ممكن يكون الزيت مغشوش البس اعبيه؟

شيك ضغط طرمبة الزيت في المكينة يمكن تكون ضعيفة وتغيرها

لأن ضعف الطرمبة بداية تخبيط مثل ماتفضل الأخ مركاز الحجاز

ماعليك من لمبة الزيت دامها ثواني وتطفي اهم شي تركز علي صعوبة التشغيل هذي يا انها ضعف بطاريه او ضعف بالدينمو والاقرب لها بطاريه اذا صارلها فوق سنه ونص الافضل تغيرها لان هذا عمرها الافتراضي

يابعدي اول حاجه طرمبه الزيت ف الازيرا سعرها 450 ريال شامله لكل شي من شخال وربله شخال ف اكيد السوناتا ارخص .. طبعا السعر من الموزعين الكبار امثال منيف النهدي والصيعري والمديميغ والاصلي ونجم الشفا .. اما الوكاله حراميه وشغل اليد انت وحظك من 250 ريال الى 500 وتحتاح فك الكرتير اسفل المكينه والافضل ينظف ببنزين يعني اجماليا ماراح تكلف عليك الف ريال

ثاني حاجه انحشششس عن زيوت كاسترول وشل هيلكس والله ماخبط بسيارات العالم الا هو وللعلم نزلت موضوع اسمه (( سبب تخبيط مكائن 2400 الكوريه )) اضغط على اسمي وشوفه ..

لايغرك شعار شل هيلكس ع الكتلوج والكبوت ترى اللي عندهم بكوريا غير عن اللي عندنا .. اللي عندهم امريكي 100% ومطابق للمواصفات المطلوبه بالكتلوج اما اللي عندنا مره سعودي ومره عماني هههههههههههههههههههه ولايحقق ادنى المواصفات ؟ الكتلوج طالب تصنيف SM ف اعلى ومافيه زيت بشل هيلكس يتوفر فيه هالشي الا زيتهم الجديد 5w30 اللي عليه اعتماد ديكسوس .. ذا ماجاء الا من بدايه 2018 وشعار شركتهم مطبوع ع الكتلوج من عام 2013 ؟ صح النوم بعد 5 سنين !!!!

اما دخان المكينه دامه ماطلع من الشكمان ف امورك بالسليم

الدخان مع الشكمان 3 انواع دخان ابيض وذا مادة اختلطت مع البنزين بغرفه الاحتراق زي اللي ينظفون الثروتل ويغرقون الثلاجه ببخاخ اي سي ديلكو ؟

الدخان الاسود كربون وذا غالبا بسيارات الديزل .. الدخان الازرق معناته الزيت يدخل على غرفه الاحتراق وهنا المصيبه بس .. الباقي عادي

شف انا بقولك شغله يمكن بتقولي مالك دخل او بتتضايق من كلامي بس صراحة شي في الخاطر وبقوله


يعني موترك بالله 2016 وكل هالمواضيع منزلها عنه


اول سؤال بسألك اياه انت سبق ذكرت في احد المواضيع ان جتها صدمة السؤال الحين وين موقع ذا الصدمة وجه قفى جنب بيبان


يعني مهيب طبيعية الاشياء اللي تواجهك مستحيل كلها عيوب مصنعية الا عاد كان موترك في بلى ف الله يعوض عليك ولا البلا في استخدامك


ومع احترامي لك يعني مرة كاتب لي في صوت ومتوقعه من الشكمان ويقولون في الطرمبة وتمشي ومزلبها لين وقفت بك في نص خط سفر مدري وين فيه يعني ومرة تقول اذا دعست لها كامل تنتع يعني هذي تعطي مؤشرات انك غير مبالي ومهتم في السيارة ف ترى مهب كل شي نرميه على الوكالة ولا انه عيب مصنعي ولا انه منضول موتر وفيه عين ترى رجيلتك الله يسلمك واستخدامك له دور حتى لو الموتر جديد واذا بتقول استخدامي عايدي يمكن بعض الخرابات طلعتلك من بعد اثار الصدمة حنا ماندري وش تأثر فيها وقت الصدمة وش جاها ماجاها


عموماً موضوعك صراحة معقد شوي يعني صعبة صراحة الفتوى فيه من ورا شاشة لسيارة ماندري وش وضعها حتى لكن السؤال متى صارت تسوي هالحركة اللي هي الدخنه وتاخر لمبة الزيت ماتطفى ما صارت الا بعد ماغيرت الزيت ؟ ترى يمكن البلا في السيفون تجاري ولا شي صارت لواحد من اخويانا في كادينزا وصار السيفون تجاري تتاخر عنده لمبة الزيت يعني صراحة الافتراضات واجد ماتقدر تحصرها في كلمتين ويمكن البلا في ذا الزيت اللي انت حطيته مغشوش ولا شي يعني ما سوتها الا ذا المرة وش معنى ما سوتها بالزيت الاول ولا من قبل يعني لخبطة صراحة

ابد خذ راحتك ما عندك مشكلة كلامك صحيح جتها صدمة نص وجهية ورفرف لكن سليمة المحركات ثاني شيء الطرمبة فعلا انحرقت بسبب الضغط على البنزين قومت وكذا وهذا اللي ضيعنا وغيرتها وأبشرك الحمد لله لا صوت وضخ بنزين وضغط المكينة في السليم المشكلة هنا اخر مرتين غيرت فيها الزيت ما عجبتني السياره خاصة اخر تغييره لها اسبوع المكينة تدخن اذا فكيت الغطا او عيار الزيت نجي عند الزيت الحين شكيت فيه معي نص علبة منه بقت من التعبيه الاخيره ومعي نص علبة من زيت عبيته من زمان في الشنطة اخذت اليوم العابرين واقارن القديمة مكتوب شُل هيلكس الترا وغطاها خشن الاخيره مكتوب سل هيلكس الترا وفيه حرف I بجنبها عجزت القى مثله يا ناس هنا انجنيت  ULTRA I كذا المصيبة ما حصلت في موقع شُل علبة بذا الشكل ما ادري الزيت مضروب ويتبخر ولا وش رأيكم ابلغ وزارة التجارة 

كل السيارات اذا تشتغل ولا جاي من مشوار تفتح غطا الزيت تدخن ذي حرارة الزيت

عشان كذا كل السيارات فيها شي اسمه بلف التبخير وهذا المفروض يتغير كل 100000 الف

اما باقي الاشياء ما ادري عنها بس اكيد الطرمبة فيها مشكلة او فلتر البنزين وصخ من المحطات ونظف البخاخات وشيك ع الفلتر غيرته من قبل او لا

البخار يكون مع هواء شوي قوي مع الغطا في البدايه كثيف شوي ثم يخف ولونه ابيض فلتر الهواء جديد ماله اسبوع طرمبة كاملة نغيرها للبنزين فالفلاح اكيد كويس

اي سياره بالدنيا اذا فكيت غطاء المكينه وهي شغاله لابد
يطلع دخان

ولمبه الزيت هي اخر لمبه تطفي عند اكتمال دوره الزيت داخل المحرك

وش رأيكم في زيت فوكس 10w-30 بالنسبة للمحركات الكورية لاني ناوي أغير الزيت

شيك على بلف التبخير حق الزيت تلاقيه وصخ ومسكر نظفه باي سي دلكو وارجع ركبه وامورك بالسليم ان شاء الله

اذا بلف التبخير مسدود يطلع في الفحص؟ لاني فحصت وكل شيء تمام