أضف سؤال أو موضوع جديد          

نقص موية الاديتر

up 0 down 0
الشلاحي-305 -2
قبل 2 شهر و أسبوع



معي سوناتا 2014
كنت اعبيه كل اربع ايام مرا
بعدها غيرت طبه صينيه لان كان فيه تهريب خفيف من تحت غطاء الاديتر
بعدها بكم يوم ارتفعت الحراره  فوق النص
وقفته وفكيت غطاء الديتر  تشر ماء حار يغلي
مع العلم الان اعبيه كل مشوار مرا  واحس حرارة المكينه قويه بعد
مع اني شيكت بكل الاماكن مافي تهريب
وش الحل بالله يشباب تعبت والله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اول واسهل حل هو تغيير غطاء الرديتر ولابد يكون اصلي
والمويه اذا كنت تعبي تجاري فالافضل تشتري مويه اصلي من الوكاله وتفرغ كل اللي فالرديتر وتعبيه جديد



up 0 down 0
bmw z4 1426
قبل 2 شهر و أسبوع



غطاء الاديتر غيرته اصلي


up 0 down 0
الشلاحي-305 -2
قبل 2 شهر و أسبوع



عطنا تفاصيل اكثر عن الموتر وش وضعه يعني سيارة 2014 وكوري ومن النوادر الكوري والياباني يشتكي من حرارة الا اذا ملفق مركب له اشياء صينية واي كلام ولا جايه لفخه في وجهه وحتى لو جايه صدم وجهه اذا مصلح صح ما يسوي كذا


لذلك عطنا تفاصيل عن الموتر وش وضعه عليه رديتر صيني وكالة وش غيرت ما غيرت الموتر معك من الوكالة ولا شاريها من تحت ميكرفون الخ ..........


وبعدين شف يا عزيزي مافيه موتر سليم وينقص في كل مشوار مواتر لها 10 سنين تكد ما ينقص الا في الشهرين او الثلاثة الا نقطة ان نقص بعد ف موترك مهب طبيعي وبعدين سيارة 2014 ومغير غطاء الرديتر ليش وش فيه ؟ موترك مثير للشكوك


والسؤال الآن الحرارة وين توصل معك هل ترتفع شوي ؟ طبيعية الخ ............



والنصيحة الاخوية كالتالي :

1- تتوقف عن استخدام السيارة لين تصلحها لا تضر مكينتك وتصير مصيبتك مصيبتين بعض الناس يستهون بالحرارة ويقول بتابعها واذا ارتفعت طفيت ولا وقفت وترى هذي غلط لذلك انتبه ثم انتبه ثم انتبه

2- كبك من أي شي اسمه صيني وخاصةً في الاشياء الرئيسية للسيارة يعني اساساً التجاري والصيني مافيه خير ولا كان ما لقيته رخيص لكن فيه اشياء ممكن تمشيها لو ركبته صيني لأنه مايضر الموتر في استخدامه مثل اصطب شبك قرابيع بكيفه لكن طبات رديتر مدري ايش هذي ماينمزح معها ولا تخاطر فيها وتركب صيني

3- شيك على ذا الطبه اللي ركبتها وبعدين على فكرة مهب شرط الموتر يكون فيه تهريب لازم تلقاه ينقط تحت انا جمسنا خربانه وحدة من الطبات ما تشوف مويه تحته بس تنزل تلقى رشاح ورديتره اللهم لك الحمد يشرب اكثر من البنزين


لذلك اذا تطيع الشور ود موترك لحق رديترات صاحي وخله يشيك على كل شي من الآلف الى الياء والتجاري اقشطه ورد الموتر بلد وقطع اصلية وعقبها قابلني اذا جتك حرارة





up 3 down 0
a.ibrahem 3170
قبل 2 شهر و أسبوع



انا ماخذه من اخوي والله مدري جايه صدمه وجهيه ولا لاكن او ماخذته ماعمري فتحت الكبوت
يمكن قعد معي الموتر سنه او سنتين
الاسبوع ذا غيرت الطبه لان صارت تنقص المويه
بعد تغير الطبه صارت تتقص اقوا من اول
المهم غيرت الطبه صيني لان مافي طبه اصلي عند محل الاديترات
وانا افكر اغير اديتر كامل اصلي


up 0 down 0
الشلاحي-305 -2
قبل 2 شهر و أسبوع



والله تعبت من المشكله هاذي الحين اعبي الاديتر فول يفور من القربه
تكفون الي مرت عليه هالمشكله يعلمني مع ان المروحة قويه وشغاله مافيه شي


up 0 down 0
الشلاحي-305 -2
قبل 2 شهر و أسبوع



دام جاه حادث مع اخوك

ثق تمام ان الرديتر ابو كلبين وانت بكرامه


لكن مانبي نسبق الاحـداث
وديها عند واحـد فاهم وخليه يتاكد من الرديتر اذا اصلي

كل اللي عليك تشتري موية رديتر اصلي وتفضي المويه القديمه وتعبي الاصلية

وشيك عليها اليوم الثاني قبل التشغيل وحبذا لو زودت بالاخير موية مقطر




up 1 down 0
aboahmed2014 614
قبل 2 شهر و أسبوع



أفادوك الأخوان جزاهم الله خير .. إنت قلت طبه ( صيني ) نصيحه لوجه الله الأصلي أضمن لك من التقليد في الأشياء المهمه وتحميك بعد الله من خسائر أعظم من توفير كم ريال


up 0 down 0
jakwar2004 248
قبل 2 شهر و أسبوع



عب السياره مويه اصليه من الوكاله لا تعبي مقطر ولا تعبي مويه الخضراء ذيك والشيء الثاني غير الغطا حق الرديتر وغير الثرمستات حقت الحراره وان مانفع ولف مروحه كهرب ترا كويسه وتساعد المكيف يبرد اكثر 


up 2 down 0
abo-hadeel- 3
قبل 2 شهر و أسبوع



اهم شي فرغ المكينه من المويه الاولى 


up 0 down 0
abo-hadeel- 3
قبل 2 شهر و أسبوع



حط طبه اصلية صيني ما ينفع


up 0 down 0
mfh2009 187
قبل 2 شهر و أسبوع



افادوك الشباب ماقصروا 
نصيحة اي شي يتعلق بالمهرباء او الحرارة ركب اصلي فقط 
التجاري يغدر فيك 
اما بدي خذ راحتك ركب اللي تبي


up 0 down 0
kk012 5
قبل 2 شهر و أسبوع



تصحيح
* الكهرباء


up 0 down 0
kk012 5
قبل 2 شهر و أسبوع



حصلت معي والسبب كان من القربه اللي تسحب وتعطي للديتر كانت مسكره بطين وتسحب اكن ماتعطي راجع ولذلك تنقص المويه وترتفع الحراره

اما عطاء الديتر فله مقاس مكتوب راجع الكتالوج او الوكاله خذ رقم الغطاء واشتر الاصلي المناسب


up 0 down 0
مسعد1 4
قبل 2 شهر و أسبوع



بشكل عام الحراره مشاكلها
1- الرديتر : اذا الرديتر ينسم ...واذا ما ينسم شيك على كافة وصلات المياه .
2- المراوح : اذا ما تشتغل تسبب حراره
3- طرمبة المياه : افتح غطاء الرديتر وشوف دوران المياه اذا قوي الامور تمام اذا ظعيف في عندك مشكله بالطرمبه
4-المشكله الاخيره والمصيبه : الرااااس ....اذا الامور كلها تمام ولسا ينقص مي ....الراس ..والله يعينك


up 0 down 0
hamnon 179
قبل 2 شهر