سوناتا 2018 جديدة كيف التعامل معه

ابد طال الف مبروك السيارة وعسى الله يعطيك خيرها ويكفيك شرها 
ثانيا امسك الخط وخلك ماشي بالكثير 120 لين توصل بالسلامه 
ثالثا بالنسبه للزيت مايحتاج ياغالي تاخذ ولا شي بعد ماتقطع 5000 غيره ع حسب الموصى فيه بالكتالوج حق الموتر 
رابعا المكيف دز المكيف درجة او درجتين وخلك ماشي ع مهلك ولافيه اي خلاف ان شاء الله 

اساسا السيارات تجي ممرنه جاهزه ولكن لا تجور عليها لين تعدي 5000 وبعدها عادي يعني لا تعدي 120 سرعه وحاول RBM مايعدي 3.5 وتوصل بالسلامه ان شاء الله 

تقدر تسافر وتسرع لكن لاتثبت على سرعة معينة وإعداد الاربي لايرتفع كثير والزيت مايحتاج تغيره حتى توصل ٥٠٠٠ أو ٤٠٠٠ كيلو وبالسلامة

أتوقع أغلب السيارات تجي جاهزة ماتحتاج تمرين
لكن هذا مايمنع إنك ماتمشي مابين 120 إلى 140

ممكن أول 100 كلم تكون سواقتك هادية شوي
والمكيف مافيه مشكلة لو تخليه شغال


تأكد من الموجودين هل ضروري تغير الزيت بعد ألف كم
لأني أشوفك بتاخذ معاك زيت وسيفون!

وعلى البركة وعسى الله يعطيك خيرها ويكفيك شرها

الزيت انسى موضوعه مايتغير الا بعد 5000
المكيف شغله ماعندك مشكله لان السيارات الحديثه كمبروسر المكيف يجي كهربائي وليس ميكانيكي ف مارح ياثر علي المكينه
بخصوص التمرين خل سواقتك هاديه ورايقه بحيث عداد الضغط مايتعدى 2ونص او 3
وتغييرات الزيت لاتغير عند بناشر لانك كذا راح تطلع من الضمان ، غير الزيت عند محلات معتمده مثل : ون ستوب ، مايز ، بترومين ، وغيرها من المحلات المعتمده اللي تعطيك فاتورة تغيير الزيت حتي تحتفظ بالفاتوره لو احتجت للضمان

واهم نصيحه زيت المكينه استخدم زيت لزوجته 5w30 زيت خفيف ويمشيك 10آلاف كيلو لكن انت احتياطاً غيره كل 8000 او 7500 ، اهم شي لاتستخدم زيوت ثقيله لان طرمبة الزيت فالسوناتا حساسه شوي وماينفع لها الا الزيوت مثل 5w30

مبروك الموتر يعطيك خيره و يكفيك شره 
ماقصروا الشباب 

الله يعطيكم العافية و بيض الله وجيهكم
بخصوص الزيت و السيفون حسب مواضيع قديمه شوي انه يغيرون بعد الف كيلو 

الزيت يتغير بعد اول الف كيلو
بس مو لازم بالضبط الف ..
لو زاد شوي مو مشكله
.
والتمارين هو انك
ما تعدي عدد دورات المكينة الفين أو ثلاثة
وبشكل تدريجي وسلس

يالاخو king1kb

ترى ماتوا اللي يغيرون على الف صاحي انت

الزيت يتغير على 5000 الاف

وبالنسبه للالف بس تشييك بالوكاله من دون تغير زيت



وكلامي لصاحب السيارة الف مبروك والله يطعمك من خيرها ويكفيك شرها

الاخوان ماقصروا معاك وافادوك

الشئ الاخر على قولة المصارية سوء ع مهلك سوء ههههههه

مايحتاج تشييك على الف كيلو الوكالة اساساً تقولك لا اشوفك الا على 5000 اغلب اخوياي مطلعين كيا وهونداي ونفس الفكرة اول تشييكه خمس الالف معها تغييرت الزيت على طول مافيه تشييكت الف هذا اول

وعشان تتأكد وتطمأن اسال الوكالة بنفسك وبياكدون لك المعلومة


المكيف شغله من اول ماتطلع من الوكالة ولا عليك منه ترى السيارة جديدة مهيب موضبه عشان تقول اخاف اشغله يأثر عليه سق بكل اريحية عادي ووكل الله


الموتر ان الله سلمه من العيوب المصنعية اموره طيبة دامك تسوق في حدود المعقول ومحافظ بالمعقول ماعليه الا العافية المبالغة الزايدة في المحافظ هي اللي تجيب الوسواس والخساير تغير شي قبل ينتهي والشي الرئيسي اللي المفروض نحافظ عليه ما نغيره



السواقة خلك راكد وفكك من التدبيل والتدعيس والسرعة الزايدة وامورها طيبة وهذا تأثر على السيارة بشكل عام جديد ولا غيره


موفق

مبروك يعطيك خيرها ويكقيك شرها .. ماقصروا معك الشباب وأعطوك المفيد وعندي ملاحظه بسيطه ولا أعلم هل تنطبق على سيارتك اإلاّ لأ وهي إنك ماتستمر على سرعه واحده بعني تمشي 100 لمده محده ثم تمشي 120 أيضاً مجه محدده وثم تزل بعد فتره لسرعه أقل بمعنى لا تكون مستمر على سرعه واحده .. وهذا ماقالوه لي ففي وكالة الجزيره عند شرائي لسياره جديده وأنا أيضاً عضو قديم هنا وشاهدت كثير من المواضيع بنفس هذا الكلام .. والله أعلم .

يكقيك = يكفيك

اإلاّ = وإلاّ

بعني = بمعنى

مجه= مده

ففي = في

المنتدى مافيه خاصيّة تعديل ولا تلوين فمعذرةً

لاتغير زيت الا على 5000

aboahmed2014 526

الله يرحم اللي ماتو ..

تغيير الزيت اذا نفع ما ضر ..
وكذلك التمرين اذا ما نفع ماضر ..

على حسب اطلاعي احيان يكون في المكينة الجديدة شوائب تصنيع
فالافضل تغيير الزيت وفلتر الزيت حول الالف