أضف سؤال أو موضوع جديد          

هل من نوع لتضليل الزجاج يتفك ويركب بسهوله

up 1 down 0



السلام عليكم ورحمة الله وبركاته
اسعد الله مساكم بالخير يا احبه
استفسار لايخفى عليكم الشمس ودرجة الحراره
وارغب في تظليل الزجاج يتفك ويركب بسهوله
لان الثابت عليه مخالفه
ايضا الزجاج الخلفي تبع الشنطه
عليها مخالفه ووكلتها قبل ٣٠٠ وتدبلت٥٠٠
هل الستاره تضبط لو لركبها
والاسعاررررر
فا ياليت اللي جرب نوع منها يفيدنا
شاكر ومقدر تعاونكم الاخوي وفقكم الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالنسبه للستاره انا مركبها عندي بالكابرس لاكن للاسف اركبها الصباح اذا نزلت للدوام واشيلها اذا طلعت العصر لانه ماتشوف لا الي برا ولا تشوف الي داخل مع العلم اذا كانت راكبه وجيت اركب السياره احصلها فيها حراره مع العلم القزاز الامامي حاط فيه التضليله الي تسحبها وتفكها مدري وش اسمها بالضبط
ما ادري ممكن يكون بسبب حجم السياره

افضل شي تركيب عازل حراري من شركه معروفه عندي ماليبو مركب فيها عازل 01 افضل بكثير من التضليل العادي ومن الستاره


up 2 down 0
سـري للغآية 86
قبل 6 شهر



الستاره ب100 اربع مع الخلفيه خذتها من محل اسمه عالم الستاير او حاجه كذا
بالدمام شارع الملك سعود


up 0 down 1
سـري للغآية 86
قبل 6 شهر



جربتها ما تنفع و لا تشوف منها
المشكلة مشددين حتى على تظليل زيرو زيرو الخفيف
و حتى المظلات اللي عند البيوت شغالين البلديات مخالفه و مطلوب ازالتها
يعني مدري وش يبون غير سحب مخالفات و لا شفنا شي
لا من المرور و لا البلديات
شمس و حر و لا همهم الا الغرامات عسى الله يستر


up 4 down 1
1405-1985 1317
قبل 6 شهر



اذا ماتبي مخالفات وحوسه ركب الستاير القديمه 
الي فيها قطعة بلاستيك تلزق بالقزاز 
مفيده وخفيفه شيلتها سريعه وتركيبها سريع وتقدر تتحكم فيها تحطها مكان ماتبي 


up 1 down 1
m7md 33 670
قبل 6 شهر



اللي بيعطيك مخالفه على التظليل العادي بيعطيك مخالفه على الستاير
نفس الشيء من قال الستاير ما عليها مخالفه


up 1 down 2



الستاير الي تجي كامله عالقزاز واطرافها حديد هذي مخالفه

الي انا اقصده الصغير الي بالعادي تجي مدوره وفيها خرم بالنص تركب قطعه بلاستيك عشان تلزق بالقزاز




up 1 down 0
m7md 33 670
قبل 6 شهر



حتى هي مخالفه يسمونها وضع حواجز تعيق رؤية السائق


up 0 down 1