أضف سؤال أو موضوع جديد          

سوناتا 2014 بعد مششى 200 الف

up 5 down 1
لحـن المفارق 525
قبل 10 شهر و أسبوع



السلام عليكم ورحمة الله وبركاته
الله يمسيكم بالخير جميعا
بعد قرابة 4 سنوات وممشى 200الف كيلو اعطيكم
انطباعي عن السوناتا 2014 وأبرز الاعطال

اذكر الله وصل على الرسول صلى الله عليه وسلم

اولا وخلال الصيانه الاولى في الوكاله لقيتهم يحطون زيت ثقيل
اللي هو 15w40 وبعدها سحبت عليهم
وصرت اغير لها زيت تخليقي بترومين A1 ومازلت مستمر عليه
اشتري كرتون زيت تقريبا 270 والسيفون من الوكاله ب15 واحيانا ب 10
على حسب العرض
غيرت لها زيت قير 3 مرات
المره الاولى يوم مشت 70 الف
المره الثانيه على ممشى 150 الف
والحين المره الثالثه على ممشى 200 الف
البواجي غيرتها مرتين
لم اخرط هوبات اماميه او خلفيه ولله الحمد ..لاني اغير القماش قبل ينتهي

غيرت القماش الخلفي مره وحده والامامي مايقارب 3 مرات
مواظب على تشحيم الجلد اسفل السياره ولله الحمد وهذب طريقه فكتني من قربعة السياره والاصوات
بطاريتها غيرتها مرتين
الكفرات يمكن ثلاث مرات غيرتها
بشكل عام اقوم على صيانتها اول باول ولله الحمد
عيوبها من يوم اخذتها وكاله لازم تجي حذفيه اذا فكيت الدركسون اما يمين او يسار
مافيها Abs وهذا شي رفع ضغطي
باختصار انطباعي عن السوناتا 2014 جيد جدا
حبيت اشارككم تجربتي واي سؤال انا في الخدمه









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


باقي نقطة مهمه ما تكلمت عنها المكيف ؟
كيف المكيف معاك


up 2 down 1
ms3al 1633
قبل 10 شهر و أسبوع



صراحه اللي مثلك ينشرى منهم السيارات المستعمله فقط
ما شاء الله محافظ ع السياره


up 3 down 0
moo3tazz 242
قبل 10 شهر و أسبوع



تقرير أعلى من ممتاز. تصرف سيلم انك عرفت نوع الزيت وغيرت، بغض النظر عن اسم شركة الزيت، تشوف اللزوجة والمواصفات ( المركب الكميائي) والتصنيف، عكس ملاك هيونداي تحصلهم يدوروا اسم معين( شل هيلكس الخ) ولا يقبل اي نقاش. 
زيت القير: واضح انك أكثر من حريص. 
ياليت تشرح طريقة التشحيم وتكلفتها!
البطارية غيرتها مرتين بعد ٤ سنين ونص وممشى ٢٠٠الف كم يعتبر ممتاز وحللت سعرها ههه ويعني ان الدنمو كفائته عاليه ومافي تهريب كهرباء، عكس سيارات جربتها ماتكمل سنة والا البطارية منتهيه، لأن كل سيارة فيها نسبة سحب كهرباء وهي طافية لتشغيل الساعه والفيوز ونظام الحماية الخ. 
الكفرات على حسب النوع والاستخدام، وطبعا وزن السيارة يلعب دور
القماش الامامي ٣ مرات يعني كل ٦٧ الف من تغير، وين تحصل افضل منها! و بسعر الاصلي. 
الحذفية لو يمين مثلآ وتغير اماكن الكفرات بتصير الحذفية يسار والعكس. الوكالة تقبل تصلحها على الضمان. 
ABS اعتقد من ١٥ او ١٦ صار اجباري. 


up 3 down 1
dell2012 869
قبل 10 شهر و أسبوع



ياليت تقول كيف كان المكيف معاك؟ ولو في تجارب تصليح!!


up 0 down 0
dell2012 869
قبل 10 شهر و أسبوع



دائما انصح بأن زيت الوكالة سئية جدا , وافضل زيت لمكينة السوناتا هو 5w30 تخليقي sn مثل بترومين او سوبر سن فوكس وغيره , ولكن لا حياة لمن تنادي , ويجيك واحد يقول مكينتها تخبط,


up 3 down 0
فهد ابن حسين 68
قبل 10 شهر و أسبوع



ما جبت سيرة الفلاتر ما غيرتهم


up 0 down 0
mfh2009 262
قبل 10 شهر



اشكركم جميعا على الردود
المكيف اسم الله بالنسبه لي يعتبر ممتاز
كل 6 شهور تقريبا اغير فلتر المكيف
ومع كل تغيير زيت انظف الفلتر شكرا لمروركم


up 1 down 0



بالنسبه لفلتر الهواء غيرته تقريبا 4 مرات
وكل تغييرة زيت لازم مع السيفون
المكيف وانا واقف مايبرد زين لكن مع المشي ممتاز ..وفي الحر لازم احط على 3 او 4

اشحم الجلد بشحم بخاخ ابيض ابخه عليها بين فتره وفتره


up 1 down 0



وش اسم البحاخ يلي ترشه على الجلد ؟


up 0 down 0
ahmad akk 558
قبل 10 شهر



شحم ابيض ..اي نوع


up 0 down 0



ماشاء الله
الله يبارك لك فيها

والله السوناتا حلوة بس الي يحيرك ناس مثلك ماشاء الله تمدح وناس تذم


up 0 down 0
hmhs1987 156
قبل 10 شهر



اخوي تكلم عن جودة الديكورات هل تطلع اصوات ولا متماسكة 
والبانوراما اذا كان عندك هل هي طيبه معك 


up 1 down 1



الله يعطيك العافيه عالشرح الوافي

بغيت اسألك بخصوص تغيير زيت القير اش الطريقه


up 0 down 0
memoo 90 -8
قبل 10 شهر



ماشاء الله بس زيت وكاله اي وكيل تقصد

انا اروح مجدوعي عندهم زيت خرا ابو خمسة الاف 15w40 وعندهم زيت 5w30 لكنه sn

الي منتشر فسوق هليكس 5w30 هو sl و sn يكون 5w40

بس تشحيم كم يكلفك وفين وهل تشحم جلود بيبان


up 0 down 0
mohammed1368 85
قبل 10 شهر



اخوي لحن المفارق ممكن تتواصل معي واتصب ابي استفسار منك
رقم جوالي : 0502391238 


up 0 down 0
sultan6466 1
قبل 6 شهر و 2 أسبوع



استخدام جميل ويطعمك من خيره 


انا مثلك عندي 2015 شكل القديم تمشي الان بسنه رابعه وماشيه 183 الف 
الموتر جميل جداً واستخدم زيت موتر كرافت 5w30 كل تغيره مع سفيون بحكم ان سيفون اشتريه من المحلات 10 ريال 
تم تغير الاقمشه مره واحده والخلفيه ربي لك الحمد باقي عمر فيهم اكثر من 40٪ 
الكفرات مره واحده وركبت نفس الوكاله هنكوك جنط 17 والاذرعه للان شدت الوكاله مافكيت مسمار ولله الحمد 
الكفرات كل ممشى 60 الف اغير اتجاهتهم الخلفيه قدام بحرف x والقدام ورا بنفس الاتجاهات 
البطاريه مرتين 
زيت القير مره وخده ع ممشى 60 الف ف الوكاله غيرته 


المعاناه والعيوب 

البانوراما لازم صيانه كل 8 شهور او سنه بالكثير 
المكيف فاشل جداً واقف حار تمشي بارد ولا يطول يخترب 

تم ترهيم كمبروسر سوناتا 2009 كلتش ولله الحمد قبل سبوع بتاريخ 27 /3 /2019 بارد جداً 
العيوب بعد ترهيم ثقل بالموتر نفضه بسيطه صرفية بنزين زياده بشي البسيط 

اي ستفسار انا حاضر بالاقدر عليه ودمتم بخير واسف ع الاطاله 

نصحية الموتر جميل ولاكن حافظ عليه بشده واهم شي زيوت المكينه تخليقي بالكامل 


up 1 down 0
سلطيين 37
قبل 2 أسبوع و 6 يوم



مسكور اخوي سليطين على الاضافه


up 0 down 0
لحـن المفارق 525
قبل 2 يوم و 12 ساعه