استفسار عن قطعة غطاء مكينة وين احصلها

ماهب راضي تتحمل الصورة

اذا الغطا البلاستيكي احتمال كبير تحصل بالتشاليح 
بس اذا هو الي فبالي ترى ماهو ضروري مره وتقدر تستخدم السياره بدونه

اذا كان الغطاء خارجي مثل غطى الفورد لاتدور وتعب نفسك لانه ينباع مع المكينة الا ان كان تحصل صيدا او مكينة منتهية
بس تقدر تمشي بدونه لان فقط شكل ماله دخل في تصريف الهواء او تخفيف الحرارة

واذا مرة مصر شفلك اي واحد يشتري من برا وقوله يطلبه لك

غطا المكينة الخارجي قصدك اللي يعبى منه الزيت ؟ 

اذا هذا اذكر اني قد شريته ايام السوناتا يوم كانت معي من الوعلان هذا عادي تلقاه غطا بنزين غطا زين تحصله واذا مالقيته يطلبونه لك عادي 

انا طالب من الجبر غطا السيفون حق الاوبريس انكسرت البلاستيكة اللي في النص حقته اللي تثبت السيفون وطلبته كم يوم وهو عندي بس تلقاه غطا الزيت اتوقع مايحتاج طلبية ان شاء الله 

عموماً شيك قطع الغيار 

تحصله في ورشة اللي بعد وكالة الوعلان طريق خريص نسيت اسمها بعد الوكالة بشوي على نفس خريص حقت غيار الزيوت ، شريتها قبل كم سنة للانترا لانها تبوز وتخرب ويالله فكها البنشري القيمة ب عشرين ريال تقريبا 

رحت للوكالة قالو فالورشة جنبنا على الخط  خريص حق تغيير الزيت