كيف يمكن حماية الكاميرة الأمامية للسيارة أثناء السفر؟

بسيطه لاجيت تسافر حط عليها تجليد شفاف ولا وصلت شلها وامورك بالسليم

ركب عليها العازل اللي حق الانوار اهم شي اصلي عشان مايخرب بسرعه

وكل فتره لاشفته تغير لونه حط غيرها مايكلفك قطعة مثل طول الشمعه الامامية 50 ريال تكفيك سنين

صحيح كلام الشباب حامي او جلاد نوع اصلي 

ولا جبلك لصقه شفافه او ماتوصل من الخط شلها لاتخليها تطول

الحصى والرمل لو ضرب الجلاد او اللاصق
كيف بيحمي زجاج الكاميرا من اثر الضربة ؟

المقصود بالعازل او الجلاد الحماية من السافي و الترميل فقط و ليس الحصى

اخ بس عندي الحين راحت فيها بهتت الكيمرا طلعت من الدمام صد رد لرياض وانعدمت نسيتها لمعتها مافي فايده 

ابسط الحلول فازلين مسافة الخط واذا وصلت للمكان اللي تبغاه
امسحها

لصقة ابو ريال الشفاف ودبل على الكاميرا وهالطريقه مجربها ويمديك تشوف بالكاميرا مافيها تغبيش
اما بالنسبة لو فاضي روح لحقين الحمايه اصلا موجود جاهزه قطعه مفصله للكاميرا

نصيحة من مجرب جينيسس
عندي الكاميرا الاماميه كنت احط عليها لصق ابو رخيص
واغيره كل اسبوع او اسبوعين
لاحظت انه الغرا يمسك عليه وعدملي الكاميرا من الخارج
افضل شي انك تركب حماية اصليه يقصها لك على شكل دائري ويركبها وامورك تمام