ابي سيارة اقتصادية

فكره طيبه
انا عندي تاهو وشريت اكسنت وبعد فتره تحسفت ليتني شريت النترا أوسع والصرفية قريبه من الاكسنت
فانت استخير الله وعلى حسب امورك الماديه

انا معي لكزس ال اس وشريت كورولا مستعمل ب 32 الف

بعد ما شريت حسبتها لقيت اني اصرف 600 ريال بنزين شهريا

يعني دفعت قيمه 4 سنين و4 شهور بنزين

لسياره اخرى ادفع عليهم الاثنين الان 300 ريال بعد ال 4 سنين و4شهور تطلع

16000 قيمة البنزين + 32000 قيمة السياره = 48000 ريال

ولو حسبتها كم حصرف في 4 سنين و4 شهور بدون سياره اخرى

32000 ريال فقط

حسابيا انا خسران

انت احسبها بطريقتك

ترى المصاريف اللي بتحطها في السيارة الصغيرة وقيمة مشراها بيفوق فرق البنزين بين السيارتين بدبلات الدبلات 

هذا غير تغيير الزيت وكفرات وبطارية وصيانات للسيارتين وتامين واستمارة وغيره وغيره واخرتها عشان فرق مدري كم توفير بنزين طيب طالع انت بالمقابل كم جالس تدفع هنا

من رايي
لو مانت في حاجته
بيعه والفلوس الي معك زودها على بيعته
وشوفلك موتر اقتصادي جديد
او مستعمل شبة الجديد
وارتاح منه ومن صرفيته

في مجتمعنا ....للعائلات الكبار
الحاجه الى سيارتين امر مهم
السياره الاولى::: سيارة العائلة للمناسبات ...والسفر ....والاعياد ..
حركتها ثقيله....وصرفيتها عاليه داخل المدن
السياره الثانيه :::: سيارة الدوام والمشاوير صرفيتها معقوله
داخل المدينه مع الزحام وكثرة الوقوف عند الاشارات ...وتحصل لها
موقف بسهوله
فارى والله العالم انها مهمه الثنتين لمن يحتاجها
ولديه قدره ماديه للشراء

والله عندك سياره من شيفروليه ناسي اسمها سياره عمللليه بكل ماتعنيه الكلمه ابحث عنها وشف وشكلها مقبول مو بذاك السؤ

الاكسنت والهونداي عموما فيها مشكلة المكيف يتعطل بعد كم سنة ويضعف تبريده .. لذلك اذا بتاخذ مستعمل خذ تويوتا او نيسان تبريد افضل

شف واحد منزل موضوع مهم
عن المقارنة بين صرفية البنزين لسيارتين
كبيرة و صغيرة ما تفرق كثير
قيمة السيارة الثانيه و مصاريفها
اقل منه قيمة بنزين الكبيرة لكم سنة بس احسب صرفيتك قبل
و لو معك سكويا او vxr او باترول
اقول ممكن بس صرفية مكينة اقل من حجم 5000 مقبوله
على الاقل ما دام البنزين على وضعه ما ارتفع زود و الله يستر

بيض الله وجوهكم


انا الحقيقة ماقدر ابيع الجيب لان سعره طايح وانا بحاجة جيب للبر والمكشات والعلوم الطيبة لكن فعلًا سواقته داخل الديره متعبه

دام كذا يا رجال شفلك يارس ب ٦٠٠٠ الاف نظيفه ورخيصه حق اابلد

التويوتا قطع غياره نار وانا معي جيب لكزس وكل قطعه قطع فكسار ومع ذلك نار

بو عبدالملك توكل خذ سياره صغيره ، لان سواقة الجيب داخل المدينه متعبه 
موتر ثقيل ولا تحصل مواقف وغير صيانته 
خذ موتر صغير اكسنت ولا يارس 
والافضل النترا و كرولا اذا معك عايله صغيره 

وصدقني اذا شريت موتر صغير ماتشغل الجيب الا ويكند او لحاجه 

وفعلا الجيب يعتبر احتياج خاصه للي يحب الطلعات البريه والبحريه بعد او السفريات

وبالتوفيق

بيض الله وجهك ....