أضف سؤال أو موضوع جديد          

قبل شوي طفت السيارة علي وطلع دخان من المكينه وصرفت مويه تحت

up 7 down 3
طولون 23
قبل 3 أسبوع و 2 يوم



يالربع سلام الله عليكم

انا سيارتي سنتافي 2014
قبل شوي الساعه 11.40ص

طفى الموتر علي
وطلع من المكينه دخان
وصرف مويه كثيره من تحت

حتى من قبل لا يطفى .. صار صوت السيارة
كنك حاط طرف عود خشب يطق على المروحة

لا تقولون خبطت المكينه
تكفون والله راس مالي هالسياره وظروفي صعبه

الله لا يربح معرض القحطاني ولا يكسبه
شريت من عندهم ايامها وكاله
وماعرفت اني مخدوع بها الا ثالث سنه من كثر مايتعتع
رغم اني محافظ عليها واغير زيتها ومويتها باستمرار







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله 

لاتشغلها حتى تعرف ايش المشكلة ،،،،ممكن انكسر الرديتر من جهة المروحة وجلست تحك فيه 

ولكن تقدر انت تشيك عليها خلها تبرد وافتح الكبوت وتفقد زيت المكينة وكل حاجه وارجع عطنا خبر


up 0 down 0
ابو حسين.......... 696
قبل 3 أسبوع و 2 يوم



الحرارة ما ارتفعت

ويوم جت السطحة تشيلها
لقيت على الشارع الله يكرمك ويكرم من يقرا

زيت ومويه مخرور على الشارع

وربي تحطمت
ضاق صدري يمين بالله

راتبي 5 الاف ريال مايصفى لي منها غير 4الاف قروض
وديون
وساكن باجار
وفاتورة كهرباء حسبي الله عليهم
وظروفي صعبه
وكملت علي هالسيارة اللي راس مالي مشاويري بها


up 0 down 0
طولون 23
قبل 3 أسبوع و 2 يوم



ماعليه تتسهل لاتضيق صدرك اهم شيء لاتشغلها افتح الكبوت شف وش المشكله بالضبط وان شاءالله انها بسيطه وبالنسبه انها طفت من نفسها يمكن فيها نظام حمايه اذا صارت اي مشكله تطفى عشان ماتسبب مشاكل للمكينه


up 0 down 0
abdulaziz bin ateeq 207
قبل 3 أسبوع و 2 يوم



يمكن وجه او طبه لازم تفحصه عندي اكثر من ميكانيكي
عشان تاكد يمكن طفت امان بعض السيارات فيها امان تطفي
قبل تضرر المكينه


up 0 down 0
فور جي 59
قبل 3 أسبوع و 2 يوم



يالربع السيارة مخرخره تحت زيت ومويه

والسيارة مافيها نظام حمايه تخبرون الكوري الله يبعدكم عن الكوري

كلمت شيخ مسجدنا كود يفعل خير
وقال شف السيارة واذا مانفعت كلمت المصلين ربعنا عنك
جزاه الله خير

والله المستعان

وحسبي الله ونعم الوكيل


up 1 down 1
طولون 23
قبل 3 أسبوع و 2 يوم



انت تأكدت انها خلاص راحت فيها ولا كيف؟؟


up 0 down 0
ابو حسين.......... 696
قبل 3 أسبوع و 2 يوم



انت شاربها اصفار والا مستعمله


up 0 down 0
saif2257 108
قبل 3 أسبوع و 2 يوم



يا اخوان

وديت السيارة الصناعية القديمة الصبح اليوم
وطحت في واحد سوري مدري ما اقتنعت بكلامه

دقيت عليه الصبح : مرة يقول السلندر مكسور
دقيت عليه الظهر : مره يقول راس المكينة مكسور
دق علي قبل لا يذن المغرب : قال المكينة اصلاً مخبطه ويكلفك من 6 آلاف الى 8 ونص الاف

يا اخوان

ترى نسيت اقول لكم
انها قد تكررت معي قبل 9 اشهر تقريباً
وصارت من راس المكينة وانحلت المشكلة ( مع ان اللي صلحها سافر )

تكفون يا اخوان شوروا علي

المبلغ كبير
لما كلمت شيخ مسجدنا قال والله مبلغ كبير ، توقعناها 100 او 200 ريال
يوم قلت له هالمبلغ انصدم

نسيت اقول لكم يا اخوان
الميكانيكي قال لي : اذا ماتبغى تصلح عندي ، عطني نص القيمة 750 ( اللي كان متفق عليه 1500 ) اذا كان سلندر مكسور

وانا يا اخوان احترت
اعطيه والا لا

شوروا علي ياجماعة الخير


up 1 down 0
طولون 23
قبل 3 أسبوع