تخبيط سوناتا 2016

هذا عيب مصنعي الله يعينك توضيب أو مكينه..اخوي مطلعها وكالة 2012
مشت 95 الف الى عام 2017 يعني استخدامه قليل وبنفس الوقت محافظ وخبطت عليه فجأة
ووضبها.

وش الزيت اللي تستخدمه

وش نوع الزيت اللي تستخدمه وعلى ممشى كم تغيره؟ ووين تغيره بنشر ولا مركز ولا خدمة سريعه؟

سالفة السياره مامشت ولا جتها حكه ماتثبت انك محافظ على صياناتها باستمرار

 أغير زيت الوكالة أشتريه من قطع الغيار وغيره عند البنشري
 زيت هلكس حق الوكالة كل خمس الاف كيلو .

أستفسر من وزارة التجارة عن الضمان كأني قرأت أن الصيانة لاتبخل الضمان ربما عيب مصنعي  يضحكون علينا بالصيانة 

اذا مسوي صياناتك برا والفواتير معك رح وعطهم ياها اذا رفضوا دق على وزارة التجارة وبيصلحونه غصب
واحد من اخوياي خبطت عليه بس الحبيب يسوي صياناته برا وما يخلي الفاتورة معه فسوى لها توضيب على 7000

انتبهو من السوناتا من موديل 2011 لموديل 2016
الكلام هذا ما اقوله لاني اسمع كلام واقوله لكم
والله ثلاث من عيال اخوالي معاهم سوناتا واحد موديل 2013 والثاني 2015 والثالث 2016 الشكل الجديد كل مكاينهم ضربت والله على ما اقول شهيد
اللي معاه 2016 بالقوه دخلوها الضمان ماشيه 58 الف فقط

البلد هذي ما يصلح فيها الا الياباني

المشكله بمكينه 2400

كل سيارات الاهل من نوع سوناتا خبطوا ،خاصة موديل2012و13

دايم نقول ونكرر ان زيت الوكاله تعبان ومايناسب المكينه , نرجع ونقول ارجع للكتلوج الكتلوج يقول انسب زيت للشرق الاوسط 5w30. وعندنا وكيل شل هيلكس مايوفره بمواصفات جديدة فمايناسب المكينه , انسب زيت للسوناتا 5w30 بترومين او فوكس تيتان سوبر سن بحكم ان مواصفات الزيت عاليه ,, على العموم الله يعوض عليك ومعوض خير

هذا عيب في بعض مكاين 2.4 هيونداي وكيا والزيت ماله دخل بالمشكلة نهائيا

دامك تقول الزيت تاخذه من الوكاله ونوعه شل هيلكس ف اكيد انه العلبه الصفراء الثقيل 15w40

خلاص عرفنا السبب وعلى قولتهم (( اذا عرف السبب بطل العجب )) ... الله يعوض عليك ياصاحبي ويرزقك مكينه انظف منها

وهذا موضوعي كتبته قبل سنتين تقريبا ووضعت النقاط على الحروف.. اتمنى اللي يقرأ هالتعليق وعنده قروب سوناتا يتكرم وينشر هالرابط :

https://hyundai.montada.haraj.com.sa/70247/مهم-جدا-..-سبب-تخبيط-مكائن-2400-الكورية-/

المعذرة موضوعك غريب !
شكلك ماتدري ان وزارة التجارة صدرت قرار بمنع كل الوكالات من حكر صيانة السيارات وانه بإمكانك تسوي صيانه في اي محل برى الوكالة ويبقى الضمان ساري المفعول الى 100 الف و بعضهم 150 الف او 3 سنوات

الشي الثاني لو المكينة خبطت فعلاً بدون سوء استخدام في الحالة هذه الوكالة ملزومين يصلحون السيارة على حسابهم

انت يمكن ثالث شخص تخبط مكينة السوناتا معه وكلهم 16 و 17 خلال فترة بسيطه بالمنتدى
كنت اعتقد ان السبب نفس الشخص لكن الواضح بل الاكيد هناك عيب مصنعي بالمكينه
الله يعوض عليك خير يالغالي وضبها وبيعها بعد ما توضح للمشترى انها موظبه ليبارك لك الله في سيارتك التاليه

الله يعوض عليك لكن كم لزوجه الزيت الي تخطه اكيد تحط ثقيل

السوناتا فاااشله لان مكينتها من ٢٠٠٦ الى ٢٠١٨ نفس المكينه ماتغيرت
والسيارات الي بفئتها زادت الاحصنه وقللت صرفيه الوقود والسوناتا باقي 
ومعروف مكينه ٢،٤ اكثر شي تخبط في السوناتا او الكيا

للتصحيح المكينه من عام 2009 وبانتظار الجيل القادم 2019 دفعة ثانية او 2020 , اكيد راح تتغير اشياء كثير ومنها المكينه ,