أضف سؤال أو موضوع جديد          

استفسار بخصوص شراء سيارة مخزنة

up 1 down 2
خدعوك فقالوا 90
قبل 4 شهر و 2 أسبوع



السلام عليكم
حياكم الله يالربع هاليومين رحت للمعارض وحصلت سوناتا اصفار موديل 2013
فل كامل المهم جلست استفسر من صاحب المعرض عنها قال خليجية
وسعرها 65 انا عجبتني بس متردد تكون طول الوقفة لها اضرار
قالي واحد من الزملاء ان الشكل القديم وصلت مع اخوه ممشى 80 الف وبعدين خبطت قال نصيحة لا تاخذها
والي خلاني اشك زيادة صاحب المعرض يوم شافني اسال عنها كثير قالي خذها 60 صافي كانك صامل وهنا شكيت اكثر انه بيمشيها علي لأني خايف من طول الوقفة تكون تضررت وش رايكم يا جماعة الخير الي لة خبرة يفيدني هل يستاهل الموتر هذا مبلغ 60 الف ومراح يكون فيه اضرار من التخزين ولا ؟
طبعاً مواصفات الفل معروفة تشغيل بصمة وتسخين مراتب ومثبت وشاشة وكميرا وبنوراما

هذي صورتها على الرابط لأن الموقع رفض رفع الصور مدري وش المشكلة
https://s3-eu-west-1.amazonaws.com/mimg1.haraj.com.sa/userfiles30/2018-07-06/900x674-1_-5b3f71123b5bb.jpeg







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السوناتا كان معي ١٤ وصلت ٩٨ وخبطت 
وشريت ١٦ أصفار ومشت ٩٨ وامس خبطت 
ماهي عملية نصيحة شفلك كامري ولا مازدا
سوناتا مكيف خايس ومكينة تدور الزلة 
انا ماتوب اللحين خلاص والله بشتري يارس 


up 6 down 4
البلاز 41
قبل 4 شهر و 2 أسبوع



يابن الحلال وش حادك تاخذ ٢٠١٣ اصفار ب ٦٠ 

بقيمتها او تزيدها شوي خذ ٢٠١٧ او ١٨ ستاندر ويكفي تمشي مع العالم موتر جديد ماهو قديم 

وبعدين ال ١٣ خلاص راح عزه وراح شكله نزلوا شكلين بعده وحلوين 

نصيحه خذلك شكل جديد واكشخ فيه 

هذا غير وقفة الموتر تلاقي ربلاته نشفت وكفراته انتهت وووو 

يعني احتمال تدفع ٦٠ وغير المعرض ٢٠٠٠ وغير كفرات وغير تطلع لك جلد بعد فتره بسيطه 




up 4 down 0
m7md 33 671
قبل 4 شهر و 2 أسبوع



https://haraj.com.sa/1134784106/هونداي_سوناتا_الوعلان_استاندر_670002018/

تقارن هذي ب ٢٠١٣ حرام عليك 

وبتلاقي ارخص من هالمعرض لو تدور شوي 

فكر بها 


up 0 down 0
m7md 33 671
قبل 4 شهر و 2 أسبوع



اتفق تماما مع m7md 33

وغير كذا السوناتا الشكل هذا من 2011 الى 2015 يعيبه العزل سيئ جدا جدا
ومشاكل المكيف موجوده بنسبه اكبر ، الموديلات الحديثه تحسنت من ناحية المكيف

وحاول تدور سياره سعودية عشان الضمان اذا يهمك..
وبالنسبه للتخبيط ( انا معي سوناتا 2011 اول دفعه) ممشاها فوق ال200 الف ولله الحمد ما اشتكت من عيوب مكانيكيه
مع اني شاريها مستعمله


up 0 down 0
abo9aly7 478
قبل 4 شهر و 2 أسبوع



خذ 2017 افضل لك يارجل لاني اشوف شكله افضل من 2018 .. كل المواصفات اللي ذكرتها موجوده في النص فل ماهو الفل عدا تشغيل البصمه وتسخين المراتب .. غير كذا شف فرق الداخلية فخممه تخشيبه وحركات


up 2 down 0
moath 5997 28
قبل 4 شهر و 2 أسبوع



خذ 18 استاندر افضل واحلى ومواصفاته حلوة


up 0 down 0
ali-911 3027
قبل 4 شهر و 2 أسبوع



ماقصروا الشباب وكلام سليم عل الاقل ٢٠١٦ وفوق وبتلقى قريب من السعر. فعلا تخبيط المكينه شي غريب في السوناتا ولد اخوي نفس الشي خبطت عليه والموتر وكاله . اعتقد موديل ١٢ او ١٣
بالتوفيق


up 1 down 0
midnight_963 533
قبل 4 شهر و 2 أسبوع



شف لك موتر ٢٠١٧ على الاقل
كورولا او التيما بقيمتها او النترا نص فل


up 0 down 0
1405-1985 1328
قبل 4 شهر و 2 أسبوع



شي طبيعي موديلها 2013 يبي يصرفها
اكيد قاعده في حلقه ويبي يتخلص منها ولا تنسي نزل اكثر من موديل وشكل بعدها


up 0 down 0
الشرقية ماركت 86
قبل 4 شهر و 2 أسبوع



شكلها وراد كوريا او الاردن
تحصلها محوله من غاز الى بنزين
ولا مستحيل تجلس كل هذي المده عنده
او لان لونا ماهو مرغوب


up 2 down 2
d7ooom777 426
قبل 4 شهر و 2 أسبوع



اشتر الموديل الجديد نص فل احسنلك 

اولاً الشكل الجديد افضل القديمة شكلها مهب ذاك الزود 

وثانياً سعرها مهب ذاك الرخيص مرة حتى لو كانت فل 

ثالثاً الموتر موقف له حول 5 سنين حنا في 2018 يعني منتهي ضمانها وكل شي وزيوتها تلفت من الوقفة وغيره وغيره

باختصار لاتشتريها هي ولا غيرها موديل قديم اصفار موقف له كم سنة لا تقربه اشتر جديد بضمانه وعش مع الناس 


up 1 down 2
a.ibrahem 3240
قبل 4 شهر و 2 أسبوع



بال 60 خذ مازدا6 اصفار وماجاك عندي

الصفحة الاولى للمنتدى مو اقل من ثلاث هيواندي مخبطة مكاينهم الله لايبلانا !

انحش


up 1 down 3
ابوابراهيم 9090 390
قبل 4 شهر و 2 أسبوع



شوف انا انصحك انك تتركها تاخذ موديل حديث الموتر هذا له 5 سنين وماشي في سادس سنه اولا المواتر الحين تطور بسرعه
اشياء مهمه صارت اشوفها الحين ماهي موجوده بموديلات 2013 مثل شحن الجوال لاسلكي و اوتو بريك وبلاوي الله بها عليم

ثانيا الموتر ماله سمعه ولا احد يحبه عشان تاخذه لوقديم وكلاسيكي قلنا صح مثل الفورد الهايلكسات الكامريات القديمه الكابرس
اما ذا وش تاريخه ابعد عنه بس


up 0 down 0
mission 827
قبل 4 شهر و 2 أسبوع



انك كانك ملزم تاخذها الوعلان مسوي عرض ب62 15 فل الفل بمعرضهم على الدائري الشرقي بين 10 و11 وبالتوفيق


up 0 down 1
rooo7_q 211
قبل 4 شهر و 2 أسبوع



السونانا تاخذها على سنتها ماتسلم منها كيف أجل الي واقفة 4 سنوات




up 3 down 1
يارب توفيقك 2014 1657
قبل 4 شهر و 2 أسبوع



ب 60 كثير فيها باختصار موديل قديم وشكل قديم ومخزنة فترة طويلة
ومافيها ضمان يعني مافي ولاشي لصالحك لو طلبتك السيارة
اذا قدرت توصل ل 60 زود عليها وخذ 2017 او 2018 مستعمل نص فل
وعلى ضمانها افضل وشي ترتاح له مو توسوس منها
نصيحة اخ


up 1 down 0
ابو عبدالله احمد 3386
قبل 4 شهر و 2 أسبوع



السيارات المخزنة سنتين بالكثير .. اما ثلاث وفوق لا تاخذها ابدا ماتنفع . وفوق هذا طالب بها سعر خرافي ! لو قال ٤٠ الف ممكن لانك بتحط اقل شي خمس او ستة آلاف صيانات زيوت وجلد وبطارية وكفرات وسيور وصيانة شاملة


من رايي دامك واصل ٦٠ الف وحولها
عندك خيارات واجد بهالسعر تاخذ ٢٠١٨ او ٢٠١٧
عندك مثلا الالتيما ممتازة جدا الافضل بفئتها سعرا وتوفيرا للبنزين وتكييف والله مكيفها ماشاء الله خرافي احسن من تكييف هواندي كلها . وفيها مثبت سرعة وحساس كفرات من اقل فئة والنص فل تجي تشغيل عن بعد بعد .


up 3 down 0
ain501 106
قبل 4 شهر و 2 أسبوع



نصيحه لا حد ياخذ مخزنه من معرض لأنها تتعرض للشمس والأمطار والغبار ا


up 0 down 0
ابورعد القديمي
قبل 2 شهر و 3 أسبوع