بخصوص الرش المطفي

ماقد جربت والله 

بس الشيء الي فيه شك ابعد عنه ، مالك ومال الشقا 
هذا غير الدوريات بتركز عليك وكل شوي موقفينك وكذا 

الغرابي يرشونه لك بس رش مشي حالك يعني الفراغات بين الأبواب مهما لمعت بتبقى وصعب الوصول لها

ومع الوقت يتقشر وتضطر ترجع ترش الاماكن المتقشرة

ويعطيك ضمان سنه والضمان هذا ترجعلهم اذا تقشر أي مكان

ثاني شي مع الوقت لو تغسل الموتر تروح الرشة المطفية

ويبي لك محل غسيل سيارات كل شوي لازم تذكره انه ما يرش موية بالمسدس من قريب


المحلات المضمونة غالية بيكلفك رشها 4000-12000 ريال بس تثبت على السيارة خلاص

نصيحتي لك / الموضة أصبحت قديمة وما تزين الرش المطفي الا على السيارات الرياضية

يسويه المضطر سيارته متقشره و ما تعدي بالفحص الدوري
و ما معه حق تجديد بويه اصلي
او حقين الاستعراض مع انه حركة صارت قديمه

نصيحة خل موترك مثل ماهو
أخوي سيارته قعدت في الحجز اسبوع بسبب الرش المطفي رغم انه بنفس لون السيارة
ولا طلعها من التوقيف إلا بعد ما جاب عامل ومسح اغلب الرش وصار شكل السيارة مشوه

المشكله ان موتري لونه اسود والحين كله خدوش وحكات وانا مره كرهته وباقي على وكالته ولا ابي اسوي له رشه

انا اشريت جيب شروكي 2001 راعيه راشه مطفي قبل يبيعه والظاهر انه راشه من اسوء وارخص الانواع
لاني بعد شهرين من الشراء اتقشرت اجزاء من البويه وصار فيه تبهيت وبقع ما تروح لانها من نفس طبقه البويه
واكثر ما يعدم الرش المطفي هو روث الحمام الله يكرم القراء لو جا على البويه يحرقها
ولازم تعيد رش المكان ، اما المرور اذا انت في الرياض ما عندك مشكله على الرش الطفي ما احد يكلمك