أضف سؤال أو موضوع جديد          

محتار مع ورشة ميكانيكية وضبت سيارتي عندهم

up 3 down 1
طولون 23
قبل 4 شهر و أسبوع



السالفة يالربع

ان عندي سنتافيه

خبطت مكينتها

وديتها عند اول ورشة وطلعوا سوريين
المهم عيال **** لعبوا في مكينة سيارتي

وجتني 3 اتصالات في يوم واحد يوم حطيت سيارتي عندهم صباح الثلاثاء اللي راح

الإتصال الأول :
عندك خراب في السنّه

الاتصال الثاني:
السلندر مكسور

الإتصال الثالث:
المكينة كلها مخبطة

انا من سمعته راعي كلام
قلت اقول هاتوا سيارتي بس بوديها ورشه ثانية
قال عطني حق فك المكينة
قلت ماني معطيك والله لا يسامحكم لأنكم خربتوا سيارتي

قام يقول حسبي الله ومن هالكلام

وديت سيارتي ورشة ثانية الاربعاء اللي راح
(( طبعاً عرفت رقمهم من سوق حراج ))
وهم سوريين
المهم اثناء اتصالي عليهم
عطاني مهندس الورشة الثانية عرض ممتاز
قال نوضب لك المكينة أي خراب اي شي نعطيك ضمان 6 شهور
خلال 6 شهور حنا نتحملها بدون مقابل
قلت بكم تصلحيتها؟
قال بـ 6 آلاف ريال ( توظيب مقطوع )
قلت مايخالف دامكم بتعطوني ضمان 6 شهور ماعندي مشكلة
قال ادفع عربون
دفعت عربون 1000 ريال
ثم قال مدير الورشة ( كل ماتمشي 80كيلو تغير الزيت عندنا)
قلت وهو كذلك
( كان كلامه مطمن نوعاً ما )

المهم اتصل علي اليوم (الأثنين) سوري يتكلم بلهجه سعوديه
يقول انه صاحب الورشه
قال السيارة جاهزه ، جب الفلوس معك

قلت اجل خلاص بجيب لك الفلوس ، جهز الفواتير والضمان
قال ماعندنا فواتير قطع

قلت وش يضمن لي ان القطع عندكم اصليه؟
قال هذي مقطوعة مافي اي ورشة بالدنيا تعطيك فواتير توظيب
قلت بس انا من حقي اطلب فواتير

قال انت تعال ويصير خير

المهم حسيت من كلامهم ان مستحيل يعطوني فواتير القطع

غير كذا يقول
راح تمشي 1000 كيلو ( بدون ماتشغل المكيف ) عشان تمرين المكينة

( هنا اختلف الكلام )

المهم واعدتهم الربوع الجاي اجيهم

ابي اشاوركم وتعطوني رايكم يالربع

عطوني رايكم الله يخليكم

السيارة بالصناعية القديمة
وعندي سند قبض 1000 ريال مقابل توظيب مكينة

وش تشورون علي؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


روح ل شيخ الورش وعطه التفاصيل كامله وبيضمن حقك

غلطان تروح لعرب الشمال


up 4 down 3
7amood1930 302
قبل 4 شهر و أسبوع



بعدين لو انك مدخلها وكاله توضيب ب 8000 اضمن وافضل

مدري ليه تروحون للورش والفرق بسيط


up 3 down 2
7amood1930 302
قبل 4 شهر و أسبوع



السلام عليكم ،،،

اول شي :
اخو كان من الافضل لو انك شريت مكينه من التشليح افضلك من التوظيب واضمن ان شاء الله ، واتوقع نفس القيمه اللي
انت دفتعتها بالتوضيب تقريباً ، واسعارها بالتشليح من 5000 الى 6000 تقريباً ،

ثاني شي :
مادام انك وضبت خلاص ماراح تفرق نوعيه القطع اللي حطوها لك والسبب ان الضمان اصلاً 6 شهور ، يعني اقصد
سواء ركبو اصلي او تجاري مالك الى 6 شهور ضمان شامل القطع وكل شي ، ولايحق لك مطالبتهم يأي شيء بعد ذالك ،
،،،
لكن عا العموم ماندخل في ذمتهم ونقول ان شاء الله انهم ركبو لك قطع اصليه وتعيش معاك الين تبيع السياره ان شالله ، اخذ الضمان
منهم وتوكل على الله بس حاول معهم يزيدونك فترة الضمان شوي 9 او 10 على الاقل علشان تطمن اكثر
والله يوفقنا وياك ان شالله .


up 5 down 2
bakeetdo99 45
قبل 4 شهر و أسبوع



دام مافي فواتير قطع اعرف انهم نصابين وبعدين انا سويت سيارتي عند 
فلسطيني واخذ علي٧٠٠ والصوت موجود ورحت واشتكيت عليه وماخليته في
حاله وجبت دوريه عنده وقالي روح شيخ الصناعيه ورحت  اشتكيت وجاب
ثلاث مهندسين وشيك على السياره  وصارت مشكله وخلوه يرجع نص المبلغ 
 لاتسكت على حقك لو تتمرمط 


up 5 down 4
ra511 80
قبل 4 شهر و أسبوع



كان عندنا سياره تنقص زيت رحت لورشه سوداني يقول انا بشتغل فيها مثل وبشتغل كانها سيارتي الخاصه وتطمن ومن ذا الكلام
وضبطت مكينه سياره عنده وعطاني ضمان 6 شهور مع فواتير القطع الاصليه مع ذالك بعد سنه انتها الضمان ورجعت تنقص زيت مثل اول الخلاصه تغيير المكينه افضل من التوضيب


up 4 down 0
Pro rare 450
قبل 4 شهر و أسبوع



بكره روح لهم لاتنتظر يوم الاربعاء رح بكره بدون ضمان فاتورة لا تعطيه ولا ريال ولا تاخذ السيارة انكبهم لو صادق وضامن شغاله يعطيك ضمان سنه مو 6 شهور التوظيب اي كلام ماتاخذ المكينة شهر ين الا وهي مخبطه انت اسحب السياره من عندهم ومرنها (( انت انت انت فقط)) كم اخذت عندهم السياره في الورشالورشه الاخيرة اذا اسبوع ونص وضعك ممتاز موظبينها اذا ثلاث ايام مغيرين المكينة


up 0 down 2
هبووب الشمال 35
قبل 4 شهر و أسبوع



الاتفاق اللي يتم بينكم هل بينكم عقد ؟
وهل الإيصال اللي معك مكتوب فيه الإتفاقيه بينكم انها توظيب مقطوع بدون اي فواتير ؟
إذا الجواب نعم فأنت الخاسر
إذا الجواب لا فأنت الرابح إذا شكيتهم


up 0 down 0
w.055 -6
قبل 4 شهر و أسبوع



امممم اذا غلبت الروم
اقل شيء خذ فاتوره بالتكلفه الاجماليه والضمان
بعدها شف سالفة بفواتير القطع
لكن المهم فاتورة الضمان
وبالنسبه للمكيف اسحب عليه وشغلها عادي
ماعليك منه
بالنسبه للتمرين يقولك اول 1000كيلو مرنها
ماعندك مشكله لكن بعدها اكرفها لاترحمها
عشان لو فيها شيء يطلع قبل لايخلص الضمان
وسالفة تغير الزيت كل 80كيلو وين عايشين
والى ممشى كم وانت تستمر!!!
80كيلو يعني يبيلك كل يوم او يومين تغير الزيت
اذا على حسابهم ماعندك مشكله اما اذا بيدفعك سعر العلب لا
انا موضب سياره وكان الزيت اول 500كيلو فقط تغيره
بعدها خلاص كل 5الاف




up 2 down 0
d7ooom777 426
قبل 4 شهر و أسبوع



لاتصلح عند عربي الا اشياء بسيط..فحمات وهوبات..شغلات السياره الباقيه صلحها ياعند فلبيني او هندي.. ع الاقل يكون واضح معك ولا يلف ولا يدور..ب النسبه ل فواتير القطع..اي ورشه تقدر تاخذ منها فواتير القطع.. اذا كان مركبها جديده.. لكن شكله صنفر لك القطع او اخذ بعضها من قطع مستعمله عنده..انت اساله اذا قال القطع جديده قله وين فواتيرها.. اذا قال مافيه فواتير اعرف ان القطع مستعمله وركبها لك..خلك صامل ولايهمك وقله ياتجيب فواتير ياالشرطه تجي وتاخذك مع اذنك مثل الكلب..واتصل على الشرطه ياخذونه الحرامي..لاتساهل مع المجرمين..3Z


up 3 down 0
.ابوظافر 2
قبل 4 شهر و أسبوع



ماتشوف شر ومعوض خير ، 
لكن للاسف لاتمشي على الاعلانات 
الاعلانات الكل يمدح ، اسال اللي حواليك هم مجربين وخابرين
ولو تسال الاخوان هنا يفيدونك في ورش طيبة ، 

الشي الثاني دام قالك ضمان ، م تطلع السياره ولاتعطيه الفلوس
لين تستلم فاتوره مختمه بضمان ٦ شهور على كامل قطع المكينه


قام يلف ويدور،

رح شيخ الورش وقله السالفه ، وفلوسك عندك في النهايه



up 1 down 0
r.7.g 40
قبل 4 شهر و أسبوع



احد ثلاث امور
1 يعطيك الفواتير وكامل الاوراق مع الضمان مكتوب فيه المده
2 اذا رفض تروح لشيخ الصناعيه يأدبه ويحل وضعكم
3 او استدعاء للزكرتيه الدوريات ..تشرح لهم في دقيقه
اذا ما حلوا الموضوع وتعقد .....تقول حولني لضابط الخفر
و على مركز الشرطه ....لا تسكت عليهم لا تسكت .... ترا
مبهذلين عشرات قبلك بالطريقه هذي.....حسبنا الله عليهم
*ملاحظه --------> يالحبيب وضع المكيف ...مهو عاجبني
الله يستر لا يكون لاعبين فيه. ...نصيحه شيك عليه هم
حاطينك في روسهم ولازم يطلعوا منك باكبر قدر من الكاااش
وفقك الله ويسر امرك وامر الجميع


up 0 down 0
لا للغلاء 585
قبل 4 شهر و أسبوع



بالنسبة ان الفواتير تاكد انهم ركبو قطع اصلية هالكلام ممكن صحيح 

اذكر واحد يسولف عنده ورشة ،، جاه عامل يبيع فواتير مختمة من كل الوكالات والمحلات الكبار بعشرة ريال الفاتورة 


up 0 down 0
شرقااااااوي 656
قبل 4 شهر و أسبوع