أضف سؤال أو موضوع جديد          

مشكلة قير النترا عادي

up 0 down 0
abdulrhman_v12
قبل 4 شهر



السلام عليكم.
سيارتي النترا 2013 قير عادي
مشكلتي بدأت بتغيير زيت القير من الورش العادية
ماكان عندي خلفية عن لزوجة الزيت ولا عن نوعه
بعدما غيرت الزيت لاحضت القير ثقل جدا وتصلب بالبداية
بعدها صار مايعشق الا يدوبك
رحت عند بترومين وغيرته وتحسن لكن بعد فوات الاوان
صار الاول يعلق ويمسك ولو ابي انقل من الاول للثاني معلق ومتصلب ويطلع صوت
اضطر اهدي شوي وعاد يدوب يخليني انقله للثاني
بقية النقلات عاديه مافيها شي تقريبا
بس الاول والثاني
جاني احباط قسم بالله.
اللي له خبره يفيدني
والله الموفق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بالكتلوج شف لزوجه الزيت اتوقع 75/85w gl4


up 0 down 0



اظاهر مع الوقت بيضبط ويرجع مثل اول


up 0 down 0
Pro rare 450
قبل 4 شهر



تاكد من نوع الزيت ورقمه , اختمال مايناسب زيت بترومين .


up 0 down 0



اخوي شف الكتلوج واذا صار نفس الي قلت لك عنه الزيت صعب تحصله لكن عشان اختصر لك معي اوبتيما قير عادي مالقيته الا عند عبد اللطيف جميل رقمه 75/90w GL4غيرته وممتاز والتبديلات صارت اخف وسلسه لو تغيرت رقم اللزوجه شي بسيط عادي لكن المهم يصير GL4 انت شف الكتلوج وعلمنا


up 2 down 0



جرب زيت تيتان للقير العادي ان شاء الله يزبط معك


up 0 down 0



بارك الله فيكم.
يعني تقولون المشكله بالزيت!؟


up 0 down 0
abdulrhman_v12
قبل 4 شهر



سبب تغير زيت القير العادي ؟ 
اللي اعرفه ان قير عادي ما يتغير الا في حالة انك فكيت القير او غيرت دسك 
تماتيك يتغير 


up 1 down 4
abu asiil 51
قبل 4 شهر



كان في ثقل بالثالث بس كانت بسيطه ماتعتبر مشكلة
قمت بدون ما استشير غيرته وندمت.


up 0 down 0
abdulrhman_v12
قبل 4 شهر



abu asil كل الزيوت ب السياره تتغير الله يسلمك والدليل اذا لقيت قير عادي ماشي مثلا ٤٠٠ الف خذ عينه من الزيت بتحصله صاير زي الشحم و الكتلوج او دليل المالك ينصح بتغيير زيت القير عادي كل ١٠٠ الف


up 3 down 0



اللي متعودين عليه ان القير العايدي زيته مايتغير وكذلك الدفرنس  ولكن  كان اول بعد كم سنة ممكن يخبط القير او يضرب الدفرنس ويطلع صوت  ولكن هنا  مشكلة نوع الزيت وووين تلقاه واانه اغلبها مضروبه ومغشوشة مثل زيوت بعض البناشر   ،،، وشيء مهم جدا حسن الاستخدام سواء للقير او المكينة او الدفرنس  لان السرعة والجور بالنمر والسرعة المفاجئة  والدعس بالطلعات والتغاريز والسحب للسيارات الثانية كلها تعدم المكينة والقير والدفرنس 


up 0 down 0
جبل شعيب 100
قبل 4 شهر



وانا مؤمن انه أي زيت  سواء قير او مكينة او دفرنس مع الوقت يفقد لزوجته  وخامته اللي هي اساس عمله وهو منع الاحتكاك  بين الكلتشات والسبايك والقطع الداخلية  ولابد له من تغيير ولكن اعتبرها مغامرة حساسة وصعبه  


up 0 down 0
جبل شعيب 100
قبل 4 شهر