أضف سؤال أو موضوع جديد          

القزوز مجمره ليش

up 1 down 0
ابو عبد العزيز 305 368
قبل 3 شهر و 4 أسبوع



السلام عليكم ورحمة الله وبركاته 
اسعد الله اوقاتكم اخواني اعضاء منتدى حراج 
يا اخوان فيه حاجه غريبه في سيارتي مدري هي طبيعيه ولالا 
السياره اكسنت 2005 
سافرت من الرياض لطايف وانا بنص الطريق  اريح واصلي
فتحت الكبوت المغرب 
لقيت القزوز حمرا بس مهو مرره نص ونص بس بين حمارها 
سالت مكانيكي وقال فك الرصاص حق التلوث او حجر البيئه يمكن متسكر مع الوقت 
رحت وفكيته في البيت لاني احب اهندس بنفسي ههههه وعندي خبره ميكانيكيه والعدد اللا زمه ولله الحمد 
لقيت الشخال او الرصاص بعضه موجود وبعضه طاير يم القزوز ومتنتف. فرغته ونظفته وركبته ولاكن نفس المشكله هل ممكن يكون من الكويلات. وتوقيت الشراره ام او انسداد في الدبه الاخيره 
او كذا طبيعي على العلم درجه الحراره 46 والمكيف شغال وحرارت السياره النص طبيعي  والسرعه 130
انا اخشا انه تميع الاسلاك الي حوله وخاصه ان سلك الدينمو قريب من الاقزوز واحس انه بيذوب كذالك المراوح امام القزوز على طول واخاف تتاثر من حواره القزوز 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الصوره عجزت اضيفها


up 0 down 0
ابو عبد العزيز 305 368
قبل 3 شهر و 4 أسبوع



شوف يخوي شيك على نظام البنزين لان اذا عندك نقص بالبنزين القزوز تجمر
ابدل بالسهل بدل صفاية البنزين وان شاء الله تضبط



up 0 down 2
faisal0 0 236
قبل 3 شهر و 4 أسبوع



لاهنت اخوي بس البنزين ونقصه مايسبب تجمير للقزوز


up 0 down 0
ابو عبد العزيز 305 368
قبل 3 شهر و 4 أسبوع



اذا الحرارة طبيعية وتمشي طبيعي هنا توقيت الاحتراق ممتاز لان لو اختلف بيولد حرارة اكبر داخل غرفة الاحتراق وبالتالي يرتفع عداد الحرارة عندك ويجيك تفتفة او صرقعة اذا التوقيت فيه مشكلة او اختلاف قوة الشرار او مو متوازن المزيج حق الوقود والهواء
المشكلة وحدة من ذولي:
-اما المادة المصنعة حق الهدرز ما يستحمل الحرارة العالية
-او الدبات الاخيرة مكتومة
-او الحرارة عندك ما يقرأ مضبوط

الحل:
-تشيك على ماء الرديتر لربما يبيله تغيير والثروموستات افحصه
-تغير الدبات الاخيرة او تنظفه
-تشوف صاجه حماية للهدرز علشان حرارته ما يأثر على باقي أجزاء المكينة والاسلاك

وان شاء الله تنحل مشكلتك او جزء منها


up 1 down 1
ali-911 3027
قبل 3 شهر و 4 أسبوع




ali-911
رد موفق اخوي 
ولاكن لو قرآت عداد الحرار ليس دقيق وممتاز كان فور الموتر 
ولا تحجر الخرطوش 
ولاكن اجزم 100/100 ان الحراره ممتازه 



up 0 down 1
ابو عبد العزيز 305 368
قبل 3 شهر و 4 أسبوع



كلامك صحيح اخوي ابو حاتم  ولكن انا لي تجربة زمان كان معي ٢٠٠ ال  صغيرة نيسان وكانت مستعمله وحالتها مش الحال  مرة مسكت خط الشرقية والغريب الوقت شتاء  وفي الليل وفتحت الكبوت مدري وش السبب يمكن ارتفع الامبير حق الحرارة والا وش  المهم شفت القزوز مجمرة حمراء كأنها الحديدة اذا حميتها وحمرت  الله يجيرنا من النار ، وشوي انتظرت وبردت وراح الاحمرار ومشيت ووصلت الشرقية عادي وكنت خايف انها تعدم المكينة وانا في ليل وخط سفر برى المدينة لكن الله ستر وعدت عادي 


up 1 down 0
جبل شعيب 100
قبل 3 شهر و 4 أسبوع



حياك
احتمال القزوز تجاري
احتمال طبيعي
المهم لاحظ ان يكون عليها صاجة 
وباالتوفيق


up 0 down 0
باترول 2020 2401
قبل 3 شهر و 4 أسبوع



شيك اذا فيه تنسيم خله يلحمها


up 1 down 1
sjfki2 97
قبل 3 شهر و 4 أسبوع



يأما حجر البيئة مسدود او فيه أنبعاج بالشكمان عشان كذا ينكتم ويجمر لازم تفك الشكمان وتنظف حجر البيئه وتصلح الأنبعاج اللي فيه لو كان موجود


up 1 down 1
aliexendr_8 101
قبل 3 شهر و 3 أسبوع



حساس الشكمان شيكت عليه؟؟


up 0 down 0
هيرو 346
قبل 3 شهر و 3 أسبوع



هو كلامك صحيح ابو حاتم لكن لربما بعض الاماكن مسدودة لكن القراءة طبيعية فغير الموية مع تسييخ الرديتر كإجراء احترازي ومنها يكون فعاليتها مو مثل اول


up 0 down 0
ali-911 3027
قبل 3 شهر و 3 أسبوع