أضف سؤال أو موضوع جديد          

استفسار عاجل .. القير معلق على N و D مايطلع R او P

up 0 down 0
ابو ياسر ammar 323
قبل 3 شهر و 4 أسبوع



السلام عليكم ورحمة الله وبركاته .. 

فزعتكم يا اخوان انا في طريق سفر ومعاي هونداي سوناتا 2017

وقفت على المحطة وجيت برفع القير على R او P مو راضي ابداً

السيارة شغال وتمشي على D والقير سليم باذن الله ..

حاولت افك الزر اللي يجي جنب القير تأمين ضغطته ولا في حركة ابداً ..

اللي صارت معه الحركة ذي ويعرف حلها الله لا يهينكم ردولي ..

وجزاكم الله خير الجزاء .. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


في رقم خاص بشركة هونداي المساعدة ع الطريق اما استفسار وحلول فورية او يوفرو لك سيارة صيانة تأتي للموقع او يعطوك سيارة بديلة اذا تصليخها يحتاج وقت


up 0 down 0
العمدة 1434 1156
قبل 3 شهر و 4 أسبوع



طالما انها تمشي ع D واصل دربك الين توصل الديرة اللي تبغاها ع خير وسلامة ان شاء الله
بس اذا وقفت حاول توقف في موقف وجه السيارة يكون للامام عشان ماتظطر تعشق R.


up 2 down 0
زكريا حكمي 112
قبل 3 شهر و 4 أسبوع



ممكن حساس الفرامل عند دعسة او التأمين حق P
فيه مشكلة


up 1 down 0
alhkami 297
قبل 3 شهر و 4 أسبوع



مثل ماقالو الاخوان  واتوقع قفل القير  اللي هو Shift  lock   ماينفع لانه القير مايعتبر معلق بس فيه مشكلة في خانة اوتروس ال N , P  فقط وشيك على فتحة عصا القير مضبوط يمكن طايح فيها شيء منك ولا من الاولاد ومسكر المجرى لانه الخانات  جنب بعض والقير ينزل تحت عادي فتأكد منه 
 ومن ناحية  لاتوقف الا بعيد عن السيارات وعن الجدران  خلك بعيد مرة عشان محد يقفل عليك،،،، 


up 1 down 0
جبل شعيب 100
قبل 3 شهر و 4 أسبوع



ومثل ماقال اخونا الحكمي فوق ممكن حساس الفرامل  بس مااعرف كيف تصليحه لانه طلوع القير من خانة P  الى الريوس او من N  الى R  في هونداي مثل سيارتي  لازم تدعس فرامل وهذا نوع أمان  Safety  أو لو حاول طفل يحركها وهي شغالة  ماتمشي السيارة  الا انك منتبه أو وبعدها تشتغل أنوار الريوس R  فينتبه الناس في الخلف 


up 0 down 0
جبل شعيب 100
قبل 3 شهر و 4 أسبوع



اخوي معاه فيلوستر 2013 اذا من D تبي تعشق لP لازم تتم داعس فرامل حتى لو رافع الجلنط بدونها القير ما يحرك

مادري يمكن هذي ميزة في سيارات هيونداي عامة, يمكن عندك في السوناتا نفس الشي.


up 0 down 0
بدر الباثفايندري 1011
قبل 3 شهر و 4 أسبوع



هذا موعشان ال P  عشان الريوس R  لانك لازم تمر عليها في طريقك الى P  وهذا أمان في هونداي ويمكن غيرها  عشان دايما الريوس يحذرون منه حتى في الكتالوج  ماترجع الا وانت منتبه يمكن وراك احد ولا طفل ماتشوفه صغير ورى السيارة  وبالفعل تصير كثير ماتدري الا وراك احد و بزاوية صعبة  ماتشوفه خصوصا اللي ماعنده حساسات ولا كاميرات مثل السيارات الستاندرد او القديمة   وايضا عشان طلوعك من نمرة D  اللي ماسكة السيارة اصلا من انها تدحدر او رجع خلف في الطلعات اذا مريت على نمرة N  الفاضي  فترجع وانت ما انتبهت وهذا خطر تصدم احد وراك او تدحدر 


up 0 down 0
جبل شعيب 100
قبل 3 شهر و 4 أسبوع



كلام اخوي جبل شعيب عين الصواب

ومن ثم تبديلاتك للقير غلط

المفروض عند التوقف تحط القير بنمرة N ,وتسحب الجلنط لين تثبت السيارة ومن ثم ترفع على الR ثم الP

ترى القير حساس لا تتعامل معاه معاملة العايدي خاصة ان سيارتك جديدة


up 3 down 0
aboahmed2014 755
قبل 3 شهر و 4 أسبوع



صح كلامك ابو احمد انا دايم كذا اسوي

فيه ناس تشوفه يسحب ام القير على طول لل P و بعدين يسحب الجلنط هنا تقرا الفاتحة على القير.

لك مني لايك


up 1 down 0
بدر الباثفايندري 1011
قبل 3 شهر و 4 أسبوع



بدر

همنا الوحيد بهذا المنتدى افادة ونستفيد من بعض والله يكتب لنا الخير ويبعد عنا كل شر

لك لايك عزيزي


up 1 down 0
aboahmed2014 755
قبل 3 شهر و 4 أسبوع



ياغالي انا صارت معي في الجمس المهم السالفه ان سلك التغيير صلب بالتالي اي مكانيكي خليه يشيك على السلك من تحت ويحركه راح تلاقي القير اتحرك بس لازم تغيير السلك او الواير


up 2 down 0
عزيز الاول 3
قبل 3 شهر و 4 أسبوع



اضغط فرامل وشف لمبات الفرامل تشتغل او لا اذا ما تشتغل المشكلة من حساس الفرامل .


up 0 down 0
فهد ابن حسين 50
قبل 3 شهر و 3 أسبوع



وقبل كل شي شيك على الفيوزات .


up 0 down 0
فهد ابن حسين 50
قبل 3 شهر و 3 أسبوع



انا مع رد اخوي عزيز الاول ممكن من السلك الي تحت 

او مثل ماقال اخوي جبل شعيب اغراض طايحه ورى عصا القير 

بالنسبه لحساس الفرامل اتوقع لو خرب ياثر عالقير اذا بتفكه من ال P


up 0 down 0
m7md 33 669
قبل 3 شهر و 3 أسبوع