ماهي افضل شركات التمويل السيارات

ايجار هذه خبري فيها ابشع شركة في 2014 كنت بشتري منهم التيما فل 4 سلندر
طلعت التكلفة اجمالية 155 الف ريال
والله على ما أقول شهيد
طبعاً رفضت وسألوني عن السبب قلت لهم يبي لكم تخصمون 40 الف من القيمة ويالله افكر اشتري او لا

غريبه والله مع انه بعد الاستفسار من البنوك والشركات حصلتهم اقل سعر واقل فايده 
عالعموم لاهنت اخوي 
واللي جربهم ياليت يعطينا معلومه عنهم
عن تجربه 

انت مر الوكاله وتلقى البنوك واقعد مع كل واحـد وشوف النسبه

اهم شئ لاتاخذ بدفعه انسسسسسسى


وافضل بنك افضل واحسسسن
الشئ الاخر ابعد كل البعد عن شركة تاجير نسبتهم مرتفعهههه

كيف يعني قصدك اخذ بدون دفعه اولى؟؟
كذا بيرتفع علي القسط !!

اخي العزيز اسال الله لك التوفيق في مبتغاك
لكن انا اخذت من بنك الراجحي فوائد جبارة جدا وتامين فاشل

نصيحة اخ لا تأخذ الا كاش او تمويل شخصي وتصير السيارة باسمك
التامين مبلغ ضخم على غير فايدة

شكرا لك ع النصيحه يالغالي ولكن عندي التزام فالبنك ولا استطيع اشتريها كاش

انا اخذت من الراجحي
الفايده اشوفها افضل من غير
التامين للامانه حسب تجربه لي معهم
مممتازين ولا تأخرو بالموافقه بالاصلاح وكاله
لكن بعد سنه تدفع نسبة من تكلفة قطع الغيار
قريبا ٥%
وبعض السيارات مثل اكسنت .. النترا سوناتا سيراتو
على ماذكر .. فقط اصلاح وكاله سنه والباقي سنتين
.... لانهم يشوفون اكثر سيارات تتعرض للحوادث
...

بنك الراجحي لي تجربة سيئة جدا معاهم ولازلت تحت التجربة

الله يكون في عونا ونقدر نتخلص من الديون المتركمة

الراجحي مشكلته التأمين تبع تكافل الراجحي سئ وقت التعويض
لكن عنده ميزة هو و بنك البلاد و الاهلي مع هونداي بس
بدون دفعة اولى و هذا الافضل حتى لو ارتفع القسط
او الدفعة الأخيرة الى ٣٠ او ٣٥%
وقت التلف لا قدر الله او التنازل ما تكون خسران شي
القسط اعتبره كنك مستأجر سيارة من مكتب
اما الشركات سألت عن تقسيط الجبر كيا او غيره
القسط مناسب و الدفعة لكن نسبة المرابحه عاليه فوق ٣٠ الف
زيادة عن قيمة السيارة كاش
البنوك حتى لو في التزام الزيادة اقل من ٣٠ الف
و عليك بالسيارة الموفرة اللي سعرها ٦٠ الى ٧٠ الف
اللي قسطها بين ١٠٠٠ و ١٢٠٠ لا تدور فل كامل او سيارات اكبر

الدنيا مولعة وكل شيء ارتفع وقيمة مضافة لاتنسى
بالوقت هذا اذا انت مجبر على الايجار المنتهي بالتمليك خذ اكسنت او يارس ولا تتوهق بسيارة
قسطها عالي لان انظمتهم شينة وتوجع الراس.

بيض الله وجيهكم ولاهنتو
حتى الان محد رد علي بالنسبه للشركة الي ذكرتها لاني رحت وسعرت وشفت وطلعت هي اقل نسبه وفايده 

ابي احد جربها ويعلمني كيف هم معه 

الي متاكد منه انهم بيلغون الابجار المنهي بالتمليك

وبيجي مكانه نطام سيئ جدا وفائده مرتفعه تصل لـ 100%

اذا يمديك تاخذ اسرع قبل مايلغونه