أضف سؤال أو موضوع جديد          

هل يوجد حل لهالفئه من الناس..

up 6 down 0
sodoku 64
قبل 2 شهر



السلام عليكم..
(فضفضه)
بحكم اني من مقتني السيارات الصغيره صراحه ننزعج من الانوار القويه كامثال الجيوب بانوار الزينون ولاكن اعذرهم لانه جاي من بلده وكاله والموتر اساسا مرتفع..

الان الاحظ بعض السيارات نورها مزعج خصوصا بالليل كامثال الاكورد الجديده + اليارس الجديده حتى لو كانت وراك.. لاكن نعذرهم ايضا لانه جايه من بلدها كذا...

مشكلتي مع الاشخاص الي معلقين العالي بوجهك دايما سواء تكبس ولا ماتكبس مايعطونك وجه..

اكثر مااصادف بالخط يعني اكون انا مشغل العالي ولاكن من باب الاحترام اقصر عن الشخص المقابل..

الشخص المقابل مادري وش يحس فيه يصك بوجهك العالي ولاهمه لا انت ولاغيرك ولو نورك ضعيف مالك الا الدعاء عليه..

طبعا حليت الوضع وركبت عدسات زينون والان اذا واجهت ها الاشكال حطيت العالي بعيونه لين يقصر من نفسه غصب... لاكن يعتبر مو حل..

ايضا الي يجون وراك وتبيهم يقصرون عنك ولاهم معبرينك اصلا... وتعداك

ايضا طايحين بحركه جديده.. يقصر عنك لين يجي بينك وبينه 10 متر ثم ضرب العالي ولعب بعيونك وتعداك..
ايش الحل بنظرك..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مافي حل فيهم الله يعيننا ، ويهديهم ،. 

ولاتنسى الي مستانسين على لمبات الضباب الخلفيه ومشغلينها ٢٤ ساعه 

وفي بعد شغله مزعجه الي لمباتهم الخلفيه ليد وعند الاشاره ماسك البريك طول الوقت والله تزغلل عيني 
طيب حط N وهاند بريك ريح موترك وريح وريحنا معك منها .. 

مشكور عالموضوع وان شاء الله يوصل لهم ويغيرون من انفسهم 

وكل عام وانتم بخير 



up 8 down 0
m7md 33 602
قبل 2 شهر



كنت اعاني في سفر بالليل من انوار لدرجة ان عيون تدمع و اصدع 
يجيك واحد بينة وبينك كيلو يقوم يكبس ويحرق تكبس ما ادري ويش يحس فية 
قد يكون داخل جو حماسي ولا الرجال مرفع للاخر هههه الله يهديهم  
المهم رحت عند دكتور عيون في مستشفى ملك خالد قال لازم تفصل نظارة عندي نقص 
فصلت لي نظارة وبعد انوار سيارة او جوال او لابتوب تقلب للاسود والحمد الله ارتحت شوي 



up 0 down 1
abu asiil 44
قبل 2 شهر



المشكلة الشارع ما شاء الله منور يعني انارة الشارع تغنيك ان تشغل لمبات العالي وزينون اتعجب من ذولي مشغل زينون وعالي داخل مدينة انارتها جيدة حسبي الله ونعم الوكيل عليهم


up 0 down 0
ryyan555 665
قبل 2 شهر



انا كنت مثلك .. لكن استلمت للواقع .. مافيه حل .. ماتقدر تروح لكل واحد في مدينتك وتعلمه .. عشان كذا .. عيش حياتك .. وكبر راسك .. ولا يهمونك


up 2 down 0
ابوخالد1397 2432
قبل 2 شهر



والله الموضوع ذا فيه نقاط كثيرة وتحتاج مناقشة ،، ومنها ١- حسن الإستخدام لها التقنية يعني تستفيد منها بدون ماتضر الآخرين 
٢- تقنيات النور الجديدة وانواع الاضاءة مثل الليد والزينون وغيرها هل هي افضل من القديم وهل بالامكان الجمع بين قوة الاضاءة  وعدم الضرر بالآخرين مثل الإجهار او التسبب بضرر للعيون او غيره 
٣-هل يوجد وسائل عملية للتقليل من أضرارها  وأثارها الجانبية مثل نظارات او تقنيات تعتيم متطورة مثل اللي في مرايات العكس  اي الخلفية 
٤- انا اعتقد انه لابد الواحد يصبر ويتحمل  ويعود نفسه على التصبر عشان يرتاح ويريح  ويتخارج من امور واجد 


up 0 down 1
جبل شعيب 99
قبل 2 شهر



اخبر واحد من الشباب راعي سفر بالليل وتعذب من قصة النور العالي اللي يقابله، آخر شيء قال يا أنا يا هم. قام وركب كبس (اناره) مليون شمعة اذا سمعتوا فيه حق صيد، الأرنب اذا صك بعيونها تتبنج، وركبه على كتف القزاز الأمامي الأيسر وله وزن من داخل السياره مثل الدوريات يرفع وينزل ويمين ويسار ينفك من برا ويركب بكبسة للخلف عشان الهوا يساعد بتثبيته وله فيش كهرباء خارجي وله زر تشغيل خلف الطاره يشتغل بالضغط ويطفى اذا شلت يدك من الزر. وضبط وزنيته على الطريق المقابل يعني اللي يقابله مشغل العالي ورافض يوطيه الله يعينه يصقع النور بعينه ويوطي النور غصب. بعدها مجرد ما يشوفون المقابلين له ان فيه نور اشتغل غير انوار السياره يفكرونه امن طرق او دوريه. وتصادر عليه كم مره ويرجع يشتريه ب 90 ريال.


up 1 down 3
saudi___07 1125
قبل 2 شهر



بالنسبة للي وراك شغل لمبة الضباب


up 0 down 0
mercy_sa 726
قبل 2 شهر



مافيه اي حل الا بتفعيل مخالفة اساءة استخدام انوار التلاقي وقيمتها 300 ريال اذا ماني غلطان بس ماعمري شفت المرور يعطونها ، وعن نفسي اكثر شي اعاني منه اللي يجي مشغل انوار الضباب يحسبها كشخة ، هذا اضطر اني اعميه بالعالي اذا هو على طريقي لين اوصل او لين يمسك مخرج ، مستعد اتأخر ربع ساعة بس عشان اعميه ولا اني اسحب عليه واكمل طريقي


up 2 down 2
0abo_waleed0 25
قبل 2 شهر



الحل انا سويته معهم اذ ماقصر العالي بدري صكيته بالعالي
حتى ينجهر بس ضبط العالي من عدسات وزينون قوي لانهم
مايحسون بعيونك نهائيآ


up 2 down 1
فور جي 54
قبل 2 شهر



كل عام وانتم بخير جميعا وشكرا لكل من شارك..

يبدو لي ان الحل الوحيد معهم هو القوه على مبدا السن بالسن..

بعضهم للاسف مايفهم لين تحط عالي الزينون بعينه ويروح يكبس لك من قوته..

الله يعين والله صراحه صرت اكره امسك خطوط بالليل..


up 2 down 1
sodoku 64
قبل 2 شهر



للأسف مالهم حل !!

وأعتقد السبب يعود لعدة أسباب أولها عدم إحترام الآخر والثاني غشامه قويّه ومايعرف العالي من الواطي .. يشغّل السياره ويشغّل النور وإنت وحظك ياطلع عالي أو واطي مثلها مثل الإشاره بعض السائقين لا يعلم عن إختراع إسمه إشاره إذا تبي تلف يمين يجب أن تستخدم الإشاره يمين وإذا تبي تلف يسار يجب أن تستخدم الإشاره يسار

صدقني معاناه وعدم ثقافه وقلة دين وإلاّ ديننا يعلمنا كيف نحترم الآخر وشعبنا أخلاقه في راس خشمه حتى لو نصحته يشتمك ..


up 4 down 0
jakwar2004 294
قبل 2 شهر



الطريقه الصحيحه حسب مدارس تعليم القياده
انك تركز نظرك على الخط الاصفر اللي على يمينك وتحاول عدم التركيز على الاناره المقابله حتى تتجاوز السياره المقابله
والموضع لن ياخذ اكثر من ثواني
اما السياره القادمه من الخلف فيمكنك وضع المرايا على الوضع الليلي او تشغيل نظام التعتيم اذا كانت المريا مزوده به

وحاول الابتعاد عن العصبيه والنرفزه والمعانده قدر المستطاع

حمانا الله واياكم من كل سوء


up 6 down 1
dub_r-50 361
قبل 2 شهر



كلامك هو الصواب ياخوي dub وتستاهل لايك . 
بس ماقبل معي ، لازم اعطي احد دس لايك بعدين اعطيك ، والاخوان مايستاهلون دس لايك 


up 2 down 0
m7md 33 602
قبل 2 شهر



على الجرح هالموضوع..
فيه ناس ماعنده أحساس بالأخرين ولا يعتبرهم بشر
وكان له الحق لوحده في الشارع..
زي الي يجيك من الخلف يكبس عشرين مره وأنت ماشي على بحسب السرعة القانونية للشارع
و لا يمديك تفتح بسبب الضغط على المسار الأيمن
فما تدري وين يبيك تروح تطير مثلا؟!
فتضطر لدعس البريك وحشر نفسك بالمسار الأيمن لتفتك من هالأشكال
أو اللي يكون واقف بالحاره ومولع النور وأنت تبي تدخل التقاطع و ماتشوف الا نوره
و بالأخير تكتشف إن السيد واقف و يلعب بجواله ولا داري بالعالم حوله..


up 2 down 1
40
قبل 2 شهر



ما في حل والله ياخوي ي كثر الي اعموني وامسك خطوط كثير وما عندي الا الدعاء عليه


up 1 down 1
car.10 230
قبل 2 شهر



انا مايغثني كثر الي يشغل لمبه الضباب الخلفيه والشارع فاضي 
ياخي هاذي لطواري ضباب عج مطر  مهو تعمي بها خلق الله


ايش المشكله اذا جاء نور عالي عابر في عينك راح تموت ؟ ناس فاضيه فعلا


up 0 down 13



بالنسبة للي يجيك من الخلف عندي حل سهل ودائما اسويه

ظلل المرايا الجانبية تحت درجة الكتم
القزاز الخلفي الكبير ظلل كتم
وخلاص ترتاح

اما اللي من قدامك الله يعينك عليهم
اما تركب زنون ليد قوي 12الف كلفن اقل شي و35 واط

هذا ليد قوي جدا اقوى من الزنون حق الفكسار بعد
ورخيص بحدود 400



up 1 down 0
coco13 825
قبل شهر و 3 أسبوع



اسف لومن وليس كلفن


up 0 down 1
coco13 825
قبل شهر و 3 أسبوع