وش مشكلة خروج ماء الاديتر من قربة الاكسنت

مشكلتك بغطاء الرديتر الجلبه حقته منتفخه من الحراره وتسد مجرى رجوع الماء من القربه للرديتر الغطاء مهمته يفتح مجرى الماء أذا أنضغط في الرديتر يوديه للقربه وأذا خف الضغط يفتح الغطاء ويسحب الماء من القربه للرديتر

طراء علي الكلام ذا ومتشكك منه للحين ، بس هو يمسك الماء مايروح للقربة اذا الموتر بارد وامورة تمام بس اذا احتر يفتح للقربة ، معناته سستت الغطاء ممتازة ، والجلدة او الربل اللي على غطاء الرديتر في شقوق بسيطة على الحواف تهقى انها منها ؟ او بالاصح مافيه مسببات ثانية للمشكلة هذي ؟

غطاء الرديتر مافيها كلام،حصلت معي نفس المشكلة،واحرص إنك تاخذ الغطاء من الوكالة يكون مطابق نفس المواصفات والأرقام.

حصلت معي في هايلوكس 2010 نفس طريقتك القربه تسحب المويا من الاديتر غيرت غطاء اديتر ومافاد شي وبعدها غيرت بلف المكينه والحمد لله الحين تمام

وفرغ ااهوا الي في الرديتر اكيد ماخذ هوا

اذا بتغير غطا رديتر تآكد مكتوب عليه 1.1

لان اغلب المحلات بيعطيك 0.9 وبتزيد المشكله

صارت معي مرتين وكانت من غطا الرديتر

غير الغطاء. و شيك الرديتر اذا شفت فيه في الداخل املاح او حجر
واوساخ الافضل تسيخه.

انتبه للمراوح تكون احياناً ماتشتغل ، كان عندي كامري  واحياناً ترتفع الحرارة الى قبل الاخير ففتحت الكمبوت والسيارة لازالت شغالة فاذا بالمراوح طافية

فحركت الفيش واشتغلت ، يمكن تكون نفس المشكلة والله اعلم. 

يا صدى الصمت ولا يهونون الربع ، المشكلة اللي عندك صارت عندي قبل اسبوعين ولعبت في الموتر طلع المشكلة من الفيش وفعلاً اذا حركت يشتغل ، رح الصناعية شيكت

طلعت المشكلة من فيش المروحه مرتخي من المطب والحفر اللي في الشوارع ارتخى ، فصار يشبك ويفصل يشبك ويفصل لين احترق وغيرت الجهاز اللي يشبك فيه الفيش والفيش بعد

حق المروحه غيرته ويعطيك العافيه .

بيض الله وجيهكم جميع وماقصرتوا ، بخصوص رد الاخ امير احمد ، ماء الاديتر منتهي اغيره يقلب لونه صدأ مع اني نظفته تنظيف عايدي بـ150 ورجع البلاء واعبيه ما وكالة

ونفس الموال فمدري هل اكلف على نفسي واشتري ما الاديتر الاصلي واعبي الارديتر ولا اعبيه ماء مقطر ؟ وكل المشكلة من القربة منعدمه انعدام الله لا يوريكم وكل العالم تقول

ماتقدر تفكها ! صراحة متعجب من الموتر ذا اللي قربته ناشبه في المروحه ، اللي مر بتجربة حلا الماء او صدأه في الاديتر وحلها ياليت يفيدنا ، وهل اعبي الموتر ماء وكالة

في هذي الحاله ؟

غير بلف الحرارة 

الرديتر لازم ماء اصلي والا تشوف مشاكل كثير

خروج الماء من غطاء الرديتير يكون من الغطاء في النادر
لابد تتاكد من عمل المراوح بشكل ممتاز
وتتاكد من داائرة التبريد تقوم بعملها باكمل وجه من نظافة الرديتر وبلف الحرارة وطرمبة الماء

بلف الحرارة لاغيه ، هل يسبب مشاكل ؟ اغلب اللي اعرفهم يقولون شله افضل !

سيخ الرديتر . و ايضا سوي تنظيف لدورة الرديتر بالكامل بالجهاز.
يجي في بعض محلات الرديترات. و بعدها اكيد حط موية رديتر اصليه.
مشكلة الاوساخ المتكرره عندك من الموية العايديه.

الله يعطيكم العافيه جميع ولاهنتوا =)