أضف سؤال أو موضوع جديد          

حصلت كمبروسر تشليح رايكم

up 0 down 1
امير الاصيل 1673
قبل شهر و 3 أسبوع



السلام عليكم ورحمة الله وبركاته
حصلت كمبروسر للاكسنت١٠
تشليح بعد التفاوظ٥٠٠
ومممكن ينزل بالسعر
والشغل اخبرني الكهربائي ٣٠٠
رايكم ... الافضل تشليح او جديد كوري ولاسعرته
. الكهربائي نصحني تشليح ...
والاصلاح ماينفع لان العطل بالبستم وضعيف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله وبركاته

للمعلومية انا لم استخدم هواندي من قبل لكن حسب ما قرائته من مستخدميها ان مكيف الكوري ضعيف على المدى الطويل وانه كثير الاعطال ، وان كثير منهم يرهمون كمبرسر ياباني خاص بتويوتا وسعره حوالي الف او اكثر شوي وقريب من المبلغ الي راح تدفعه لاصلاح المكيف .
هذا مجرد رائ ارجوا ان اكون فقت فيه وما نستغني عن رائ المجرب طبعاً.

وبالتوفيق للجميع



up 4 down 3
بو زيد 143
قبل شهر و 3 أسبوع



وعليكم السلام 

التشليح وكالة افضل من جديد تجاري بس اشرط عليه ضمان لايقل عن اسبوعين 




up 0 down 3
ابو حسين.......... 788
قبل شهر و 3 أسبوع



ليش تأخذ تشليح معدوم

خذ جديد وأدفع فرق بسيط


up 1 down 0
anosi 1180
قبل شهر و 3 أسبوع



حسب حالة الكومبرسور يعني اذا  كان سليم ومتأكد أنه وكالة  وإستخدامه قليل فهو بلاشك أفضل  من التجاري من وجهة نظري والإخوان اللي لهم تجربه يمكن يفيدونا أكثر بها النقطة   ولكن  حاول يقلل لك السعر  وخصوصا أجر التركيب  


up 0 down 0
جبل شعيب 99
قبل شهر و 3 أسبوع



السلام عليكم
خذ تجربتي مع تكيف الكوري
1 ريو 2004 صلب الكمبروسر غيرت بواحد مستخدم على ضمان الكهربائي واشتغل من احسن ما يكون
2 كيا اوبتيما 2006 ضرب الكمبروسر قبل 5 سنوات غيرته بواحد كوري ممتاز جدا والتكيف الى الان زي الثلج
وقيمة الكوري 700 ريال

ركب كوري جديد وتدعي لي


up 0 down 0
dub_r-50 361
قبل شهر و 3 أسبوع



من واقع تجربة انحش عن كمبروسر التشليح ماراح تستفيد منه الا التعب والخسارة


up 2 down 1
دكتوراه في الحب 165
قبل شهر و 3 أسبوع



انحش ركب جديد وارتاح
معاناه التشليح


up 1 down 0
ae.ab5353 10
قبل شهر و 3 أسبوع



عليكم السلام ورحمة الله وبركاته 

يالطيب مانصحك بالتشليح ابد من تجربه لي مع التشاليح
بس سيارات امريكي مو كوري . 
اول مشكله تبي تواجها اذا اخذت الكمبروسر ب ٥٠٠ 
وركبت ب ٣٠٠ وعبيت فريون وطلع بالكمبروسر صوت ولا فيه 
ضعف مايبرد ولاتنسيم فريون ولايحتر فيه مشكله هنا انت 
خسرت ال ٣٠٠ ويمكن الكهربائي مايفك الكمبروسر الا ب ٥٠
بعضهم نظامه كذا لازم ياخذ فلوس على اي شي 
وثاني شي تبي صير شغلتك فك وتركيب كمبروسرات
وانت الخسران حق فك وتركيب وتنظيف دورة التبريد وفريون 
.. ركب جديد مهما كان تضمن بعد الله انه يشتغل معاكك 
ومايكون فيه مشاكل نفس التشليح ومنها تكون مرتاح .



up 3 down 2
w.asa 2061
قبل شهر و 3 أسبوع



من ٢٠١٠ الى ٢٠١٧
٧ سنوات والسيارات عندنا ما تطفي مكيفها بسبب الاجواء يعني حوالي ٥ سنوات شغال مستمر ... فلذلك الكمبرسر بحسبه بسيطه مهلوك ،،
راي ياجديد او ترهيم مع الضمان طبعاً،
وبالتوفيق للجميع


up 2 down 2
بو زيد 143
قبل شهر و 3 أسبوع



زوّد 200 وخذ كوري جديد احسن من انك تاخذ كمبروسر له فوق 8 سنوات وهو يكرف بهالحر وتلقاه منتهي


up 1 down 1
0abo_waleed0 25
قبل شهر و 3 أسبوع



يالربع الله لايهينكم ويوفقكم
صراحه اني فكرت في رايكم السديد
ان التشليح ماتضمن خاصه اذا خربان ابخسر والشغله فك ركب
يعني الكوري طيب اركب وافتك من التشليح


up 3 down 1
امير الاصيل 1673
قبل شهر و 3 أسبوع



خذ كمبريسور كلتش افضل


up 0 down 1
mfh2009 198
قبل شهر و 3 أسبوع



وعليكم السلام ورحمة الله وبركاته ، في القطع اللي مثل كذا ما أنصحك انك تشتريها تشليح هذي القطع بالنسبة لي وللكثير استهلاكية مثلها مثل البواجي والفحمات والمسحات ..إلخ

فصعبه تروح للتشليح تقول عطني فحمات او كمبروسر ! خصوصاً مع اجوائنا هنا تلقاه مكروف ، وانت دافع دافع ولا ميب اي قيمة تقريباً على كلامك 800 طيب زدها ورهم عند

واحد كمبروسر ياباني ويضمنه مالايقل عن شهر واحذر منهم ترا اغلبهم ان لم يكن كلهم يجوبون تشليح ، هذا الخيار الاول اما الثاني وهو الافضل انك تشتري جديد وكالة او اقل من

الوكالة بدرجه بس صناعته كورية ، وبالتوفيق .


up 1 down 0
نواف القحطاني 1 13
قبل شهر و 3 أسبوع



لي تجربه اشتريت كمبروسر تشليح بنيسان تيدا
وفرحت ورحت ركبته ودفعت 400 حق فك وتركيب وفريون بالاخير ما يبرد
بالمناحله رجعت فكيته واخذت الكبروسر ورجعته واخذت فلوسي وعلى طول اشتريت جديد وتوبه اشتري مستعمل

ركب جديد اصلي ولا مو اصلي اسمه جديد لو يمشيك سنه خير وبركه


up 4 down 0
فـــ9ـــد 391
قبل شهر و 3 أسبوع



وعليكم السلام ورحمة الله وبركاته .. اول حاجه الكمبروسر الكوري الجديد افضل واضمن وسعره العادل من 700 الى 850 مايتجاوزها

الشي الثاني لازم تنتبه لشي مهم جدا اللي هو تنظيف دائره التبريد بأكملها من الرايش وقطع الحديد اللي طالع من بساتم الكمبروسر القديم وتغيير فلتر الفريون يجيك ب ارديتر المكيف وسعره 50 ريال.. اهم شي التنظيف لانك لو مانظفت كلها فتره ويضرب الكمبروسر عندك حتى لو كان جديد

اساسا وش يخرب الكمبرسرات غير الرايش ذا.. ودامك تقول ضغط البستم ضعيف معناته البستم متآكل والرايش عندك واجد.. زي ماقلت لك لاتنسى تغير فلتر الفريون يجيك شكله اسطواني اشبه بمواصير السباكه البلاستيك.. اخر حاجه كمبروسرك القديم خذه ولاترميه عند الكهربائي يمكن يوم تستفيد منه حتى لو تبيعه وزن حديد؟؟؟ وصراحه اشك بكلامه ( ماجزمت) لاني ماكشفت عليه بنفسي علشان احكم واساسا الكمبروسر مايعتبر خربان ولافيه طب الا بحاله وحده اذا كان مصلب

وهذا موضوعي كان تبي معلومات اكثر بس الحل رقم 1 ماينطبق عليك لان كمبروسر موترك كلتشات مب بلف .. تفضل ذا الرابط : https://hyundai.montada.haraj.com.sa/67610/مهم-جدا-..-عدة-حلول-لمشاكل-التكييف-بالسيارات-الكورية/


up 0 down 0
ابو هيثم 7 2066
قبل شهر و 3 أسبوع



الله ينير دربك الاستاذ ابو هيثم
دايم تفيد وفقك الله وجزاك خيرا
تشكر استفدت منك ومن الاحبه وردوودهم


up 0 down 0
امير الاصيل 1673
قبل شهر و 3 أسبوع