كمبروسر مستورد او تشليح او كوري

اشور عليك وانا اخوك دام
الصيف انتهى اترك التغيير الى بداية الصيف
الجاي بعد 7 شهور.....عندك وقت تختار
وركب وقت الحر وجرب حتى تتإكد .....
ويكون الضمان وقت الحر .......وفقك الله
ووفق الجميع

تونا على الحر يا راعي عنيزة
نجد الى شهرين قدام لازم مكيف بالنهار
اذكر كانت عندي كامري اخوي ٢٠٠٣
كل سنتين يخرب المكيف و نركب مستعمل يمشي الحال
الى ما بعناها ب٧ الاف قبل سنة و طلعنا له جيلي اقساط
و الحمدلله مرتاح معها
المكيف و المكينه خصوصا" الحرارة و القير
اذا كثرت خراباتهم تزهد بالموتر كله
مالي خبره بمكيف الكوري
لكن الضمان حتى لو شهر منت مستفيد
المكيف بيضبط شهرين ثلاث الى الصيف الجاي تقدر تحكم عليه
فشف الحل الارخص و احتفظ بالفواتير مع ختم المحل اللي بتاخذ منه
و يكون الضمان مكتوب و واضحه مدته

عليك بالجديد اخوي امير حتى ولو كلفك واهم شيء الضمان لا يقل عن شهر ، بالعادة ماحد يشتري كبروسر من التشليح الا في حالات اذا الموتر جديد وما مشى واجد .

الكومبريسور امره محلول عندك

اهم شي تغير.رديتر المكيف ترا التنظيف فيه.ماينفع مو مثل الثلاجه وانت براحتك غيرهه بجديد

وعليكم السلام ورحمة الله.. اشرت عليك بموضوعك السابق بالكمبروسر الكوري كونه جديد عكس البقيه (( مع تنظيف ارديتر المكيف وتغيير فلتر الفريون لان 50% من نجاح الكمبروسر معك مستقبلا يعتمد على هالحاجتين )) ولكن شكلك محتار لانك متخوف من جودته ؟؟؟ للتوضيح قطع الكوري تجي نوعين مكتوب على الكرتون Genuine parts بمعنى قطع اصلييية ودايم يكون عليه شعار هونداي او كيا

النوع الثاني هو قطع بديله ويسمى الكوري وهو نفس درجه الاصلي ونفس الكفائه الا انه ارخص سعر بسبب انه يجي من مصانع القطع الكوريه الشهيره مثل Hcc, Hanon, Mobis وعليه شعار هالشركه الصانعه بدل شعار هونداي (( نفس تويوتا الحين يجيك الكمبرسر نوعين دينسو واصلي والاصلي سعره حول 4000 مع انه نفس الدينسو مافرق مسمار بس جايك بكرتون تويوتا ))

نجي للشي المهم (( هل الكوري فيه تقليد )) نعم ولكن بشكل محدوود ولايجي ولا 10% من تقليد قطع غيار شركات ثانيه والسبب ان قطع الكوري رخييييص فما يطلع بفايده على اللي يقلد >> يعني بالله عليك ليش يجيب كمبروسر تجاري او مجدد واساسا الكوري متوفر ب 700 !!! ترى هو مستورده وطالع عليه قريب من هالسعر فما فيه مكسب

هذاك الوقت اذا كان الكمبروسر البديل سعره 1500 بالحدود ذي تسمح لي اجيب مقلد او مجدد وابيعه لاني متاكد محد بيروح للوكاله ويدفع 4000 على كمبروسر (( الحمد لله البديل عندنا ب 700 والاصلي بالوكالات ب 2200 )) واذا هي على الضمان اذكر الوكاله يعطونك 6 شهور ولكن بيكلفك الاجمالي 3000 !!! يعني قيمه 3 كمبروسرات كوريه مع شغل اليد