أضف سؤال أو موضوع جديد          

كمبرسر ازيرا

up 0 down 0
إبن ابها 190
قبل شهر و 2 أسبوع



السلام عليكم ورحمة الله وبركاتة.
عندي المكيف مايبرد وقت الوقوف ولما امشي احياناً يبرد واحياناً لا رحت عند كهربائي اعرفة من زمان وقالي حساس الكمبرسر يبغاله تغيير بس ما اظمن لك ممكن في اي وقت يرجع يخرب او غير كمبرسر يقول عندي كمبرسر مستخدم نظيف اغير لك واعطيك ضمان اسبوعين
تكلفة الحساس مع الفريون والشغل 550 ريال وتكلفة تغيير الكمبرسر مع الفريون والشغل 1300 ريال.
ايش تنصحوني فية او عند احد حل وقد مرت عليه مثل كذا يفيدي الله يعطيكم العافية.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذا كذاب المهندس استغل طيبتك
ليش 550 تغير حساس
احسبها
150 الحساس اصلي وكاله
تعبيه فريون امريكي اصلي مع التغير الحساس 200
المجموع 350
غير الحساس فقط مع فريون ويظبط معك


up 1 down 2
sloof. 221 1
قبل شهر و 2 أسبوع



250 حساس + 300 فريون اصلي وشغل يد
اخي الكريم مر عليك العطل وسويتها


up 1 down 1
إبن ابها 190
قبل شهر و 2 أسبوع



غالي جدا حساس 150 بالرياض
الفريون 130 امريكي
تغير 20 او 30 ريال
الحساس كلبس سهل جدا فكه ويتغير ويركب الفيش
انا مغيرها الانترا 2015 قبل يومين


up 0 down 2
sloof. 221 1
قبل شهر و 2 أسبوع



روح محلات القطع واسال عن سعر الحساس عشان تتاكد وماتظلم الكهربائي 

بالنسبه للشغل اذا الحساس مايحتاج فك الكمبروسر ف كثير ٣٠٠ 

اما اذا بيفك كمبروسر وفيه حوسه يوصل الشغل ٣٠٠ 
اذا تعبئة زيادة فرويون ب ١٢٠ تقريبا بس اذا فاضي التعبئة اغلى 

ممكن سعره تمام بس اسال عن قيمة الحساس 

لكن اذا مالقيت الحساس لان ممكن ما يباع ف اكيد بيركب لك مستعمل من كمبروسر عطلان 

وانت تحاول تكاسره بالسعر وتطلب ضمان


up 0 down 1
m7md 33 602
قبل شهر و 2 أسبوع



مشكلة المهندسين اذا شافوك تجي عندهم كثير يبدون يسرقونك

اول شي الافضل تغير كمبروسر ولا حساس؟ كلهم عطهم سنه قبل او بعد بيخربون

انا غيرت حساس قبل كم شهر لسوناتا 2011
سعر الحساس الوكاله: 250 ريال (الوعلان)
تعبئة فريون امريكي اصلي: بـ100 ريال
شغل يد فك الكمبروسر وتغيير الحساس: بـ50 ريال
الإجمالي: 400 ريال

طبعا المهندس يقولك عنده كمبروسر نظيف.. لو احلف انه كان الحساس خربان وراعيه الاول تركه عند الكهربائي وهو جاهل فغير بكمبروسر جديد
ثم يجي الكهربائي ويغير الحساس ويبيعه عليك.. وضمان اسبوعين هذا ولا شي


up 5 down 0
abo9aly7 440
قبل شهر و 2 أسبوع



لاتغير حساس لانه فترة ويخرب
ولاتغير الكومبروسر اللي عنده مستخدم ماتضمنه

خذ لك كومبروسر كوري كلتش
واديتر فريون كوري ( مو ضروري لكن الاحسن )
وشغل يد حول ٣٠٠
يعني الكلفة الاجمالية حول ١٣٠٠

هذا افضل حل


up 2 down 0
سلطان4040 1253
قبل شهر و 2 أسبوع



ادخل هالرابط بيفيدك ، هذا شخص ركب كمبروسر اوبتيما 2009 على ازيرا 2014

https://www.adslgate.com/dsl/showthread.php?t=2489108


up 1 down 0
0abo_waleed0 25
قبل شهر و 2 أسبوع



ترى بعض القطع اللي موجودة في الورش يجيبونها من الزبائن اما يخليهم يبدلون قطعه سليمة او يشلحها ويبدلها بين سيارات الزبائن
لذلك لا تستغرب اذا طلعت لك خرابات جديدة بلا سبب هذه الحركة منتشرة عند بعض ورشات شو بدك لذلك السيارات الامريكية والالمانية
ماتصلح عندنا بسببهم !
او يأخذها من الزبائن ويصلحها ويبيعها تشليح او على الناس !
الافضل كل واحد يأخذ قطعه القديمة حتى لا يتورط فيها اللي بعده وايضا لاتخلي الورش تسترزق منك فوق شغل اليد المكلف يبيع قطعتك للتشليح !
اتذكر اخذت قطعتي من الورشه ورحت ابي ابيعها تشليح رفض العامل لانه عرف ان اخذتها منه بينهم اتفاق
خليتها معي
افضلك مر اكثر من ورشة وتأكد من المشكلة
لا تنسى تسعر قيمة القطعه لو عنده
لان حصلت لي مع واحد نصاب في ورشه يقولي عندي قطعه بسعر كذا وظل يحاول
ورحت لمحلات قطع الغيار ولقيتها ارخص وانحرج !
بعضهم يكذب ويقولك وكالة حتى تشتري فلا تصدقهم الا اذا تتأكد
والافضل تجلس عنده وتراقبه والحمد لله دائما احاول اسويها وقلت الاعطال عندي
اللي يتركها عندهم راح يتعب وتطلع له خرابات من حيث لا يعلم !


up 3 down 0
splinter cell 161
قبل شهر و 2 أسبوع



اهل الورش مايعرفون نظام انا زبون او اعرفه بالعكس اللي يجيه دايم يستغله ويستغفله بمبالغ مهولة رح لأكثر من ورشة شغلتك سهلة كلن يقدر يصلحها


up 2 down 0
fahamsaad 7
قبل شهر و 2 أسبوع



سلمتوا جميعاً وماقصرتوا لا عدمتكم.


up 0 down 0
إبن ابها 190
قبل شهر و 2 أسبوع