قساوة الاكسنت ذبحتني وش الحل

تأكد من ضغط هواء الكفرات يمكن عالي

يابعدي ما خليت شيء ما سويته وهواء كفرات موزون مثل ماهو مكتوب على الباب 32

وموتري فيه حساس كفرات يعني لو زايد او ناقص اي شيء ينخبص تولع اللمبه حقت كفرات

تحمل وسع صدرك تتعود مع الايام
الفئة هذي لا تدور شي مريح او ناعم او عزل او ثبات
سيارات مشاوير قصيرة وسط البلد لا تتعدى سرعه ١٠٠ بالكثير
هذا تصميمها من صناعها

ممكن تشوف ان كلامي خاطئ ولكن جرب بنفسك
اولا السيارة ماشاء الله جديده ماشيه 20 الف مايعتبر ممشى فباقي مساعداتها جديده ولا قد لانت
الحل سو مثل ماسويت في سيارتي الصني اولا ماشريتها كسرت ظهري
الي سويته خليت هواء الكفرات 25 بالضبط وتغييييرت بشكل كبيييير جدااا صارت اريح والين خصوصا انك تستخدمها داخل المدينة
مايضرها اذا حطيت الهواء على 25 لأن عرض الكفر وإرتفاعه ماهو من الكفرات الي تفرش اذا نسمت هواها ولا تقلق
اصلا ماراح تحس انك منسم الكفرات جربها وتعال هنا اكتب تجربتك وتدعيلي بإذن الله

قد تكون من نوعية الكفرات نفسها قاسية

السيارات الصغيرة غالب ما تكون قاسية في ركوبها .
لذلك مع الوقت بتتعود عليها .
حاول تاخذ الحفر و المطبات بهداوه ,

نزلت الضغط على ٢٥ زي ما قال

وجرب

بسبب كبر الجنط
جرب اكسنت استاندر جنطها اصغر وبتحس بالفرق

شكرا يابعدي مشكله لحطيت 25 لمبه كفرات تولع وصرفيه بنزين تزيد

انت صني موتر شيوخ ماتحس بفرق انا اكسنت يفرق تحس بفارق

صرفيه تزيد ورساوة تفرق هي مشكله من سيارة قوية مره

اعتقد مشكلتك من الكفرات ، كرهت سيارتي بسبب قساوتها ويوم غيرت الكفرات صارت اريح بكثييير ركبت هانكوك الواحد بـ230 لأن جنطي 16 وسيارتي كامري 2009 فجرب المرة الجاية تغير نوع الكفرات

عزيزي

انا امر بنفس مشكلتك علماً ان سيارتي 16

لدرجة انها مسببة لي الم اسفل ظهري

وقبل كان عندي ياريس 2007 ماكانت اعاني من هذا الشئ

حاولت بالاكسنت اخفظ هواء الكفر لكن لاحياة لمن تنادي

نقزه حتى والشارع مرايه والمطبات والحفر حدث ولا حرج

صرت استخدمها بس للعمل

اما للمشاوير الطويله من اول الرياض لاخره والله اشغل الالتيما يالبى تطرربك راحه
كانك راكب فورد


الشكوى لله

اذا لقيتوا حـــل اتحفونا

يا هلا ومسهلا منور ابو وليد

صراحة ما اظن له دخل من كفرات لانه نوعيه كفراتي اشوفها
ينصحون فيها رساوة وراحة كومهو معروف

وبعدين ليه مقاس العن على النترا ونفس نوعيه الكفر لكن مريحه

ابو احمد فعلا اتوقع من السيارة اساسا قاسية تعبتني

لكن الشكوى لله الله يرزقنا بالي احسن منها

الكوري زباله
اليارس اريح منها بمراااااحل

انشهد صح لسانك يشيخ

يالبى الماركيز بس

يالبى السدرك القرمبع الله يرحمه هههههه مراتب لحالها داء لي ألام الظهر

مقاعد هونداي بعد فكها وفحصها فاشلة فالأسفنج غير سميك وخفيف ويسمح بوصول الجسم الى معدن الكرسي سواء الظهر او الجلسة كما ان تصميم الكراسي من الداخل غير املس وبه مسامير واسياخ داخل الاسفنج كالسوناتا عشان التقليم
فأنا وانت نجلس على كومة حديد اشبه بالاشواك والخردة اي انسان يعاني من مشكلات في الظهر او المؤخرة او ارتخاء العضلات سوف يعاني حتماً
بالنسبة للإطار عليك انت ان تحسس الاطار قبل الشراء ( بالضغط عليه ) وتجربتة الليونة والاطار الكوري عموماً الالين بين مجموعة الاطارات اما نظم التعليق المريحة و المساعدات ( الغاز-الهيدلوريك وغيرها ) فلا توجد غالبا الا في السيارات المريحة
والحديث يطول .....

احسنت بارك الله فيك

والله تجارب جميلة اشكركم عليها واشكر اخونا اللي قال مختصر الموضوع انت مشتري سيارة اقتصادية حقة بلد ومشاوير خفيفة يعني لاتقارنها ابدا مع انظمة امتصاص صدمات ونعومة ووو

انت على كومة حديد اي مطب تراه يؤثر في اسفل ظهرك ومؤخرتك وعظام رقبتك حتى

وهذه حقيييييقة واسالوا اهل الشاصات ههههههه