خرط هوبات مع تغيير الفحمات

خرط الهوب تحتاجه في حال عندك تعرجات كثيرة بالهوب ، وسعر الخرط للهوب الواحد مايكلف اكثر من 20 ريال ، يعني يكلفك 80 ريال زيادة على شغل اليد لو تبي تخرط ، واذا عندك رجه مع الفرامل اخرط واذا ماعندك ماتحتاج تخرط

بصراحه اخوي انا شخصياً ناااادر ما اخرط الهوبات حفاضاً عليها ، يعني احاول كل 6 او 7 شهور ابدل الفحمات على طووول علشان ماتاكل في الهوب وتسببلي رجه ومشاكل انا في غنى عنها ، وعلشان ما اظطر الى اني اخرط الهوب وطبعاً معروف ان في كل خرطه ينقص حجم الهوب وتضعف الفرمله وهذا شيء غير محبب وخطر في نفس الوقت ،،،
المهم //
اذاكان عندك تعرجات بسيطه مايجتاج تخرط الهوب لان الفحمات الجديده راح تقوم بعمليه الخرط من نفسها بس اصبرعليها شوي ، والاهم من هذا كله لازم تكون الفحمات اصليه .
وبالتوفيق .

اخوي اذا الهوب فيه خطوط لابد من تنعيمه قبل تركيب فحمات جديده
لان لو ركبت فحمات على هوب غير ناعم ما راح يكون سطح الهوب والفحمه متلامسين بالكامل
فيقل عندك الاحتاك وبالتالي الفرامل ما تكون كويسه معك ويزداد عندك معامل تآكل الفحمات والهوب
فبيحتاج فتره على ما يعتاد الفحمات على الهوب والعكس كذلك

معي النترا 2015
مسكت خط والفحمات عندي معدومة وتسمع صوت الفحمات تحك حيط حيط حيط
وصلت المدينة ورحت غيرت فحمات كوري (وغلطت في الشي ذا) ورحت لورشة قال لي اخرط لك الهوب ما رضيت والهوب كان معوج ومسكت خط تبوك لما وصلت الهوب صار املس وزبط

لا تخرط الا اذا كان فيه رجه قويه او إعوجاج واضح

غير كذا لا تخرطه ومثل ما قالوا الأخوان سعر الخرط 20 او أقل للجنط الواحد

عليكم السلام ورحمة الله وبركاته 

شف انا ماسويت خرط هوبات الا مره وحده بسس 
ومن بعدها اركب بدون خرط هوبات اذا الهوب فيه شي 
وتعرجات اركب فحمات تجاري ارخص نوع وامشي عليه فتره اسبوع
بالبداية اول كم مشوار او كم يوم تسمع اصوات مع دعس البريك 
وتشم ريحة حرق من الفحمات عادي طبيعي لانه يصنفر الهوب 
وبعدها تشوف الهوب رجع احسن من اول واروح اركب فحمات اصلية
الطريقة هذي سويتها على اكثر من مره وعلى اكثر من سيارة
مرات تحصل الفحمات التجاري بسعر الخرط وحتى لو كان اغلا بشي 
بسيط افضل من الخرط لانهم يعدمون الهوب وتلقى هوب انحف من الثاني 
مو نفس بعض واللي بمنطقة فيه طلعات ونزول دايم اذا الهوب نحيف 
من كثر الخرط احتمال ينكسر معاه .

الورش لعبتهم الخرط
مايحتاج يارجال
الفحمات الجديدة تقوم بتسوية الهوب ..

من يوم بديت السواقه واغير فحمات بدون خرط 
طبعا مكسبهم الخرط لو ان هوبك مافيه شيء !
فلذلك بيحاول يقنعك ويخوفك الخ ... لاتهتم له
خله يغير وبس 
اهم شيء انتبه للصاجه (( الحديده )) اللي بالفحمات خله يركبها
بعض المواتر يجي مع الجديد وبعض المواتر مايجي معها .
 فخلك على راسه وخله يركب القديمه في الفحمات الجديده
لان بعضهم ماعنده امانه يركبها لك بدون الحديده !! ويقولك عادي 
وفائدتها : تمسك القماش وتمنعه من الحركة والانفلات والاهتزاز.
وموفق

لا تخرط الهوبات نصيحة لانها صنعت من معدن خاص يتحمل وعندنا خرطالهوبات خدعه وخزعبلات ركب فحمات جديدة فقط

طيب اذا الهوب فيه اثر احتكاك مالعمل ؟