أضف سؤال أو موضوع جديد          

لاتشتري حتى تفحص

up 9 down 7
ابو مناور1 13
قبل 3 أسبوع و 6 يوم



أخواني اللي يبحثون عن سيارات للشراء , والله العظيم شفقه عليكم مما أرى من بعض الأجانب وخاصة بعض الجنسيات اللي ماعندهم أمانه وكل بيعهم كذب وغش وتدليس ونجش ,,, لاحظت أغلبهم موجود في التشاليح وفي الحائر وفي مكان مزادات السيارات المصدومه ويشترون هذه السيارات والورش عندهم ويصلحونها بعضها مقصوص وبعضها معدل وبعضها ملحم وبعضه الغماره كلها مقصوصه ومركبه فوق سياره مقصوصه وبعضها مقصوصه فيه المقدمه وبعضها مقصوصه في مؤخره السياره
وبعض السعوديين فيهم طيبه زايده عن الحد ويضحكون عليهم هؤلاء الأجانب بالأسعار الأقل وهذه السيارات تكلفتها عليه قليله يعني كسبان فيها مكسب طيب ,,, ويقول والله سيارتي نظيفه وبدي أسافر خروج نهائي ويجونك الناس يصدقونه ويقولون سيارة أجنبي مايعلمون أن الأجنبي هذا شريطي سيارات وصاحب ورشات وبعضهم ممكن يضعها بأسم سعودي حتى يتجنب المساءله لأن الأجنبي ممنوع يشتغل بالتجاره ,,, لكن اللي أراه من بعض الأجانب كل يوم يومين أسبوع ويعلن عن سياره أما في حراج أو في سنابه وياليت اللي يرى مثل هؤلاء يبلغ عنهم وخاصة من يتكرر منه مثل هذا الغش ,,, لاتتكاسل في التبليغ عنهم .
المهم : إذا حصلت سياره افحصها ولاتفحصها إلا في مكان متخصص ومعتمد ( مثل كارتك والبريدي والفحوص الكبيره ) وخاصة في معارض النسيم
أما معارض الشفا أغلب مراكز الفحص فيها كلام فاضي ,,, واغلب الأجانب موجودين فيها لأنها غير متخصصه ويعرفون بعضهم بعض .
حتى بعض اللي يعرضون السيارات لو طلبت منهم يجيك النسيم لتفحص سيارتك عند مراكز الفحص في النسيم قال لك لا ما أقدر أجيك هناك لأني ساكن بالشفا وهي كلها حتى تفحص في مراكز الشفا ..
وبعض الناس يفحص المحركات ويقول البدي ماعلي منه الآن البدي هو أهم شيء السيارات بعضها ينقص ويركب عليها تكميله من سياره ثانيه
فياليت اللي يفحص يفحص كل شي بدي من شاصيه ويتأكد إنها ماهي مقصوصه لاشاصيه ولا بدي والمحركات ويتأكد إنها ماهي ملحمه أو مفكوكه , وأتركها الطيبه الزايده والثقه في هؤلاء البشر اللي ماعندهم أمانه .
ونرجو من الإدارة ترك هذا الموضوع لتثقيف إخواننا وتثقيف الأسر الذين يردون شراء سيارات تسد حالهم ؟
واللي صار معهم موقف مثل كذا يضعه هنا لكي يتعضون الناس .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله انك صدقت الواحد في البيع والشراء يترك المرجلة والكرم والطيب على جنب خاصة اذا شخص ما تعرفه
انا اخر مره نزلت المعرض انا وقريبي وكنا نبغى كورولا شكل  ٢٠١٥ المهم ونلقى ذيك الكورولا اللي ماشاء الله تشوفها وكالة ونساله وش فيها قال ابد الصدام اللي قدام مرشوش بس وتجميل والحمدلله الشخص اللي كان معي له خبره يوم فكينا جلد البيبان اليمين وتشوف التلحيم ماشاء الله جايب بابين تشليح بدون رش وملحم واللي ماله خبره بيتورط فيها بدون ما يشك 



up 1 down 1
rak1999 157
قبل 3 أسبوع و 6 يوم



جزاك الله خير عالموضوع و على تنبيه المسلمين 
وفعلا صارلي وتورطت بموتر كذا وغلطتي مافحصته والله يعوضني خسارته


up 0 down 1
m7md 33 602
قبل 3 أسبوع و 6 يوم



نعم صدقت
انا كنت اشوف بالساحات والحراجات
نوعيه من الوافدين
شغلتهم يعرض سياره مسمكره ومتبهذله
وعندهم حاجه تجد المراتب والابواب . و الطفلووون مكيسه
كانك بتشتري ثلاجه جديده
ثم الزبون يروح ملح
والسياره اللحام بكل زاويه
..



up 1 down 1
امير الاصيل 1673
قبل 3 أسبوع و 5 يوم



في المعارض لا تصدق أحد وافحص بنفسك بعناية وإذا لقيت كل شيء جيد افحصها في محل متخصص واشترط عليه إن طلع فيها أي شيء عن البدي ومحركات السيارة مخالف لكلامه أنه يتحمل قيمة الفحص وصدقني الواثق من سيارته ما تفرق معه

تخسر 500 ريال وتشتري وأنت مطمئن ولا تنسى تحتفظ بورقة الفحص


up 0 down 0
أبو عبادة 4239
قبل 3 أسبوع و 5 يوم