طقة في قير السوناتا

هلا حياك اخ مختار

شف هذا موضوع تكلموا عنه الاخوان قبل اسبوع لعله يفيدك ، المصيبة اني اعاني من هالنتعة بس احترت
ف الموضوع من كثرة الاراء والاقتراحات ، يعني لو بروح للفني مدري وش اقول له ؛ لكن الاكيد اني بغير
زيت القير واشوف وش بيصير ..

هذا الرابط انسخه وعلمنا وش بيصير معك بعدين .

https://montada.haraj.com.sa/82282/5-%D8%A3%D8%B3%D8%A8%D8%A7%D8%A8-%D8%AA%D8%A4%D8%AF%D9%8A-%D8%A5%D9%84%D9%89-%D9%86%D8%AA%D8%B9%D8%A9-%D8%A7%D9%84%D9%82%D9%8A%D8%B1-%D8%A7%D9%84%D8%A3%D9%88%D8%AA%D9%88%D9%85%D8%A7%D8%AA%D9%8A%D9%83%D9%8A-%D8%A8%D8%AA%D8%BA%D9%8A%D9%8A%D8%B1-%D8%A7%D9%84%D8%B3%D8%B1%D8%B9%D8%A7%D8%AA/

اذا ازعجك الرابط روح للصفحة الثالثة موضوع رقم 24

معلومة .. اذا حطيت وضعية " الإيكو " او الـ ECO اللي هو موفر الوقود تكون النتعة عندي شبه مختفيه
لكن اذا خليتها بدون وضع التوفير ..!؟ كل ماهديت تنتع وبشكل قوي :(

^ مشكلة وضع التوفير والنتعة تحدث مع سيارتي فقط وليست مع كل السيارات وذلك بسبب اللي سرقوا موتري الله حسيبي .

لكن ببدا بمثل ماقالوا الاخوان اولا بغير زيت القير وان ما نفع بجرب اقتراحاتهم الثانية .

الزيت ماشي كثير غيره بالتدريج

مشكلة شائعة في السوناتا خصوصا نفس موديلك،،، والحل :
إذا سيارتك 2.4 وقير 5 نمر ( بنزين )، زيت القير يتغير كل 40 ألف كيلو.

بما إنك ما غيرت الزيت لفترة طويلة، أنصحك تغيره كل يوم لتر،
يعني تنزل لتر وتعبي لتر جديد وتمشي عليه بشرط تغير لتر ثاني يوم بنفس الطريقة،،،


مهم !!! ( طريقة تغيير زيت القير ):
تكون السيارة في وضع التشغيل والقير على الريوس R ( بشرط يكون بالقير ع الأقل لتر زيت )
نوع الزيت المناسب لقير سيارتك الأوتو ( MITSUBISHI ATF SP 111 ) اللتر سعره 22 ريال، القير يكفي 4 لتر.

لو ما تبغى تغير زيت القير، جرب الطريقة هذي:
في وقت تشغيل السيارة وهي باردة سخن القير بالتنمير، من الـ P الى R ثلاث ثواني
ومن R الى N ثلاث ثواني، ومن الـ N الى D ثلاث ثواني ( كرر العملية ثلاث مرات )
شرط التسخين للسيارة مهم لمدة 1 دقيقة تسخنها وتوكل على الله.

أتمنى أفدتك،،،

السلام عليكم

ابشركم تم حل المشكلة وان شاء الله ما ترجع
تم برمجة القير ب 100 ريال وراحت المشكلة البرمجة ما أخذت 5 دقايق والحمدلله مافي اي دقة والقير سلسل