يرجى حذف الموضوع

الغبن الفاحش وهو الزائد هو ما لا يدخل تحت تقويم المقومين ، والغبن اليسير هو ما يدخل تحت التقويم فلا يؤثر لكونه معتاداً أما الفاحش فزيادته متحققة فيثبت حينئذ حق إبطال العقد دفعاً للضرر عنه ، وقد حدد بعض العلماء الزيادة بالثلث فصاعدا كما في الحديث :( الثلث والثلث كثير )

الله يعينك ياخوي 

هذول طريقتهم يخلونك ترضى بمبلغ ثم يبيعونها بمكسب لشخص ثاني 
وماينقلون السياره باسم لتوفير مبلغ النقل والتامين 
يسمونه مبايعه مفتوحه 
توقع بيع بس مافي توقيع شاري 
وقبل فتره نزل نظام من المرور مخالفه عالمعرض الي ماينقل الملكيه ع طول اذا اشتكيت 

مدري بصراحه كيف طريقة الموضوع لكن اتمنى انك تشتكي عليهم وتقول عقد المبايعه ٤٠ ووصلني ٣٢ باقي ٨٠٠٠ الاف ماوصلتني 

بس بالاول والاخير ياخوي انت رضيت بالمبلغ ٣٢ .. وهم طلعوا مكسبهم بطريقه خايسه 

انا كنت ابيع سيارات اول ويقولون لي بيخلونها مبايعه مفتوحه وكنت اوافق لان ادري رزقتهم واكون راضي بالمبلغ 

بس الي قهرني بموضوعك انه طلع عيوب بسيارتك وخلاك تنزل من قيمتها كثير 


ومعوض خير 

نظاما دامك وقعت على الاقرار وصلت الفلوس للحساب وانتقلت الملكيه لغيرك . يعني حقك انتهى .

والدنيا دروس

انت رضيت بالمبلغ صحيح؟ محد غصبك او ضحك عليك. هذا شغل المعارض، مايشتروها منك ب ٣٢ و يبيعها ٣٢ ايش استفاد اجل!! ونفس الشئ في العقارات و اي نشاط تجاري هذا شغل السمسرة. 
واذا واحد مخالف، ليش تتعامل معاه! وايش ضرك بالضبط؟ هذا موضوع جانبي بعيد عن القضية الاساسية

نصيحة للاخوان بالذات قليلين الخبرة لا تروح المعارض والحراج الا ومعاك شخص خبير وحتى لو رحت لحالك لازم تشاور اغلب الشريطية عصابات الا مارحم الله وسمعتهم في الحضيض يحلف وهو كاذب ويطلق اهله 40 مرة في الساعة ودي العيناات في حراج مكة وجدة واكيد اغلب مناطق المملكة

انا على ثقة من عدالة المحكمة

كتبت هالموضوع لأني تأكدت ان محد يأيد الوضع هذا الا حقين دلالين السيارات ( مع احترامي )

لأن العقد يخالف الإقرار والتفويض

ليه؟ لأن الإقرار مكتوب فيه اني بعتهم ب32 الف ولهم حق بنقل الملكية وفحصها نيابة عني
لكني ماقلت لهم حق التصرف في بيعها وهي بإسمي بغير 32 الف هنا يختلف الوضع تماماً

وهذا الإقرار غرر والعقد غبن بنفس الوقت

يرجى التركيز

وفرصة للي جهل بالسوق مثلي وقرّب يكشفه عشان السعودة نظامياً متاحة على معارض السيارات
ان المزادات صارت محتله من الاجانب ويجب على النظام المعني أمنياً وتنفيذياً القضاء على هؤلاء

عندي أمل كبير بالله ثم باللي صار لي ان حقي بيرجع لي

السلام عليكم
اخوي كل الموضوع انك بعت السيارة 32 الف والمعرض باعها 40
الف نقل مباشر من اسمك للمشتري
انت كنت راضي والمعرض يبي يبيع يستفيد انت بعد ما عرفت انها
انباعت ب 40 طمعت وتبي نحلل لك ال 8000 وتضغط عليهم من ناحية
النظام وانه عامل متسيب يعني تبي تخلط الامور عشان تاخذ الثمانيه
يعني انت يوم بعته سالته هل هو متسسب
الحكم الوحيد بموضوعك هو انت انت تقرر اذا انضحك عليك او برضاك
مع اني ما اشوف الموضوع فيه ضحك او نصب حقك ال اتفقت عليه اخذته

معروفين الشريطيه و حركاتهم. و لكن الغلطان هو انت و رضيت تبيعلهم
بالسعر اللي اتفقتوا عليه. لو مثلا باعوها ب 25 الف بترجعلهم الفرقيه؟

معروفين الشريطيه و حركاتهم. و لكن الغلطان هو انت و رضيت تبيعلهم
بالسعر اللي اتفقتوا عليه. لو مثلا باعوها ب 25 الف بترجعلهم الفرقيه؟

مالك أي شي عندهم

بعت سيارتك ب32 وباعوها ب40 هذي هي التجاره
وأنت زعلان وتدور زله لأنك تعرف أنهم ربحوا من وراك 8 ألف

بالعقل يعني تعتقد اشتروها منك عشان يخسرون فيها ؟!

حتى لو وجد طريقة قانونية لفركشت البيعة وهذا المستحيل لأنك تتعامل مع ناس فاهمين كل كبيره وصغيره قانونياً بحكم عملهم

هل تعتقد أن رجوعك عن البيعه لمجرد ربح الشاري من وراك أمر يرضي الله ؟

مثل ماقالوا الشبب البيع صحيح ولا فيه اي مشكله

ماغشوك او لعبوا عليك

هل اجبرك تبيع ب32؟ اكيد ل

خلاص هو شراها منك 32 وباعها ب40 

لو اشتكيت بيكون خصمك المشتري الجديد وهو ماله ذنب هو شرى ب٤٠ وانت اتفاقك مع الشيريطي ٣٢ ألف .. 


وهذي عموماً حركات الشريطية يعطيك عربون الين يحصل زبون ويبيع له مباشرة بدون ما ينقل السيارة باسمه

صار لي موقف مثلك ونزلو السعر مررررة كثير ومن بعد التجربة اظن اول من يدخل النار هم الحرامية مثل هالعينة الواطية

انا بعتها للمشتري بقيمة 32
والعقد يخالف ذلك وانا ما وافقت اصلاً على العقد
والفضل يرجع لله ثم للتاريخ اللي بين الاقرار والتفويض 24صفر
وبين العقد 26صفر
على كذا حقي مسروق

ماهو قصة طمع ولا حسد زي مافسروه البعض

ونعم عملهم مخالف
ما اكتشفت هالحركة الا يوم علمت القانونيين بالموضوع

عشان كذا
حقي اقسم بالله لأدبل فيه دبل تعبي لو مشى فيه مليون نفسه بالقضاء
وان ماحكم لي القضاء بعيد الدعوة عبر الاستئناف او إلتماس اعادة النظر

وعندي اسانيد الطلبات

غير كذا انهم خذو مني السند تبع عربون 5 الاف ريال اللي مكتوب فيه 32 الف
وكتبوا عن طريق اسمي بالعقد ان سيارة بيعت ب40 الف

سلامات ؟؟؟

نصيحة اذا سيارتك نظيفة بمعنى أن استخدامها كويس فالافضل بيعها لأحد تعرفه بسعر مرضي للطرفين منها افدت اللي تعرفه وهو يفيدك ولا فيها غبنة حتى لو باعها بسرعة اعلى اشوي من مشتراها
اما إذا السيارة تعبانة ولا تصلح للاستخدام اليومي ف بيعها على شريطي حتى لو بخس بسعرها كثير لان هدفك تتخلص من السيارة باي طريقة

والله شف انا مالي خبرة بالقضاء ولكن حدّث العاقل بما يعقل
انت كاتب انهم طفشوك لين بعتهم يعني م اجبروك ولا هددوك انت وقعت عالمبايعة من باب انك تبي تتخارج منهم وهذا هدفهم
تلقى واحد يقولك يا رجال بع بالمبلغ الفلاني لي ترتاها ما تسوى وخويانه يردوو وراه بصوت عالي بع بع بع بع بع بع قل تم بع الله يبارك له
ومن وجهة نظري انا اشوف ان المبايعة سليمة من قبل الطرفين لا اكراه ولا مكروه
معلش هذي الحقيقة ولا تزعل من كلامي مجرد رأي
وفي مثل يقال،،، القانون! لا يحمي مغفلين
الله يعوضك وان شاء الله انها كانت خيرة لك وتذكر ان الفلوس تروح وتجي

دام ان العقد ابو ٤٠ الف باسمك انك انت البايع فهذه لحالها قضية

وانا اخوك فيه محامي ف تويتر اسمه عبدالله بن على العبود
وهذا المعرف الخاص @moj2200
إرساله ف الخاص ويعطيك النصيحة بالمجان

اطلب منهم عقد المبايعه اللي مكتوب فيه ٤٠ الف..وارفع عليهم قضيه بعدم تسديد المبلغ كامل..انت استلمت ٣٢ الف ومتبقي..٨ الآف

تخيل لو خسرو ٨٠٠٠ بعد ما قبضت ٣٢ هل ستعوضهم لا والله لن تعوضهم ولو طلعت سيارتك عطلانة 
 أخي لا تتعب نفسك ما لك حق ولو وصلت مواصيل صعبة وقال راعي المعرض خلاص بطلت أبيع على صاحب ٤٠ألف وأبغى  تتم بيعة ٣٢ وهي بيعة صحيحة برضى الطرفين والكتابة والشهود طبعاً سوف تتم هذه الببعة ولن تخرج بغير التعب