أضف سؤال أو موضوع جديد          

تجربتي اطفاء لمبة ايرباق سوناتا 2011-2012

up 2 down 0
abo9aly7 478
قبل أسبوع و 3 يوم



السلام عليكم ورحمة الله وبركاته..

سيارتي سوناتا 2011 الدفعه الأولى (نص فل) للأسف تجي ايرباق واحد فقط للسائق

سبق وحصلت لي هذه المشكله وكانت السياره تحت الضمان قبل 4 سنوات تقريبا.. صلحوها الوكاله بتغيير قطعه داخليه داخل الدركسون

قبل يومين رجعت المشكله هذه.. فصلت اصبع البطاريه عشان تعيد البرمجه مافيه فايده.. برضو فكيت الفيوز حق الايرباق ورجعت ركبته ماضبط

ثم جلست افكر اروح للوكاله يفحصونها ولا اروح للصناعيه فحص كمبيوتر واشوف وش المشكله؟
الوكاله بتاخذ اقل شي 500 ريال فحص كمبيوتر فقط غير قطع الغيار وشغل اليد
او اروح للصناعية افحصها كمبيوتر مايكلف 100 ريال

طبعا بحثت في الشيخ قوقل طلعت مشكله شائعه في شريحة الدركسون الداخليه تخرب ثم تشتغل لمبة الايرباق..

جازفت ورحت لقطع غيار وكاله اشتريت الشريحة هذه بمبلغ 225 ريال شامل الضريبه
بحثت في اليوتيوب عن طريقة تركيبها وحلصت مقطع يشرح بالتفصيل وهذا الرابط
https://youtu.be/n3_Jwo77pBc

طبعا فصلت البطارية قبل ابدا الفك والتركيب..

بعد ماركبتها رجعت شبكت اصبع البطارية وبسم الله.. الا اللمبه ماطفت.. بدت الهواجيس اني جبت العيد
رجعت فصل اصابع البطاريه لمدة ساعه ورجعت شبكتها واللمبه ماطفت.. قلت مافي حل الا اروح للصناعية افحصها كمبيوتر واشوف وش المشكله

رحت عند كهربائي قال افحص وابرمجها لك مره ثانيه بـ100 ريال.. شبك الكمبيوتر حقه وفحص حساسات السياره الا اكواد اخطاء بكل مكان.. راح سوا تحديد الكل ~> مسح.. ثم رجع فحص مره ثانيه راحت الاكواد وطفت لمبة الايرباق
ثم قال خلاص خلصت برمجه... << (لا ياااشيخ بالله هذه تسميها برمجه تحديد الكل ثم مسح)


طبعاً من ضمن الاكواد الموجوده ((كود شريحة الايرباق انها متعطله))..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الصورة تغطي باقي الكلام الي كتبته

التكلفه 225 ريال سعر الشريحة
100 ريال فحص الكمبيوتر ومسح الاخطاء

هذا وصلى الله على سيدنا محمد وعلى آله وصحبه أجمعين


up 1 down 0
abo9aly7 478
قبل أسبوع و 3 يوم



كلامك كله سليم مئه بالمئه
فجاء قبل سنتين ولعت لمبه الارباق بدون سابق انذار وخفت وسيارتي واقفه لها شهر لا صدمت ولا سويت شي
رحت فحصت كمبيوتر قال شريحه الى داخل الدركسون واشتريتها ب 370 لانها جينسس
وركبها ب 100 مع البرمجه وصلى الله وبارك

الى الان مستغرب وش خلاها تولع وتخرب ؟؟

التركيب ما ينفع بدون برمجه ولا كانك سويت شي
في قطعه فحص تنباع بحراج تحذف الاكواد والاخطاء وتنفع اتوقع ب 30 ريال
ضروري نشتريها يا شباب ونبرمج بنفسنا احسن من الخساير


up 2 down 0
فـــ9ـــد 397
قبل أسبوع و 3 يوم



غريب والله .
خربت عندي شريحة الدركسون عشان كان عندي الدكسون مايل يبيله وزن . رحت وزنت وبعدها شريت القطعة وركبتها بنفسي وما احتاجت برمجة ولا شي واختفت اللمبة وصل الله وسلم


up 0 down 0
فهد ابن حسين 51
قبل أسبوع و يوم