أضف سؤال أو موضوع جديد          

بخصوص الاكسنت الديزل

up 0 down 1
ابورشدان 43
قبل 2 شهر و 2 أسبوع



سلام عليكم ورحمة الله وبركاته
اليوم ابحث عن سياره بموقع حراج
احصل اكسنتات ديزل
بستشيركم يالربع اللي جرب هالنوعيه أو يعرف احد جربها
كيف وضعها ينصح فيها والا
وهل القطع نفس الاكسنت البنزين
وشكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام

الاكسنت البنزين اقتصادية وفل البنزين مايزيد عن الخمسين ريال
بالنسبة للديزل تختلف بالمكينة والقير والتربو ولاتنسى مكاين الديزل يبغى لها اهتمام في تغيير الفلاتر ولا راح تضرب عليك طرمبة الديزل هذا غير عن انها مستوردة من معارض مو من الوكالة لذلك ماراح تلاقي فلاترها الا نادرا


up 3 down 2
yahya alajlani 616
قبل 2 شهر و 2 أسبوع



ابعد عن الديزل صيانته مكلفه كثير ومعقدهه وقطع الغيار نار شابه الاكسنت البنزين ماشاء الله تبارك الرحمن الريال ماتعرفه مايحتاج اكسنت ديزل وجه نظري فقط


up 2 down 1
هبووب الشمال 74
قبل 2 شهر و 2 أسبوع



خلك على البنزين تراها ماتصرف الاكسنت


up 3 down 0
ابوبدر1979 7
قبل 2 شهر و 2 أسبوع



استاجرت اكسنت ديزل بالمغرب ولفيت فيها من جنوبها لشمالها
بطله وما تصرف بس مكينتها مزعجه بصوتها وبارده بالخط ما تحس بعزم وقوه
المكيف ممتاز مع ان اجواء المغرب حلوة

الملاحظات هناك عندهم صيانه الديزل بكثره وقطع متوفره

هنا بالسعودية غاليه قطع الديزل وصيانتها مكلفه تخيل توضيب طرمبه ديزل ب 3 الف وفوق
طبعا اتكلم عن خبره لاني مسئول نقليات عن دينات وونيتات ديزل

ما انصحك بسياره سيدان ديزل هنا بالسعودية ولكن انصحك بونيت او دينا ديزل لان
الديزل حق تحميل وكرف وخطوط طويلة ومشكله لو كل شوي تشغل وتطفي كذا مرة اذا مشاويرك قليله
لان الديزل يطول على بال ما يتحمى وضرر على الطرمبه لو كل شوي تشغل وتطفي

ارشحلك بنزين لان الحمد الله يعتبر قيمته ممتازه مقارنه بالدول الى برا
انا كنت اعبي ديزل بالمغرب حدود 250 درهم ما يعادل 120 ريال والنزين اغلا اعبي ب 350 درهم بحدود 150 ريال



up 2 down 1
فـــ9ـــد 394
قبل 2 شهر و 2 أسبوع