أضف سؤال أو موضوع جديد          

زيت القير سوناتا 2016

up 1 down 1
ابو بلال 18 4
قبل 2 شهر و أسبوع



السلام عليكم ورحمة الله وبركاته

اخباركم يا رجال

موضوعي يا رجال عن زيت القير حق سوناتا 2016

انا سيارتي ماشيه حدود 82000 وكثير القيادة فالجبال وما قد غيرت الزيت حق القير
ورحت الوكالة ابغى اغير عندهم قالو تمام
وسالتهم هل يضمنون اي خراب يحصل للقير بعد تغيير زيت القير عندهم قالي المهندس لا ما يضمنونها ولا شيء
فانا اصبحت في حيرة اغير والا لا ؟!!

اللي قد غير زيت القير والا عنده خبرة فيه يا ليت يقول لي وش اسوي
هذا الموضوع وسلامتكم .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


كل الوكالات محد يضمن غيار زيت القير 
ع العموم امورك ف السليم باذن الله في الكتالوج مكتوب يغير على ١٠٠ الف في الاستخدام الشاق
معاي اوبتيما ٢٠١٤ نفس قيرك ومكينتك ولسه قبل اسبوع غيرت زيت القير للمره الثانيه على ممشى ١٦٠ الف كيلو
غير ولا عليك ان شاء الله الامور بسيطة بس اول ماتغير خلال ٣٠٠ كيلو خلي سواقتك رايقة شوي ولاتضغط ع القير مره
تحصل العلب بمحلات قطع الغيار العلبة الوحدة سعرها ٤٥ تقريبا تاخذ ٤ علب السيارة وغيارها مايكلف شي مره سهل بس يفتح صرة تحت ومن فوق يفك قربة الهواء عشان يوصل لفتحة التعبية حق الزيت مافي لا فلتر ولا شي


up 2 down 0
modomar 44
قبل 2 شهر و أسبوع



وعليكم السلام ورحمه الله وبركاته انا معاي نفس سيارتك ونفس الموديل غيرته على ممشى 82000 ونفس المشي هههه ولا طبيت الوكاله اخذت اربع علب من قطع الغيار العلبه الزرقاء وروح عند اي بنشري ويكون فاهم او غيره قبل كذا لاني انا غيرته عند بنشري لانها سره من تحت يفكها ويفرغ الزيت وفيه مسمار من فوق يفكه ويصب الزيت واخذ شغل يد 30 ريال يعني كلفتني مع الزيت 230 ريال والحين ماشيه 135000 وغيرته للمره الثانيه عاى 130000 


up 1 down 1
الخور قريبه 369
قبل 2 شهر و أسبوع



غيره عادي سيارتك ما قد مشت واجد
انا مغير زيت كامري شريتها وهي ماشية
280 الف ولا ادري هل راعيها الاول مغيره
ولالا شريت زيت ووجه وفلتر وغيرته واللهم لك الحمد
احلى من اول بمية مرة


up 1 down 1
qahtani.505 284
قبل 2 شهر و أسبوع



الوكالة تضمن سيارتك بما فيها القير الى ممشى ١٠٠ الف
اذا غيرت عندهم وصار شيء للقير قبل ممشى ١٠٠ الف ورفضوا يصلحونها
اشكوهم الى وزارة التجارة وغصبا عنهم يضمنونها
بعد ممشى ١٠٠ الف خلاص السيارة خارج الضمان


up 4 down 0
سلطان4040 1267
قبل 2 شهر و أسبوع



معلومه للتذكير والفايده زيت القير يتغير وللسياره بااارده
غلط السياره تكون حاره والزيت القديم حار وتعبي الجديد يكون بارد
على القير وشكرا


up 0 down 0
sloor_07 80
قبل 2 شهر و أسبوع



حبيبي انا غيرت زيت بنفسي للسوناتا على ممشي 70 الف و ادخل على اسمي في موضوع كامل عنها
لعل وعسى ينفعك بشي
و بكل حال السياره بعد ما تفضي الزيت كامل عند البنشر
تاخذ اربع علب زيت ATF -SP vii
اعتقد كدا تلاقي اسمه بالموضوه برضو
المهم سعر العلبه ب 45 ريال
يحط لك 3 علب وثلث تقريبا
يعني 3 لتر و 750 مل
و بعد كذا امشي عليه على مهلك 3 او 4 ايام
او لغاية 300 كيلو ولا تخلي الضغط يعدي الثلاثة
عشان ينخلط الزيت الجديد مع الي باقي في القير
لان القير ما يطلع منه كل الزيت الا لو انفك فهمتني
وما بيضرك شي بحول الله انا مغيره مرتين على نفس الكلام و الله على ما اقول شهيد
و اذا منت متطمن هذا حلالك روح سويه في الوكاله اهم شي لا تحط غير زيت بلدها "فقط"


up 0 down 0
sweetsaad 167
قبل 2 شهر