انواع الكفر الصيني

يبي يجيك كم واحد الحين يقولك
لا تااااااااااااخذ صيني انت تخاطر بروحك وما تضمن الصيني والخ....
خذ هاااانكوك ومن الشركات الثانيه على طوووول اغلى شي وتضمنه

ومع العلم فيه كفرات اصليه و ماركات معروفه لكن مواصفاتها سيئه مثل مايتحمل حراره عاليه وهكذا, والواحد يروح يشتري ومايقرأ المواصفات اللي مسجله عليها وياخذها عشان اسمها بس
انت احرص اهم شي يكون الـTemperature اللي هي درجة الحراره A
والـTraction اللي هو الثبات او الاحتكاك ايضا A
ويتحمل سرعات وهي الرموز تفيدك, واحرص تاخذ ايضا اعلى شي تلقاه.

J يتحمل سرعة قصوى مقدارها 100 كم/ساعة.
K يتحمل سرعة قصوى مقدارها 110 كم/ساعة.
L يتحمل سرعة قصوى مقدارها 120 كم/ساعة.
M يتحمل سرعة قصوى مقدارها 130 كم/ساعة.
N يتحمل سرعة قصوى مقدارها 140 كم/ساعة.
P يتحمل سرعة قصوى مقدارها 150 كم/ساعة.
Q يتحمل سرعة قصوى مقدارها 160 كم/ساعة.
R يتحمل سرعة قصوى مقدارها 170 كم/ساعة.
S يتحمل سرعة قصوى مقدارها 180 كم/ساعة.
T يتحمل سرعة قصوى مقدارها 190 كم/ساعة.
H يتحمل سرعة قصوى مقدارها 210 كم/ساعة.
Vr يتحمل سرعة قصوى مقدارها 210 كم/ساعة.
Zr يتحمل سرعة قصوى مقدارها 240 كم/ساعة.
V يتحمل سرعة قصوى مقدارها 240 كم/ساعة.
W يتحمل سرعة قصوى مقدارها 270 كم/ساعة

وانتبه يهك عليك اللي بالمحل ويقولك هذا مفتوح السرعه, صارت لي قبل لا اشتري سألته كم يتحمل سرعه, قالي هذا مفتوح السرعه وماركته معرفوه, بحثت لقيت مسجل عليه Q يعني يتحمل 160 فقط


نرجع لموضوعنا, الشركات الصينيه فيه المعروفه بالسوق واللي يمدحونها الناس
جينيو - شعاره عليه رسمة فيل
سايلون - ايضا اشوف ناس تمدح فيها
رن واي - وكيلها توكيلات البعيجان

وبالتوفيق لك

الرجال كفى ووفا عطاك المفيد وذكرلك الانواع الزين 
وانت شف النقشه والليونه وتاكد من التاريخ جديد

وبالتوفيق

فيه كفرات هندية مرة كويسة بس ما اعرف اسمها طبعا استخدامي عليها في الحفر اكثر شي والبطناج والردميات وما شاء الله عليها ما حبلت للحين

صراحة طلبك صعب

كفرات للسفر وخدومة وصينية ما يصلح

الصيني يصلح فقط للإستخدام في الديرة أما الخطوط فالكوري جيد وسعره معقول

ركب دنلوب صراحه هو اللي يكد 

الصيني مهما كتبوا مواصفات على الكفر ما يتقارن مع الياباني و الكوري
الصيني داخل المدينه قريب او مثل الكوري و غيره
لكن بالخط مجرد ما تعدي 120 او اقل حتى تلاحظ فرق كبير
الكوري الهانكوك مثلا هاديء جدا
الصيني مهما كانت مواصفاته المسجله ممتازة و يتحمل سرعه عاليه الا انه تسمع فيه صوت ضجيج بالخط
يعني بأختصار هانكوك مكروف و ما بقى فيه الا ربع عمره مستهلك يعني يكون هاديء و مريح
اكثر من الصيني الجديد و هذي عن تجربه سنوات طويله و جربت انواع كثير من الصيني
جيد و يخدم و رخيص لكن كراحه و هدوء لا تدور بالصيني

مثله مثل الجوالات مثلا تجي لجوال سامسونج جالكسي تحصل مكتوب الكاميرا 13 ميقا قوتها
و تجي لشركة اخرى هواوي مثلا تحصل مكتوب 16 ميقا يعني افضل
ولكن تجي للواقع تجرب التصوير هنا و هنا تحصل الجالكسي وهو اقل حسب المواصفات الا انه اصفى و اوضح

نفس الشيء منطبق على الكفرات الصيني يكتبون لك مواصفات على ورق فقط

تبي تقتنع اكثر

تعال شوف كثير من السيارات الصينيه و غيرها مصنفه بالحماية و الحوادث 5 نجوم
بالمقابل تجي لشركات اوروبيه معروفه من عمر الدنيا انها امان مثل مرسيدس و بي ام و غيرها
تحصلها نفس التصنيف بالامان

تعال اقنعني ان السيارتين نفس الأمان

اتفق مع اخوي التركي... الجودة تفرق والچاينيز لا تدور عندهم جودة

انا لي تجربة مع كفرات صينية من اكثر من 3 سنين، ركبتها في كرسيدا جنط 15،

و اخويا ركبها فو فورد من سنتين

و الوالد مركبها في جيب ماونتنير اخو الاكسبلورر ايضا من تقريبا سنتين

و الان انا مركبها في ألتيما من اكثر من سنة

في جميع السيارات السابقة ما شاء الله ما في أي ملاحظات عليها من ناحية السواقه داخل
المدينة او في الخطوط. و لا من ناحية انها تطلع تصوت .

امسكبها خطوط و انا ما اسرع اكثر من 140 و ما في اية ملاحظات و سعرها ممتاز و اختباراتها
ماخذه أفضل من الدنلوب .

الكفرات اسمها A3 أو AAA، و كيلها الشبكة النموذجية في كيلو 3 في جدة.

نعم في كفرات صينيه رخيصه جدا يركبوها في الغالب التكاسي و شركات الايجار ويغيروها كل
6 اشهر ، هذي تجي تعبانه جدا.
لكن فيه شركات صينيه ممتازة نزلت في السوق و منافسة جدا.