أضف سؤال أو موضوع جديد          

توسان 2012 - دخان أبيض ضعف في العزم ونقص في الزيت

up 2 down 0
faris724 9
قبل 3 شهر و 4 أسبوع



السلام عليكم ورحمة الله ،

يا إخوان معايا هونداي 2012 توسان ، دعستي عالبنزين خفيفة

من فترة أسمع صوت طقطقة خفيفة كأنه مسمار مخلخل تحت السيارة ، يروح بعد ما أغير زيت (كل 5000 كيلو)
ولما ينقص الزيت أسمع الصوت

وبعدها صرت إذا دبلت دعسة يطلع دخان أبيض كثييف والسيارة تصير مكتومة مع الدعسة
رحت ميكانيكي في محطة وقلي غيّر كل شي استهلاكي
نظفت بخاخات غيرت بواجي وكويلات وطرمبة بنزين وصفاية البنزين ونظفت بوابة البنزين وغيرت جلدة البلوف ، غيرت زيت وفلتر وزيت جربوكس
وكل شي ، الأمور رجعت تمام والطقطقة راحت

بعد فترة شغلت السيارة الصباح ويطلع دخان أبيض لمدة 10 ثواني أول ما شغلتها ، بعدين راح
والسيارة لو مشيت فيها وهي باردة أسمع الطقطقة

وديتها ميكانيكي قلي شنبر

فـ جاي استشيركم ، توافقوه ولا لكم راي ثاني؟
وماخاب من استشار







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل اللي تقوله تقص الزيت والدخان وبعد ماغيرت كل شيء وجلد البلوف يدل انه شنبر 100%


up 5 down 1
dell2012 882
قبل 3 شهر و 4 أسبوع



شنبر والله اعلم
كم ماشيه معك
وهل. الآن شاريه او له فتره طويله


up 3 down 1
امير الاصيل 1685
قبل 3 شهر و 4 أسبوع



اخوي طيب جرب تغيير ( جلد بلوف و بلف تبخير PCV ) بإذن لله تنحل مشكلتك 



up 1 down 0
has90has 252
قبل 3 شهر و 4 أسبوع



شكرًا جزيلاً على ردودكم يا اخوان ، الله يجزاكم خير والله يعين

السيارة مطلعها زيرو اول 2013 ولها معايا 6 سنوات الآن ماشية 155 الف

باجرب كلام الأخ has لعل جلد البلوف اللي غيرتها ماكانت أصلية أو شي ، وبلف البخار معاها
وإذا مانفع معناها شنبر والله يعين


up 2 down 0
faris724 9
قبل 3 شهر و 4 أسبوع



لا تستعجل ع الشنبر
افحص كذا موقع ممتاز


up 1 down 0
لا للغلاء 625
قبل 3 شهر و 4 أسبوع



ي الغالي لو شنبر الزيت يطلع على البواجي وتفتف اذا مافيها تفتفه المحرك سليم غير بلف التبخير وان شاء الله تزبط معاك


up 1 down 0
هبووب الشمال 50
قبل 3 شهر و 4 أسبوع



شيك ع بلف التبخير زي ماقال هبووب الشمال
والله يكون بعونك


up 0 down 0
حسام 1436 14
قبل 3 شهر و 4 أسبوع




اتوقع سيارتك ما تحتاج شنبر ماشية 150 الف قليل جداً وما يمديها تطلب شنابر طالما انت محافظ على الزيت 
" بالنسبة للدخان الابيض وقت الصباح في ايام الشتاء اتوقع هذا بخار عادي لما تجي حرارة على شي بارد يطلع معك البخار في اي شي مو شرط سيارة
" وبالنسبة للصوت اللي عندك اتوقع ممكن يكون احد البلوف ما يشتغل ، انا صارت معي في سيارتي ان بلف الجنزير ماسك ما يشتغل وكان عندي صوت خاصة في السرعات ما بين 20 الى 80 وغيرته والحمد لله راحت 
" اما بخصوص النقص ما ادري اذا انحلت عندك المشكلة بعد ما سويت الصيانات اللي ذكرتها او لا ، اذا ما عندك نقص الحين جرب تغير بلف الجنزير رخيص وسهل وما يكلف ، وبالتوفيق ان شاء الله


up 1 down 1
abdulhakeemayash 6
قبل 3 شهر و 3 أسبوع



طمنتوني الله يطمنكم ، وفعلا مثل ما قال الاخ عبدالحكيم الطقطقة اسمعها بين الـ20 والـ80
بافحصها اليوم واحدث الموضوع للإستفادة

شكرًا للجميع


up 1 down 0
faris724 9
قبل 3 شهر و 3 أسبوع



هذي مشكلة السباكين اللي عندنا خصوصا الجنسيات العربية مو فاهم بالشغل يقلك بدل كل شي استهلاكي






up 0 down 0
abu_mateb 102
قبل 3 شهر و أسبوع